دردشة حوامل القطيف- تجمع بنات القطيف

[ام حسين الدار]

تسلمي ياعمري بس اتصدقي على حساب الاشعه اني الحين في بدايت الشهر السادس اخر اشعه الي طلع اني حامل20اسبوع و6ايام يعني الحين اني في الاسبوع21والله لخبطه بس المهم يوصل البيبي بسلامه وبصحه وعافيه والله اسهل على الجميع يارب ياكريم

[أحلام أم]

ياهلا أخواتي بشوفتكم
مشكورات حبيباتي لمساندتكم أم حسين وطفلي حياتي وشمس الصباح وحنين للماضي وكل من سألت
أم حسين الدار
هلا عمري لا تخافين ربي بيتمم لش وبتشوفينه بحضنش سالم وبصحة وسلامة (إختي ماسووا ليها عملية الربط )
إختي ماسووا ليها ربط المجرمين ،تذكروون لمن جاها نزيف كانت 3 شهور مكمله وقالوا ليها عنق الرحم قصير وخبروها بيسوون العملية وخلوها على المثبتات للين وقف النزيف ،بس بعديين تراجعوا وقالوا إنتين بكرية مابنغامر ونسوي لش هي فرحت لأنها خايفة من العملية ،وبعد مدة خلصت 4 شهور ودخلت 5 وأمس كانت رايحه المستشفى وعطوها حبوب حديد شكله غريب وغير هالشكل خبروها في الأشعه إن الجنين يعاني من مشكلة في الرأس خوفوها حدها وقامت تصيح صياح ومن رجعت أمس العصر قامت ترجع وصار عندها إسهال وألم ،هي من الخوف صادها هالشكل بس تقول من الحبوب إللي شربته
المهم ودوها جدحفص في الليل علشان الإسهال والترجيع بس ماقبلوها من عند الباب وحولوها السلمانية ،هناك خلوو عليها سيلان ومضاد علشان الإسهال والألم بس الألم زاد عليها،تقريبا الساعة 1 الصبح ونزفت وقالوا خلاص بتجهض لأنها متوسعه وخبروا أمي وإختي الثانية إللي ودتهم يرجعوون البيت لأنهم بركبونها الجناح ورجعوا البيت وهذا إحنه على إتصال دائم بالأهل ،(ويلي على أهلي وحشوني أعرف أخبارهم بالتلفوون )
طول الليل دمعتي ماجفت لأنه واايد عانت غير أبر السكر إللي يوميا تضربهم
جى الصبح وراحت أمي وزوجها السيد ،وخبرونه إنها طرحت ربي يعوضها عاجلا بحمل تام وسليم وتسووي ربط بس رخصوها العصر بدون عملية تنظيف لأنهم نضف ليها الرحم بالإيد عذبوها وبعديين سووا ليها ألترا ساوند قالوا الرحم مافية شيء
(إختي محتاجة عملية ربط لأن عنق الرحم قصير وماسووا ليها )
ربي يعوضها وتفرح وتربي إنشاء الله
أم حسين أسفة ذكرتش بذكرى ،لازم تنسينها
لأنه حسين بيتمم حمله في بطنش وبتولدينه بالسلامة ياااارب العالميين وأني واثقة من كرم رب العالميين وياش يالغالية

[ام حسين الدار]

والله العظيم ياام علي ماكذبت عليش بس قريت كلامك قمت اصيح انفتح باب المواجع اني اتوقعتها بل اشهر الاول من الحمل مااتوقعت انها دخلت الخامس ولاسو اليها ربط حسبي الله عليهم الله اصبرها وعوضها عن قريب يارب وتبشرينا عنها اتصدقي احاول قد مااقدار انسى الي صار الي بس اجيني خوف من اني افقد البيبي الله لااقولها احاول اقوي نفسي بس والله الي صار الي يارب مااشوفه احد منكم نفسي اني اكون معاكم بس الفرج قريب ويارب اجيكم وهي ولدانه وشايله طفلها في حظنها
الله اصبركم وصبر كل فقده يارب ياكريم وعوض على الجميع اهل البحرين انتو مظلومين ودعواتكم مستجابه ادعوالي الله اثبت حملي وسهل علي وعليكم وعلى الجميع يارب ياكريم

[أحلام أم]

