تجمع لحوامل شهر جمادى الأولى 1433

[متغربه]

هلا بنات، كيفكم يا غاليات..
معليش والله ما دخلت اليوم لأني كنت تعبانه شوي، طلعت من مركز الأشعه متأخره ومعاي زي الكتمه بصدري، باديتني السخونه لها يومين واليوم زادت علي، مريت على الدكتور اللي اراجع عنده وقالوا أنه اليوم ما داوم، رحت بعدها اتقضى لبيتي فاضي وانتم تعرفون العيال ما عندهم يبون كل شي جاهز، دخلت البيت واخذت دش دافي أبي اريح جسمي شوي وهاذاني توني داخله.. ياحبيلكم والله اني احبكم كلكم منجد الوحده فينا تحس بأن عندها أخوات الله يناولكم كل ما تبون يا رب..

[متغربه]

سهاد الروح، أم رزان، أم ليان.. يا حبيلكم والله اشغلتكم معاي الله يحفظكم ويخليكم لأحبابكم..
بصراحه بنات انتم خطيرات والله حركات الرومانسيه مع الحمل شي يوسع الصدر، ايه كذا خلوا ازواجكم يقولون احملوا كل سنه.. اعجبتني افكار hawrah بصراحه.. وفكرة هدية سهاد الروح جديده وحلوه.. أم رزان أحس ان هديتك تصميم موقع مرررررره فكره استثنائيه وشي جديد.. الله يقويكم بنات وانا ان شاء الله بخلي الرومانسيه على التاسع، هاذا أن امداني وما ولدت هههههههههه.. سروؤه، خلاص قررت ادخله معاي للولاده والله يعينه علي ههههههه

[متغربه]

سالفة الأشعه الرباعية

اليوم الصباح كان موعدي للأشعه الرباعية مثل ما قلت لكم.. المهم رحت للموعد في الوقت المحدد وأنا شاربه مويه لين داخ راسي، وهذا طلبهم لي لما حجزت الموعد قالوا لي اشربي مويه من قبل الموعد بثلاث أيام، وجلست اشرب واشرب واروح لدورة المياه الله يكرمكم، لدرجة أني شوي وانام في الحمام هههههههه..

المهم دخلت العياده وعبيت بياناتي، وطلبوا مني 200 دولار سعر الأشعه حوالي 750 ريال، عطيتهم بطاقة التأمين بس رفضوا لأنها ما تدخل من ضمن التأمين، وقالوا بنعطيك صور وسي دي مدته 30 دقيقه..

المهم خلصت الإجراءات ودخلني الدكتور في غرفة الأشعه، لما دخلت انصدمت لقيت الغرفه ظلام ما فيها ألا شموع في كل مكان وروائح عطريه مع موسيقى هاديه وسرير بالوسط عليه مفرش مرتب بأشكال ورود وقدام السرير شاشة سينما كبيره، وشاشات صغيره على يميني ويساري.. أنا بصراحه خفت.. قلت وشو هذا؟؟ (جو رومانسي على طاريه) هههههههه بس الحمد لله محصنه نفسي الصباح بالأذكار وتوكلت على الله، انسدحت على السرير وبدأ الدكتور بالأشعه..

آآآآآآآآآآآآآآآآآآآآآه يا بنات، شعور حلو وغريب وممتع بشكل لا يوصف، أنا أول مره أسوي الأشعه الرباعيه، قلبي كان يدق بسرعه أبي اشوفه فديته.. أول ما شفته دمعت عيني والله فيه شبه من ولدي، طبعا الأشباه ما تبين بقوه بس توضح اشياء مستحيل تشوفينها بالأشعه العاديه، كنت عارفه انه ولد من الاشعه العاديه واليوم أكد لي الدكتور..

سبحان الخالق شفت حركاته وجلست اضحك، تخيلوا طول الوقت وهو يحضن المشيمه ويحطها على وجهه ههههههههههه وفي بعض الصور مطلع لسانه وقاعد يلحسها هههههههههه (عاجبه الطعم) والدكتور بس يضحك عليه، قال لي بضغط على البطن شوي وبتحسين بألم عشان هالفصعون يتحرك ونشوف وجهه زين، وكل ما حركناه تغيرت اشباهه ويحرك فمه يقول الدكتور زعلان من قوة الضغط عليه ههههههههههههههه، المهم آخر الوقت رضى وخلى المشيمه جنبه وقعد يلعب بالحبل السري ههههههههه والله الحاله.. قال الدكتور لازم اذا جبتيه بالسلامه تعطينه دايم مفرش ناعم وتخلينه عند وجهه عشان يحس بالأمان مثل ما كان ببطنك لأنه يحب الدفا شكله، سبحان الله وحده.. وبدينا من ألحين بعد ندلع الله يعينا عليهم..

شعوري، ما اقدر أوصفه، شعور غريب وممتع ورائع، انصح اللي ما سوتها منكم يا بنات تسويها.. وهاذي بعض صور الفصعون حقي، مع أني ما كنت حابه انزلها بالنت بس عشان اخواتي يشاركوني فرحتي.. (لا تنسون تشوفون المشيمه جنبه هههههههههههه)..

