تجمع حوامل ليبيا

[يقين]

تحبي تلبسي قدم لالالالالالا اني ما نحبش القدم ديمه ارضيه القدم مرات مرات في العراس بس اما حياتي العاديه لالالالالالا يتعب فيا هللللللبا

[ام وسونة]

ماااااااااااااااشاء الله عالهدرزة الحلوة اللي فاتتني

ربي يدوم لمتكم عالخير يارب

[ام وسونة]

انظر جيدا فى هذه الصورة ودقق النظر فيها مدة طويلة بعد ذلك اقرا المكتوب تحتها.
.
.
.
.
... .
.
.
.
.
بعد النظر فى الصورة ستجدا ان مافيش مكان للنوم (ومع ذلك اوجدوا مكان لنوم الكلب والقطة)

ستجد ان قدم السرير مكسورة ومع ذلك( قطعتان من الخشب او الحجارة كافية للقيام بالمهمة افضل مايكون)

الماء يتساقط من كل مكان ومع ذلك ضحك الاب ابتسامة مسالمة وهو ماسك الشمسية فالمشكلة ليست صعبة

ليس السعيد فى العالم من ليس لديه مشاكل .................
(ولكن السعداء هم اولئك الذين تعلموا كيف يحلون مشاكلهم ويقتنعون بتلك الأشياء البسيطة التي لديهم.)

نصيحة:
. ( ابتسم دائما مهما كانت الظــروف).......

[ام وسونة]

وخيه متفائلة بالله خشي وطمنينا عليك راهوووو مشغولين

عليك وخليها على ربي توا لما ياذن حتلقي كل حاجة في

وقتها حلوة الحمدلله على كل حال ادعي ربي عمره ماحيخيبك

[عيون زوجي]

السلاااااااااااام عليكم
كيف حالكم اليوم
ماشاءالله جماعة الصبح نشطوا زي جماعة الليل
ام اجنادين صحه الحنه وصحة الكسكسي
رغودة انا متخرجة معاي من كليه الصيدلة جامعة الفاتح سابقا بنت من عيله الخبولي وكانت معاي وحدة من عيلة شهبون بس ما كملتش معانا اسمها منال ومش عارفه كملت في معهد ولا وين
وماشاءالله لاقيه وين تحطي صغارك انا ناويه نشتغل العام الجاي وانفكر في صغاري من توا وين نحطهم
يقين..........يا احبيبه شفتوا جيل التسعينات امولعها نااااااااار ههههههههههههههههه ماشاءالله اعليك لهلوبه انا عندي 3 نساوين خوت مواليدهم كالاتي 1972 و 1983 و 1993 تقريبا 10سنين بين كل وحدة منهم والتانيه بس متاع 93 انشط وحدة في العولة والقضيه والمكياج والشعر واللسان على قولت يقين عمره 50 سنه تاخدك للبحر وتردك عطشانه
غالبه سلفاتها الزوز وواكلة بعقل امي حلاوة بس تستاهل لانها في مجتمعنا تعتبر مرا فالحه وزيك يا يقين ما كملتش قرايتها وسلفتها يلي قبلها تسكن قبالتها نظام شقق فوق حوش العيله مع انها دكتورة نساء بس الصغيرة افلح بهلبه مش بالعمر ولا بالشهادات
ام وسووووووونه........هلا بالغاليه كيف حالك اليوم وحال وسن وطلعتي درتي دورة ولا لا
انا اليوم قصتي قصة مشيت لعيادة الرحمة درت تحليل حمل وبعدها مشيت قضيت من سوق الثلاتاء ولقيت محل احلام مفتوح خديت لسارة توته محلاهم يجننوا
وروحت للحوش واليوم سوق الجمعه مدايرين مهرجان والبوابات في كل مكان والطيارات اتمشط من فوق وصوتهم حاله مانحكيلكش

[عيون زوجي]

اوخيتي متفائلة بالله اعليك استحلفك بالله خشي وطمنينا اعليك

[عيون زوجي]

انا موعد دورتي يوم 26 من كل شهر واليوم التاريخ 7 يعني 11يوم متأخرة على غير العادة درت تحليل حمل وبعدين نقولولكم النتيجة ههههههههههههههههههههههه لين انشعفكم

[ميمونة]

السلام عليكم كيف حالكم

عيـــــــــــــــون كيف حالك وحال صغيروتك وينك اتصلت بيك ماحصلتكش

يقـــــــــــــــين والله ياحبيبه انا معاكم ونتبع في ردودكم --شن حالك وحال فطومه والبيبي

متفائه--ربي يعوضك خير الشهر الجاي ومتغشيش روحك كل شئ مكتوب خشي طمنينا عليك

ام اجنادين--شن الجو هياجه ماشاءالله

ام ناريز--والله ديما ننشد عليك كيف حالك وحال الخمس

تموره----وينك يابت استحشناك انشاءالله المانع خير

[عيون زوجي]

منووووووووووووووو فيكم قعده انا مكسدة راجلي عند حوش اهله وانا وصغاري مكسدين نتفرجوا على بعض خشوا غيروا الجو
الله اكبر اهو المغرب بيأدن نستأدنكم نصلي ونجي لان الساعه 7 عندي موعد برنامج ماستر شيف استراليا على فوكس مسلسلات

[عيون زوجي]

ميمونه شفت اتصالك اماخر سامحيني ما قدرتش انعاود اعليك واليوم انشغلت في حكاية تست الحمل لاني تعبت كل يوم نقول بالك تنزل وما تنزلش
كيف حالك وحال اوخيينك وامك وبوك ان شاءالله ما تعبوش وما ضعفوش من تعب الحج