دردشة بنات العراق, دردشة حوامل العراق , تجمع بنات العراق

[شمعه امل]

احم احم بس لاحدا يضحك اوك
اني بيوم كانت امتحان الكورس ال2 بالكليه ومكنت افتح الايميل
وصار فرصه فتحت الايميل لاكيت اوف لاين ضيفي ايميلي وضفته بسرعه وسديت الايميل
واختفيت شهر صار عطله نوروز اسبوع نعطل فتحت الايميل ونسيت اني ضفته وظليت حايره من وين اجه هالايميل
طب علي كتب لي مين معي كلت وي ومصري من وين هاد واني العربي مالي مو كلش مضبوطه اعرفه المهم عرفت انو عراقي
وكالي انو جبوري ومن تكريت تخيلو اني حسيت احبه ههههههعهههه قبل ما اعرف عنه شي وكلي اسمه محمد بصراحه بديت اتسحب طبعا بعد اسبوع
كلي انو من تكريت بديت اتسحب لاني ما اريد اتورط بعلاقه ماله نهايه وشي مستحيييييل يكون في ارتباط هاد لو كان جاد كلت تاره انسحبي قبل ما اتعلق في
اكمل لو كااافي

[شعور الامومة]

اي مو ضجت محد يحجي قصته كلت شمعنه اني ومسحتها ....... ههههههههههههه
اي والله احيانا العقل من يزغر يسبب مشاكل

[شعور الامومة]

كملي واني هم احجيلج قصتي بعدين ارو بس خلي نسمع توتو

[&ام همام&]

اني جنت اعتقد ما رح ازوج من كثر متجي ناس تخطبني وتتفركش باخر لحظة حتى من الجامعة
المهم رمضان 2011اجوي خطابة بداية رمضان وخطابة نص رمضان واجة حبيبي اخر يوم برمضان وجان يوم خميس اجتة امة وخالتة ساعة 12 الظهراني جنت نايمة وتعبانةجنت بغرفة اخوية وفجاءة اجتي اختي كالت كومي انزلي واني مدرت بال بعدين هي ومرت اخوية سحلوني سحل ونزلوني اني من شفتهن كلت ذني النسوان شكلهن مو غريب اعرفهن بس منو ما ادري عرفو شكد مواليدي وجنت صار شهر متخرجة فكالو ادعونلة نرجع طلعو بدون ما حجو اي شي من راحو عرفت من ذولة كلت اكيد تتفركش مثل كل مرة صار الظهر رجعت نمت كعدت المغرب اشوف امي واختي ومرت اخوية يضحكون كلت ذولة شبيهم اختي كالت ترة قبل اشوية الجماعة اجوي ورادوج اني ضجت كلت ليش ما حجت الصبح كالت من اجتي العصر كالت من رجعنة الصبح للبيت ومسولفتلة عني ومواصفاتي متعارك وياها ليش مو راسن خاطبتها اكو واحد يلكي هيج مواصفات وميحجي بيها راسن لكالت اني ما اكدر اطلب رسمي الا انقل المواصفات واذا اقتنع اجي اخطب المهم اني رفضت لان مواليدة 77وكلت لامي تخابريهم ولا ما اقبل رحت ثاني يوم للمقبرة انزور والدي من رجعت للبيت جان اخوية موجود امي كلتلة اني متوقعة يكول لا جان يكول اني معلية هي شنو رايهااني فجــــــــــــاءة الرفض انقلب الى تفكير كعدت وفكرت وشفت الايجابيات وما لكيت اي سلبية كلت خلي اشوفة واقرر من دخلت سبحان الله صار فشي بكلبي وحسيت بية هواي وجان عاجبني اعرف كلشي عنة بذاك الوكت لدرحة موبايلة دك ردت لعرغ منو اتصل علية من شفتة عبالك 85 وشفتة حبيتة راسن عيونة كلش سحرتني صفرة مشخطة با خضر وصار القبول والشغلة صارت بااسبوع يعني اجتي امة يوم خميس والحميس اللي وراة عقدت يوم 8-9وازوجت يوم 20-10يعني شهر وشوية
اتمنى اتحبون قصتي اذا عدكم تعليق علقو

[& زهرة حياتي &]

اي توته كملي

رورو انتضرج مو تنسين اريد اعرف

حتى اني هم احجي قصتي وره متخلص توته

[& زهرة حياتي &]

سراوي حبيبت يقصتك حلوة الله يديم فرحتكم وحبكم ويسعدكم

[شعور الامومة]

قصتي ارو من اتعينت اول يوم داومت بي شفت ولد حلو جان يباوع عليه وبقلبي قلت زين اكو حلوين بالدائرة ومرت الايام وحجه ويه صديقتي يريد يتقدملي واهلي مرة يقبلون مرة يرفضون بعدين هو راد ةجواب نهائي واخذ رقمي اول مرة مقبلت انطيه الرقم وبعدين وافقت لانو كان يريد يحجي كلام خاص عن حياته وفهمني انو هو انسان بسيط واجو اهلة وصار رمضان وتأجلت لبس الحلقات والعقد ورة رمضان وبقينه برمضان يتصل بيه بالسحور وكلام حلو وغزل وبعدين عقدنه ولبسنه حلقات وشهر واتزوجنا

[شمعه امل]

دخلت بعد فتره لكيت اوف لاينات كتير يكلي وين رحتي
ليش اختفيتي انتي شنو اسمك ههههههه اوك حكيت ويا كتله شوف
بكل صررراحه اني كورديه من اربيل واعطيته اسم خطا هههههه كتله اني ماعندي
علاقات وما اريد اكذب ع حالي بعلاقه اعرف مالها نهايه ليش احكي معك واستمر صار يضحك
كلي انتي كورديه عصبني ورزلته دزلي صورته شفت شكله راسه كبير وهاد علامه الاكراد ههههههه كتله انت متاكد اانك جبوري
حسيته كذاب كان اكو شي قوي يكلي هاد زوجك بالمستقبل ياثقه سبحان الله اتوسل بيه كلي انطيني فرصه
اجي لكليتك واشوفك كتله مستحيل ما اريد تجي ع شنو كال اخر واول مره المهم اجه لاربيل وشفته واستغربت
انو متاخر واول مشفته حسيت قلبي راح يتوقف كنت ميته خوف واول مدخل اعطاني هويته وكانت الصدمه

[شعور الامومة]

حلوة قصتج سراوي ... يله كل وحدة تكول شنو اسم زوجها

[شعور الامومة]

شوقتيني توتو كملي