[ريم11]

بنات الله يسسسسعدكم انا صدري ينزل منه حليب
امانه شيء عادي او لا يجي معاك او لا
وربي مرررررررررررره خايفه احس راسي مصدع وخايفه البنات يقولون ولاده مبكره
الله يخليكم قولوا الصدق هذا الشي عادي او لا
ام رزان متغربيه قولوا الله يخليكم

[hawrah]

اهنن يابنات رجعت لكم بعد ليلتي الرومنصيه هع
طبعا انا صرفت زوجي بحجة اختي بتجي ترتب معي المطبخ كله
وجلست العصر رتبت المكان كله وياها واخذت دش وشورت شعري وسويت كيرلي
وحطيت عدسات ومكياج خفيف بس الكحل خليته مره عريض وطلعت خقه >>> اخسس بس هع
ماتتخيلون قد ايشش زوجي انصدم وانبسط مره حتى اول مادخل قال لي معليش كاس ماي اول هههههه
وكانت ليله ولااروع .. من جد حسسيته تذكر الايام اللي قبل الحمل اايام السهر والحركات ..!
.
.
ذحين بعلق ع الللي اذكر من الردود ..!
اهم ششي بنات لاتحطون في بالكم ان بتصيرون اثقال والكرشه وكذا
بالعكس هو كله يوم وبيمضي .. والكرشه استعمليها بأيجابي .. هع
نفس انا الفستان اللي شريته مررره قصيه لنص الفخذ والظهر كله مفتوح
فحس اظهرت مفاتني وبنفس الوقت الكرشه كانت مخفيه لان موديل الفستان واسع عند البطن حييل وماسك عند الفخذ ..!
وزوجي حييييييل ماقدر يقاوم تذكر ايام الزواج الاولى يقول ..!

[ريم11]

المشاركة الأصلية كتبت بواسطة أم رزاان

فكرت اخذ له غترة واغلفها بشكل حلو
ومعها علبة شكولا من شكولاين واغلفها بنفس تغليف
صندوق الغترة
وعطر رجالي حلو !!
واحيانا بقول بما أن تخصصي برمجة وتصميم باعمل له موقع خاص فية
يستفيد منة في تنزيل جداوله والتواصل مع طلابة من خلاله

بحس هالشي بينبسط فية اكثر !

أيش رأيكم أنتم كروشات ؟ :)

ام رزان الحمدلله على سسلامتك نورتي التجمع الله يحفظك
والله فكرة الموقع جنان واكيييد راح ينبسط فيهاا
توكلي على الله وسويهاا..

[ريم11]

متغربه اخبارك..؟
شعور مرررررررره حلووو الله يتمم فرحتك يارب
وحمستني مرره اسويها واذا سويتها ان شاءالله ابي اجي اقول لكم وش صار معي

[ريم11]

المشاركة الأصلية كتبت بواسطة hawrah

اهنن يابنات رجعت لكم بعد ليلتي الرومنصيه هع
طبعا انا صرفت زوجي بحجة اختي بتجي ترتب معي المطبخ كله
وجلست العصر رتبت المكان كله وياها واخذت دش وشورت شعري وسويت كيرلي
وحطيت عدسات ومكياج خفيف بس الكحل خليته مره عريض وطلعت خقه >>> اخسس بس هع
ماتتخيلون قد ايشش زوجي انصدم وانبسط مره حتى اول مادخل قال لي معليش كاس ماي اول هههههه
وكانت ليله ولااروع .. من جد حسسيته تذكر الايام اللي قبل الحمل اايام السهر والحركات ..!
.
.
ذحين بعلق ع الللي اذكر من الردود ..!
اهم ششي بنات لاتحطون في بالكم ان بتصيرون اثقال والكرشه وكذا
بالعكس هو كله يوم وبيمضي .. والكرشه استعمليها بأيجابي .. هع
نفس انا الفستان اللي شريته مررره قصيه لنص الفخذ والظهر كله مفتوح
فحس اظهرت مفاتني وبنفس الوقت الكرشه كانت مخفيه لان موديل الفستان واسع عند البطن حييل وماسك عند الفخذ ..!
وزوجي حييييييل ماقدر يقاوم تذكر ايام الزواج الاولى يقول ..!

ياحياتي اهم شيء انكم ابسطتووا الله يتمم عليكم فرحتكم بشوفت البيبي يارب
من جد مفروض مانحط في بالناا الكرشششه
الله يوفقكم ويسعدكم يارب.ز

[hawrah]

نكمل كلامنا ..
قمر تقدري تاخذي له صندوق انيق
وتحطين فييه مثلا تعليقه لسياره ومعها ميدالييه وبتقدري مثلا كوب ل شاهي والكافي
اذا هو من النوع اللي يشرب كثير .. وتحطين معهم ملمع ومنظف لسياره والزجاج وفوط الصغيره اللي تكون خاصه للزجاج ..
وتقدري تشتري اللي يصير مثل الفرو تحطينه ورى وقدام ..!
امممم بس هذا اللي ف بالي ..!
وام رزان مرره الفكره حلوه .. بخصوص شي يخص دوام وبينفعه كثير
وبكذا بيحس انك مهتمه فييه ..
انا زوجي اخصائي تمريض ومره اخذت له جزمه لدوام وساعه ومره فصلت له لبس دوام جديد ... وحييييل انبسط فيهم ..!
يلا باقي الكروشات كل وحده تشد همتها وتعمل ليله جميله لزوجها ومب شرط بمناسسبه
..!

[متغربه]

ريم وش فيك الله يهديك. أحسك مره خايفه من الموضوع. لا تخافين ان شاء الله ما فيه الا كل خير. انا دائماً اقرأ عن أعراض الحمل اللي تجي الام بهذا الشهر ومن ضمنها نزول حليب من الصدر اعتقد اسمه اللبأ. وما اعتقد له دخل بالولاده المبكره بالنسبه لي ينزل معاي بس مو كثير ويختلف أكيد من وحده للثانيه فلا تشيلين هم أبدا. هذا رأيي ونشوف رأي البنات بالموضوع