أم حسين الدار يالغالية
صلي على النبي وذكري رب العالميين ،أني طرحت 3 مرات والحمدلله الله كريم عوضني
إنتين بعد رب العالميين بعوضش وبتشوفين ،أني أسفة لأني فتحت مواجعش
بس إنتين الحمدلله مسوية ربط وعديتين مرحلة الخطر إنشاء الله
صدق الوحدة ماتنسه خصوصا أول مرة وهذا عن تجربة بس يوم ولدت بنتي آلاء بعد عملية الربط نسيت كل شيء في الدنيا بكل همومها وفرحت ببنتي وكانت قمر الصلاة على النبي نستني الإطراحات والتفكير وصرت أحملها وأعلن للناس نجاحي وتغلبي على حالتي النفسية والحمدلله ربي يحفظها مع أخوتها
إنتين بعد بتكمليين حملش وبتولدين في شهرش وبتشوفين حسين في حضنش ،مو عسيرة على رب العالميين إللي رزقني من بعد اليأس وصارت ليي معجزة وخلت العدوان من الأقربين والأبعديين ينحرقون بحقدهم بيرزقش ورب العالميين أكبر المعطيين
طلعي صدقة عن جنينش ودايما إقري على بطنش ليليا والقرأن حاواي تختمينه أني أسوي جدية ليين أحمل وأستودعه رب العالميين
الحمدلله شوفي الخوف إللي فيش ،أني عشته أكثر منش ببنتي وعملية الربط بعد الإطراحيين الأوليين والكل يخفف عليي ويعطيني أمل والحمدلله شفت بنتي فرحة في حضني وكانت أحلى فرحة وياارب إنتين بعد

[صعب تنساني]

احلام ام عووورني قلبي على اختج الله يعوضها ومستشفى ظلام ليش ما سوااا لها عمليه ربط الله يجازيهم على افعالهم والحمد الله على سلامتها واذا الله عطاها وخذ اكيد راح يعطيها ثاني الله يصبرها خصوصا اول واااحد صعب ذكرتيني باول حمل يووم اطرح كااان صعب وااايد وما نسيت الا يووم حملت الحمد الله ان شاءء الله اجوفه بصحه وعااافيه

[صعب تنساني]

ام حسين لا تخااافين انتي الحمد الله سويتي ربط بس ارتاحي ولا تشيلي شي ثقيل وتغذي زين وتمسكي بالدعااء والقراان والاهل البيت ما خاااب من طلبهم
حنووون شلووون علاوي القمر كلما كبر زاااد ت حلاوته الله يخليه لج ويحفظه
شموووس اصبري على البنوته مردها بجوووع وترضع منج
ام خليل الصدر يااالم حطيه عليه كمادات بارده ودهنيه بزيت الزيتوون وشفطيه
طفطووف ام زنوووب الله يساعدج ويساعدنا على هااوضاع التعبانه الكل منخش في بيته من الخوووف والاهل بالحسره نجوووفهم نتواصل معاهم بالتلفووون
روز سوول وفلوونه وام الساده وروزه صار لهم مده مادخلوا ان شاء الله يكونون بالف صحه وعافيه
وبنات القطبف الحزينه وسوهان وام كرار ونسيم طمنونا عن احوااالكم

[شمس الصباح]

المشاركة الأصلية كتبت بواسطة أحلام أم

ياهلا أخواتي بشوفتكم
مشكورات حبيباتي لمساندتكم أم حسين وطفلي حياتي وشمس الصباح وحنين للماضي وكل من سألت
أم حسين الدار
هلا عمري لا تخافين ربي بيتمم لش وبتشوفينه بحضنش سالم وبصحة وسلامة (إختي ماسووا ليها عملية الربط )
إختي ماسووا ليها ربط المجرمين ،تذكروون لمن جاها نزيف كانت 3 شهور مكمله وقالوا ليها عنق الرحم قصير وخبروها بيسوون العملية وخلوها على المثبتات للين وقف النزيف ،بس بعديين تراجعوا وقالوا إنتين بكرية مابنغامر ونسوي لش هي فرحت لأنها خايفة من العملية ،وبعد مدة خلصت 4 شهور ودخلت 5 وأمس كانت رايحه المستشفى وعطوها حبوب حديد شكله غريب وغير هالشكل خبروها في الأشعه إن الجنين يعاني من مشكلة في الرأس خوفوها حدها وقامت تصيح صياح ومن رجعت أمس العصر قامت ترجع وصار عندها إسهال وألم ،هي من الخوف صادها هالشكل بس تقول من الحبوب إللي شربته
المهم ودوها جدحفص في الليل علشان الإسهال والترجيع بس ماقبلوها من عند الباب وحولوها السلمانية ،هناك خلوو عليها سيلان ومضاد علشان الإسهال والألم بس الألم زاد عليها،تقريبا الساعة 1 الصبح ونزفت وقالوا خلاص بتجهض لأنها متوسعه وخبروا أمي وإختي الثانية إللي ودتهم يرجعوون البيت لأنهم بركبونها الجناح ورجعوا البيت وهذا إحنه على إتصال دائم بالأهل ،(ويلي على أهلي وحشوني أعرف أخبارهم بالتلفوون )
طول الليل دمعتي ماجفت لأنه واايد عانت غير أبر السكر إللي يوميا تضربهم
جى الصبح وراحت أمي وزوجها السيد ،وخبرونه إنها طرحت ربي يعوضها عاجلا بحمل تام وسليم وتسووي ربط بس رخصوها العصر بدون عملية تنظيف لأنهم نضف ليها الرحم بالإيد عذبوها وبعديين سووا ليها ألترا ساوند قالوا الرحم مافية شيء
(إختي محتاجة عملية ربط لأن عنق الرحم قصير وماسووا ليها )
ربي يعوضها وتفرح وتربي إنشاء الله
أم حسين أسفة ذكرتش بذكرى ،لازم تنسينها
لأنه حسين بيتمم حمله في بطنش وبتولدينه بالسلامة ياااارب العالميين وأني واثقة من كرم رب العالميين وياش يالغالية

