تجمع حوامل ليبيا

[عيون زوجي]

فرقت نومي
صحة عشاك
انا درت دجاجة محمرة في الكوشة وبوريك وخلية النحل

[عيون زوجي]

باركيلي جتنا الدعوة من المانيا مازال هم التأشيرة

[ام وسونة]

مبروك وربي يسخرلكم الحال وتمشوا تغيروا جوكم تعرفي اني

راجل اختي توا ليه شهر في المانيا هو وخوه ربي يرجعه بالسلامة

[عيون زوجي]

لحظات لا انساها

يوم عرسي ومع انه كان من اسعد ايام حياتي..

ومع ان الفرحة العارمة اللي ماخلتنيش حتي نبكي زي العرايس في حفلتي ..وطلعت نجري من الحفلة لدرجة ان المعازيم يحسابوني بنصور وبنولي وماحدش اتوقع اني خلاص منعت ..ومع اني ياما قلت غير امتي بنتزوج..الا اني لما وصلت لحفلة حوش العريس وخشيت على الناس حسيت بغربة مش عادية...فجأة لقيت كل الوجوه مش مالوفة ..وكلهم ناس مانعرفهمش..وكلهم يشبحولي لين قريب ع...ترت وطحت من الحشمة..
وزيادة ضاربني الصقع لان الجو سميطري كان..واني واخدة بردة..فجأة حسيت بالخوف وتمنيت نعطيها الشياط ونهرب..وماردتش فيا الروح لين خش عريسي وقعمز جنبي..وبدوا يوكلو فيا في السكر بش ارتفع السكر في دمي ووليت لطبيعتي ..وما ارتحتش لين وصيت اختي تبعتلي عشي..لاني من كتر الاستعجال ماتعتشيتش في حفلتي..

[ام وسونة]

صحة عشاكم ومطرح مايسري يمري

[عيون زوجي]

بارك الله فيك
ماشيين سياحة ولا علاج

[عيون زوجي]

الله يسلمك
انتي كتري عصير عنب وعنب وكبدة وبنجر على خاطر دمك باش اتشدي روحك ليك ولعويلتك وللبيبي الجاي ان شاءالله

[ام وسونة]

ههههههههه الجزء الاول من القصة فعلا هذا اللي صارلي في حفلتي

طلعت والناس يحسابوني ماشية نصور اني وياه تخايلي حتي الناس.

كيف بدوا يتعشوا جت الساعة12 قالي هيا طبعا كنت مانقدرش نقول

لا من يوم طلعت هههههههههه تخايلي اني في السيارة نستني فيهم

وهما يعشوا في الناس ولين جوا السيارات اللي بيرفعوهم وخاصة

ان الصالة في عين زارة اما هو يوم عالمي هههههههههه

[ام وسونة]

ياااااااارب من فمك لباب السمي ربي يسخرلي الحال ونحمل

وياااااااارب اشفي راجلي من كل سقم ياااااارب

عيون بنسالك علي حبوب الرويال تعرفيهم

[عيون زوجي]

هههههههههههههههههه انا قصتي تشبهلها والله العظيم لما قعمزت وكل الوجوه مانعرفهاش والكل يفنص قلبي قعد يضرب وقريب انموت ما صدفت عمتي جت اتسلم اعليا اخت بوي اضبتتها وبديت نبكي شنو هدا عاااااار ولما جي راجلي جري معاه لحوشنا بلا انتظار