دردشة حوامل أهل القصيم - دردشة بنات القصيم - تجمع حوامل القصيم

[ام رموسه]

هلا بكررررروشات وينكم منقطعين لكم فتره
أنا الحمدالله بخير وسلامه وان شاء الله ابرجع اول شهر ثمانيه

اليوم خلصت السادس ودخلت السابع ادعو ان الله يتمم على بخير

الله يرزقكم الذريه الصالحه

[اشتياق]

اسعد الله مساكم ..

اخباركم .. لي التجمع فاضي ومافي احد ؟؟

امس رحت وعملت سونار وشفت الجنين وسمعت نبضات قلبه
يالله كان شعور مرررره حلو وكان جالس سبحان الله الله لايحرم
كل من تتمنى الضنى ويرزقنا باولاد وبنات صالحين

[ام رموسه]

هلا اشتياق وش أخبارك
والله مادري وين الناس من زمان ماشفنا غريبه صريحه

[ام كادى]

كيفكم ياكروشااااات
ايش اخباركم ام رموسه واشتياق و ردينة وين الناس
انا والله تعبنى المغض من يوم مادخلت التاسع الله لايوريكم كل يوم اقول
ولادة بس يجى ويروح وتعب بس الحمد لله على العافية
ويرزق كل حامل بشوف جنينها سليم متعافى وتقوم بسلامة يارب

[؛بيلسان؛]

مرحبا كروشات ان شاء الله كلكم بخير
والله انا تعبت من الثقل وانا لسا بالسابع بس الله يعين ورجليني وايديني متنفخات والدكتوره تقول عادي وانا صرت اللحين اراجع عند الدكتوره انصاف اللي بالحبيب لان سعاد راحت ولا هي براجعه ياحسافته وسجيلا ما هضمت الممرضه اللي عنده لقلت اساليه عن شي لانه هي ترجم ترد هي بدون ما تسال الدكتوره وما ادري وش عرفه ورحت لانصاف بصراحه حسيت اني داخله مستشفى تخليني اسال على كيفي وهي وتجاوب وهي مبتسمه وقامت وكشفت علي بنفسه مو تخلي الممرضه تكشف علي مثل غيره
بس انا يبنات بطني كبير مره ومايل على جنب اليمين وفيه شي تقل ورمه فوق يمين ما تبين الا اذا انسدحت وانا خايفه مع ان الدكتوره تقول ما فيه شي بس انتم من مر عليه كذا
والله يهون علي وعليكم ان شاء الله على خير

[اشتياق]

ام رموسه الحمدلله بخير دامك بخير يالغلا
ياليت يصير فيه حماس اكثر بالتجمع وسوالف

ام كادي هلابك يالغلا
اتوقع ان المغص شيء عادي بالشهر التاسع يمكن يكون بداية طلق
الله يهون عليك ويقومك بالسلامه وتفرحي بشوف جنينك بخير وسلامه

بيلسان حياك يالغلا
مدام الدكتوره طمنتك معناته كل شيء طبيعي ارتاحي
بالنسبه لي لسى مامريت بهالشيء لاني بكريه وبالشهر الرابع

[**طيور الجنه **]

اهلين بكل الكروشاااااااات كيفكم الله يهون عليكم يارب
الله ياحلو ايامكم راحت سوليف شكرا لكل الي سائلو عني انا الحمدالله والنونو بخير
سامحوني اني انقطعت عنكم بس ظروف البيت والعيال الله يعين والايجازه قربت
الله يعلم اني دايم افكر فيكم واحاول القي وقت فاضي ادخل فيه واشوف اخباركم بس الوقت يطير بسرعه
ان شالله كلكم بخير
ام احلى اثنين _ردينه _ام ارين _الوان اتمنى اني مانسى احد سامحوني
كيفكم وين ايامكم ام ارين بشري ولدتي ؟

[دمعه حزينه]

السلام عليكم ورحمة الله وبركاته
اشتيااق
انا مثلك بكريه وبشهر الرابع ..
ابسالك تحسين بحركات الجنين وبمغص شديد فتره ويروح ؟؟؟

تكفيييييين

جاوبي

[ام كادى]

مساء الخير عليكم يا احلى كروشاااات
هلابك ياالغالية اشتياق معك حق يمكن يكون بداية طلق
ومشكورة على كلامك الحلو واسلوبك الراقى وهذا من طيبك
واتمنا ان الله يتمم لكى ولجميع الحوامل الحمل على خير ويفرحكم بشوفة اجنتكم
انشاء الله وانتم فى احسن حال

[أم ابني]

بيلسان بسالك سوال .. ماتدرين اذا الدكتوره ضحى موجوده او لا ؟؟؟في سليمان الحبيب ..