دردشة بنات مصر , دردشة حوامل مصر , تجمع بنات مصر

[ommarem]

ربنا يخليها ويديها طول العمر مع الصحه بتوديها حضانه ولا لسه ؟

[om arwa]

والله لسة
بس لفيت على حضانات كتيررررررررررررررر فى المنطقة عشان الاقى حضانة استريحلها
لقيت احدة حلوة بس لسة مانزلتهاش بقى

[om arwa]

وانتى بتعملى ايه مع مريم

[ommarem]

بصى انا بودى مارو حبيبتى حضانهاسمها الكوكب الدرى اللى قدام التوحيد والنور فوق مختار بتاع الاحذيه بصراحه مستريحالها اوى وفيها العاب ونظافه بعد ما لفيت برضه على الحضانات ابقى روحى شوفيها واهى قريبه منك هاتعجبك باذن الله

[om arwa]

ايوة انا روحتلها
بس معرفش ما استريحتلهاش لية
هى اعداد الاطفال كبيرة اوى فيها ولا لأ

[ommarem]

لا انا شايفه ان الاعداد كويسه انا دخلت كل الفصول بس بصراحه استريحت لنظافتهم خصوصا لما طلبوا منى قاعدة للتواليت خاصه بمريم وفوطه وش وفوطه لجسمها وصابونه حسيت باهتمام بصى اهم حاجه انتى تكونى مطمنه للحضانه ونظافتها

[om arwa]

ماهو انا كان نفسى الاقى حد مجرب
لانى مش لاقية
طيب المدرسات الدادات كويسين
هى البنت مااشتكتلكيش من حاجة

[ommarem]

المدرسات كويسين والدادات كمان اقولك والله العظيم مارو ماشاء الله لما بتروح بتجرى على الدادة وتترمى فى حضنها من حنيتها انتى ممكن تجربى شهر لو ما استريحتيش بلاش بس انا بقولك عن تجربه شخصيه

[om arwa]

اه طبعا اسال مجررررررررب
ربنا يسهل عايزة انزلها قريب ان شاء الله
هما مواعيدهم ايه
وسعرهم
انا فاكرة ساعة ماسالت قالوا 200 بس ده كان من شهور دلوقتتى ؟؟؟؟؟؟؟

[ommarem]

بصى انا بدفع لمارو 175 بس كل ما الطفل كان صغير كل ما المصاريف بتكتبر عشان الاهتمام هما مواعيدهم من 8 ل 3 وفى فترة تانيه من 3 ل 8 تقريبا مش فاكرة والله بس انا بودى مريم على 9 ونص او عشرة وقبل الحمل كنت بوديها على 11 كمان وانا رايحه الشغل بس دلوقتى باباها بيخرج بدرى على 9 بيوديها جربى شهر وانتى من اروى هاتعرفى اذا كانت الحضانه كويسه ولا لا لان ممكن البنت ماتستريحش لا قدر الله هناك مهما كانت الحضانه كويسه لكن لو لقتيها بتحب تروح بيقى توكلى على الله وابداى من دلوقتى عشان تتعود عقبال ما تقومى بالسلامه تكون اتعودت عليها