تجمع حوامل ليبيا

[عيون زوجي]

انا جيييييييييييت ام وسونه انتي قعده؟؟؟؟؟؟؟

[عيون زوجي]

هاااااااااااااااالووووووووووو............
منو سهرانه زينيييييييييييي
راهو نرقد راهو

[عيون زوجي]

ام وسونه
حبوب الزنك متوفرات في الصيدلية وخاصة بشكل حبوب فوارة
وهم كويسات لخصوبة الرجل وللحيوانات المنويه وانتاجها بس يفضل انه يتحصل على الزنك من مصادر طبيعيه زي الدجاج والمكسرات خصوصا الفستق وزبدة الفول السوداني وثمار البحر والثوم واللحوم الحمراء
ولو حب ياخد يستشير دكتوره بخصوص الجرعه لانه الجسم يحتاج كميات بسيطة منه ما تفوتش ملليغرامات بسيطة

[عيون زوجي]

امـــــثال ومــــعـــــانـــــي

( ماهم الا هم السلفة..اما الحمي ماشية منتلفة )

ويقال للمراة اللي تشكي من حماتها لصرف انتباهها عن المشكلة وتنبيهها للمشكلة الحقيقة وهي السلفة..لان الحمي ( اخت الزوج) سيورها بتتزوج لكن السلفة قاعدة على قلبها..
...
ويقال ايضا ( السلفة سلوفة ..كلبة حلوفة)

والمقصود به ان السلفة تتسلف منك وماديرش فيك خير..

( مركب الضراير ساير..ومركب السلفات حاير)

ومعناه ان الضراير ممكن يتفقو ويمشو القدام لكن السلفات من الصعب يتفقو.

المصدر : جمعية ( النكد ملح الحياة) للتوعية والتثقيف الاجتماعي
اهداااااااء الى اوخيتي ايه

[عيون زوجي]

اشياء يجب ان تعرفيها قبل الزواج من رجل ليبي نكايدي:

- حتكوني شغالة وطباخة ومربية بدوام اربعة وعشرين ساعة..واحيانا حتي سواقة ترفعي وتجيبي في الصغار وطبعا حتي كلمة شكرا ماتسمعيهاش منه.

- الصغار مسؤليتك بروحك وماتحلميش تحصلي راحة منهم .
...
- الرومانسية ودعيها..وكان قالك يرحمكم الله لما تعطسي معناها كلمة حلوة.

- لما تطلبي منه فلوس تقولي ركبه عفريت ومن النادر انه يعطيك من غير ماتطلبي.

-كلمة ( لا) اول كلمة على لسانه ومرات تنطلس منه قبل مايعرف شن تبي.

- توقعي انه يقلب وجهه كل ماخاطرك تطلعي واحيانا يحافظ على الوجه المقلوب طول الطلعة بش يشعفك تقولي طلعني.

- ديمة انتي غلط وهو صح .

- من النادر انه يشجعك ويكره الطموح ويرفض انك تكوني انجح منه.

- شعاره ان النساوين كلهم مش فاهمين شي.

- ماعاجبه حد الا نفسه ويحبك لما تشكريه وتتغزلي في ذكائه وفلاحته.

- حيفددك بمقولة (نساوين العالم كله بيهبلو في الليبين بعد ماشافوا الثوار) مع انه هو مش من الثوار اصلا والثورة كلها قضاها بين الحوش وتونس وطوابير البنزينة.

المصدر : جمعية (فوتيه كان نكايدي ..خير ما تقولي ياندايمي ) للزوجات الفادات.

ملاحظة : ( المقصود اهني الرجالة المنكديين ومش كل الرجالة الليبيين هكي فيه اللي ينحطوا على الجرح يبرا ..)مشاهدة المزيد

[عيون زوجي]

مصطلحات ليــبــيــة

التــحــنــديـــــب

وهو احد انواع طياح السعد , ويدل على كثرة التعب وضعف الحالة المادية وكثرة الايامات السود في حياة الشخص الموصوف بالمتحندب..واليكم بعض الامثلة على التحنديب:
...
- شاب ليبي يخدم ليل ونهار وكله امل انه يتزوج قبل ما يوصل للمرحلة النهائية من الصلع والشيب.

- راجل ليبي مسؤول على مراة وخمسة صغار ومعاشه في حدود 250 دينار وياخد في حوالي 130 بس كل شهر من كتر السلفيات.

- ارملة ليبية وعندها صغار وعايشة ب90 دينار معاش الضمان.

ولا مجال لذكر كل الامثلة لان الكثير من الليبيين عايشين تحت وطاة التحنديب.

[ام وسونة]

شكرا ليك وخيه عيون علي المعلومة واكيد اني حناخده ونسال الصيدلي عالجرعة

لكن قوية عالراجل المنكدي كان يقروه رجالتنا لما يشعفونا وياخدوا مننا النت

ههههههههههههههه ويقلبوا وجوههم

[عيون زوجي]

رجل استيقظ مبكرا ليصلي صلاة الفجر في المسجد لبس وتوضأ وذهب الى المسجد
وفي منتصف الطريق تعثر ووقع واتسخت ملابسه قام ورجع الى بيته وغير ملابسه وتوضأ
وذهب ليصلي وفي نفس المكان تعثر ووقع واتسخت ملابسه قام ورجع الى بيته وغير ملابسه وتوضأ
وخرج من البيت لقي شخص معه مصباح
سأله :من انت ؟؟
... قال :انا رأيتك وقعت مرتين وقلت أنور لك الطريق الى المسجد ..
ونور له الطريق للمسجد وعند باب المسجد
قال له : دخل لتصلي ...
رفض الدخول وكرر طلبه لكنه رفض وبشده الدخول للصلاة ..
سأله :لماذا لا تصلي معي ..؟
قال له :انا الشيطان
أنا اوقتعك المرة الاولي لكي ترجع الى البيت ولا تصلي في المسجد
ولكنك رجعت ولما رجعت الى البيت عفر الله لك ذنوبك ,,
ولما أوقعتك في المرة الثانية رجعت الى البيت غفر الله لأهل بيتك ,,
وفي المرة الثالثة خفت ان أوقعك فيغفر الله لأهل قريتك ,,
فلا تجعلوا للشيطان عليكم سبيلا ..
الله لاإله إلا هوا الحي القيوم

[عيون زوجي]

هلا ام وسونه قعده نايضة رقد راجلك وبنيتك ولا لا

[ام وسونة]

ههههههههه يعطيهالك ضحكتيني ياعيون مسكين الشعب الليبي

وزيديها توا غيروا النظام باش يرتاحوا زادوا تحنديب من اشباه الثوار