ما ادري ليش ما يهتمون بالوحده هالسلمانية اني لما رحت اليهم وكنت في حالة اجهاض ما حسيت انهم يهتمون حتى الجهاز مالهم الألترساوند خراب تقول لي البيبي بعده موجود وحي الله لا يوفقهم بعدين رحت الخاص تقول الجنين ميت الله لا يعودها من ايام

وبملاك لما ولدت نفس الشي عدموني يقولون بنسويش تنظيف نظفوني بايدهم قلعت المكان من لصياح ولا تقول لا تصارخين احنا ننظف علشان لا يصيدش نزيف كنت احسها تغرف من داخل بايدها ياااااعلي قلبي يعورني لما اذكر الموقف بس الحمد لله اهم شي بنوتي في حضني وربي يرزق اختش بحمل سليم يا رب

حنوووون شخبار علاوي اول شي ما شاء الله عليه قمر ربي يحفظة ان شاء الله الله يرزقش بأخت اليه اني من بكرة على ما قلتين بسوي اسلوب التجويع لان ليلة الجمعة ولو سهرت معاها مو مشكلة وبشوف ان شاء الله تقبل وترضع من صدري لاني مازالت مصره ارضعها طبيعي

بخصوص علاوي مع المرضعة اذا كمل اربع اشهر اكيد بتعطينه عصير في المرضعة اشوي اشوي بتشوفين انه يشرب حليب منها بس ما عليش الا تصبرين وعندش اول ما يقعد من النوم الصبح بيكون جوعان كلش اعطيه مرضعة جربي ان شاء الله يشرب وترتاحين

طف طوووف ان شاء الله يعتدل نوم زنووب بعد الأربعين بس انتي حاولي تقعدينها وقت قعدتش في الليل علشان تنام ليش اخر الليل

وبخصوص الغازات اني وصف لي الدكتور دواء يريح الطفل اسمة سالينال salinal وفعلا كان يريحها ويخليها تنام

[طفلي حياتي]

شمووووووس شخبارش وشخبار ملاكي يوعيها مثل ماقالو ويارب ينفع
صعب شخبارش حبيبتي من زمان مابينتين عساش طيبه
شموس بسالش اني احس تحت كان شي محشور او نازل وخايفه ليكون نزول في الرحم الله لايقوله قمت لش اليوم خليت صبعتي باشوف تدخل طبيعي لو ويش الا احس اشياء فيه هناك وواسع صاير وخفت هذا عادي لو ويش؟؟

[طفلي حياتي]

شموس قمت اقعدها ولا استفيد يزيد عليي لتعب اكثر واكثر وقمت اخليها وهي ماتقصر كل شوي تقعد

[أحلام أم]

صعب تنساني وطفطف وشمس الصباح ياارب نتجمع في الخيرات وأول مكان بنتجمع فيه بيت شمس الصباح
شمس الصباح وصعب تنساني
الله لايعود الشر ليكم ولا لأحد ياارب وصعب ياارب تبشرينه بخبر ولادتش بالقمر ،وصادقة يشمس الصباح عن عذاب هالمستشفى أني في كل ولادة يخمون الرحم ليي خمام كأنه مانحس ويش مسوي أهم شي السلامة وربي يعوض إختي الغالية بوردة أوقمر جميل يضوي بيتهم
شمس الصباح
عندي لش موقع في موضوع عن (إعادة الإرضاع لمن توقفت عنه سواء منها أو من طفلها وفيه ردوود وقصص كل وحدة نجحت في إعادة الإرضاع مع طفلها )
ويااارب تستفيدين منه في قصص تعطيش الأمل إنش ترجعين ترضعين ملاك

أشوفكم على خير



عزيزتي يمنع وضع رواابط لمنتديات اخــرى ..