تجمع حوامل ليبيا

عيون زوجي · 07-14-2010, 06:25 PM

اقتباس:

المشاركة الأصلية كتبت بواسطة حبل الوصل

شن بتدير اهو قاعدة في بيتها وتبكى هو اليوم عنده عقد وبكرة الدخلة وماطلبتش الطلاق قالت مش حنلاقي زيه لانها تحبه وتموت عليه

الله غالب شن بدير تتحمل الراجل والضرة خير من هم نساوين الخوت وكلام الناس
رح نحكيلكم قصة ولد عمي
هو عقيد ووضعه المادي ممتاز وتزوج عن حب من 20سنه وزوجته حلوة ومعلمه واتجنن في كل شي
حملت من اول سنه وفي الولادة جاها الطلق وزوجها مسافر رفعها عمي يلي هو بوه للمستشفى وفي الولادة جاها نزيف وكان مستشفى حكومي فيه دكاترة تشيك مايعرفوا شي طلعوا للشيباني قالوله حاله كنتك صعبه يا توقع اننا نشيلوا الرحم او تاخدها مستشفى تاني لاننا قاعدين ما ولدنهاش بس الشيباني خاف ووقع
تخيلوا مات البيبي في الولادة وشالوا الرحم
حس ولد عمي بالذنب لان بوه السبب 20سنه ما تزوجش وكانت هي تقوله تزوج لكن طلقني يوم زواجك
بعد 20سنه سافر للحج مع امه وكانت امه وحدة صعبه اطوف عالكعبه وتقول يارب انا مش راضيه على ولدي لين يتزوج
خاف وروح تزوج ومرته زعلت شهر ورجعت بالسيف وين بتمشي
يعني انتظار 20سنه راحوا عالفاضي

لولى2010 · 07-14-2010, 10:06 PM

عيون انا جربت الحلمات ماركه تشيكو بس بنتى رافضه تاخدها

عيون زوجي · 07-14-2010, 11:16 PM

حاولي يا لولي ورح تنجحي وما اديريش غلطتي
انا حملي هذا بأذن الله ناويه ارضع طبيعي وبأي ثمن بعد مشيئة الله طبعا

سورينام · 07-15-2010, 12:47 AM

السلام عليكم يا عويلة الخير

سورينام · 07-15-2010, 12:48 AM

عيوووووووووووووووووووون يا أحلى عيوووووووووون
والله العظيم فعلا .. رب صدفة خير من الف ميعاد

سورينام · 07-15-2010, 12:50 AM

والله اني المفروض سميت روحي في المنتدى توأم عيون

سورينام · 07-15-2010, 12:52 AM

نستأذنكم لحضات .. راجلي تقول يتوحم ... الساعة توا 12 وهو جايب اللحم ويبي القلايا

ام اسيل · 07-15-2010, 01:34 AM

اقتباس:

المشاركة الأصلية كتبت بواسطة حبل الوصل

حتى انى النت متاعى توة مدار بس مش ديما اغلب الوقت نشتغل بالريفي لكن تعرفي انى سرعته بيش مايتعبنيش
تعرفو يابنات اليوم بنت عمى اللى حكيتلكم عنها ماعندهاش صغار ليها 8 سنين متزوجة راجلها بيتزوج عليها وحدة من طرابلس والله مقهورة عليها قريب نبكى واجعتنى بكل ربي يكون في عونها كلنا على هالطريق

(كلنا على ها الطريق؟؟؟؟؟؟)بعيد السو عليك يا اوخيتي ليش التشاؤم راجلك يحبك وجايبتيله الوليد والبنية لالالالا ما تفكريش هكي وكان عا العيال مازلتي صغيرة وتوا تجيبي طقرور وبعد رمضان تعالي لبنغازي راهي وجها خير عالي يجيها (وبالك تطلعي توا حامل وتفكينا من ها القصة) تعالي توحمي عندي

ام اسيل · 07-15-2010, 01:37 AM

عيون زوجي كيف حالك امتا الجية وراني عازمة روحي عا الاسبوع والمقروض عليا

ام اسيل · 07-15-2010, 01:40 AM

امس يابنات كنت مريضة بكل من الصبح في الفراش والليل شالني الراجل للعيادة لقة ضغطي مرتقع 180 عا ال100 وعطوني ابرة وقالولي قيسيه 3 ايام كانهو قعد عالي نعطوك حبوب لكن اليوم الحمد لله كويس