تجمع حوامل ليبيا

[رغوده2006]

ام اجنادين قصقصي لكن معليشي والله اليوم انقولك شدي عندك:-
اروح من الخدمه الساعه الواحد ونص لان عندي ساعة رضاعه ولدي قاعد صغير عمره 4 شهور ونص قبل راجلي بساعه ونصف باهي يعني نخطم على ولدي ناخذه من الحضانه باش ارضه من صدري وبنياتي لما بوهم يروح يخطم عليهم يعني عندي وقت انطيب ونضم وارتب اموري قبل مايجي راجلي والصغار يجي يلقى الغدي واتي باهي هكي والا انزيد وانتي شنو وضعك احكيلي شوي حتى انا بديت انقصقص زيك هههههههههههههههههههههههه

[يقين]

ام اجنادين تفضلي نفاص خفيف وطيب

[رغوده2006]

الله شهتيني يعطيك السلامه
حراااااااااااااااااااااااام عليكم خلوني نخدم تربحوا انا عارفه بجيني اندار في جرتكم يا حلوفات

[يقين]

رغوده انتي كشختي اعليا ومانيش مسامحاتك لين تدعيلي نجيب وليد هيا نراجي في دعوتك ولا نخبر فيك الصلوعا ونقوله فايته العمل ومقعمزه تهدرز

[أم أجنادين 80]

صحيتي يقونه
وين الحضانة هذه يلي تحطي في صغارك فيها
قصدك حتي وليدك 4 شهور وفي الحضانه ,,,,,

[يقين]

اليوم خاطرني بنبعث علي فلفل احمر وبندير هريسه عربيه لان هريستهم اعيييييييييي عليها مهياش طيبه زي متاع ليبيا واني مره مره ندير في هريسه حوش يممممممممممممممممي تهبللللللللل

[رغوده2006]

هيا خوذلك عاد توه انا هي هالي طلعت امكشخه علياها تحسابني بوكشاش هههههههه
والدعوه خذيها مني من غير شي يارب يرزقك بوليد زي وليدي العسل باهي

[أم أجنادين 80]

يعني انتي تسوقي رغوده
انا متزوجة من سنه وشهرين وربي ماسخرش وحملت
يعني قاعجين عيله خفيفه نمشي في اموري مره هكي ومره هكي
مره جاهز ومرات انلوسه قبل مانمشي

[يقين]

اييييييييييييه عليا غدوه عندي عيد ميلاد عليك هم لاشريت هديه ولا عندي خلوق نمشي
مره عزمتن جارتي مصريه علي عي ميلاد بنتها خشيت في امن الله وامانه مافي شي شوي شوي بدي يخش كل مره تراس نهار احرف هادا شني واني مكيجه وعلي سنقه 10 وين عرفتها الحكايه سلاطه استادنت منها قلتلها بنتي تعيط بنرقالها وك عليا هالعبيتر ما نعرفوه في ليبيا

[رغوده2006]

قصقصي ام اجنادين
حضانه تابعه الشركه هلي نخدم فيها
والحضانه ميه ميه حتى امي وامه مش راح يهنوني عليه زي الحضانه