تجمع حوامل العراق واتمنى اكو احد موجود

مجنونة بحبها · 12-20-2011, 11:06 AM

رحوبه حبي شلونج اخباااارج

شفتي كماشه بدل ماتساعدني تزيد تعبي الحمدلله والشكر

عيني زنوبه ليش سنه هواااي بس وداعتج مراح تحسين بيها الا خلصت واحسن لج ارتاحي وريحي اعصابج تعالي شوفيني كملت
سنه وانا اركض بالعلاجات وكل شهر تحطيم لو ناسيه الحمل احسلي
والله يساعدج فراق الاهل يكتل وفراق الزوج نفس الشي الله يعينج

ايه شلونج وشلون رجلج

ام كرار وام تمار وعذوره ويسرى ووئام وغنى ودلوعه وكوكي
وقموووره الوررد وصعب ومهاوي ونجوله وكل البنات
شلونكم اخباركم ياحلووووووووووووووات

اعذروني اذا نسيت وحده لان صاريات هواي ومااتذكر الاسامي هع هع

مجنونة بحبها · 12-20-2011, 11:18 AM

روضانيه هلو حبيبتي

الله يعوضج حبيبتي هو الكورادج موووووت الله لايوريه لمسلمه

انا هم مثلج اخر حمل شفت الموووت بيه

وترى كل الزلم هيج ينقهرون بس ميعرفون شلون يعبرون

عاد يضلون يحركون باعصابنه

انا اخر اسقاط فوووك الالم وفوك القهر وبنتي مريضه

وهو صار يوميه يتعارك ويسوي مشاكل ويكول

انتي موتي الطفل انتي وكعتي الطفل رغم هو شافني شلون

جنت فرحانه بيه واتدمرت من وكع بس الحمدلله على كل حال

شوفي فتره وتعدي وان شاء الله الله يعوضنا على كد تعبنا

والله يهدي زوجج ويصلحه

ام تمار · 12-20-2011, 11:20 AM

صباح الورد والفل والياسمين صباح الحب والوئام والتفاهم صباح الورد للورود الحلوه

مجنونة بحبها · 12-20-2011, 11:23 AM

صحيح بنااااات اريد افطم بنونه من الممه اكول تشرب بالكلاس احسن

شتنصحوني انا هسه بالنهار ماانطيها بس بالليل

بس اكول اخاف ميصير شتكولون انتظركم

ام تمار · 12-20-2011, 11:28 AM

صباح الخير امونه شلونج ومشكوره على الردود الجميله
شلونك ويا الطبخ وبنوتك شلونها....
رضوانيه الله يعوض لاضوجين فتره وتعدي بس لازم ماتعادين رجلج
الرجال شعليه حبيبتي نصيحتي الج روحي طلعي سوي سفره غيري جو انسي الي صار بعدج صغيره وملحوكه وداعتج ملحوكه على الحمل
مادام حبلتي اكيد تحبلين انتظري 6 اشهر على الاكثر ريحي رحمج واسترجعي قوتج
وبعدين لازم تستمرين على فولك اسد قبل لاتحبلين مره اخره على الاقل 3 اشهر تستمرين عليه ورجلج خلي ياخذ مقويات زنك مال سمك حتى تكونون مستعدين للجنين سليم يارب ياكريم تدخلين بعد كم شهر تكولين بنات اني حامل باركولي رضوانيه كلشي بالدنيا الا حل بس اهم شي
هو الحب بادلي زوجك الحب وعطفي عليه هذا شريك عمرج وشيال همومج اني ولا يوم من زوجت لحد هسه نمت اني وزجي زعلانين
الحمد لله الحب اهم شي بالحياة مثل الهوى الي نتنفسه
الدنيا حلوه عيشيها على بساطه ........

مجنونة بحبها · 12-20-2011, 11:29 AM

صباح الانوار نوره شلونج حبي

مجنونة بحبها · 12-20-2011, 11:34 AM

ههههههههههه نوره تعالي غداج يمي اليوم سويت سبانج

بس كون اتحبيها انا امووووووووووت عليها وياها تمن بزمكي

وزلاطه ولبن وتمر وطرشي من صنع اديه هذا غدا اليوم والف عافيه

هههههههههههههههههه

مجنونة بحبها · 12-20-2011, 11:37 AM

راح اروح انيم بنونه لانها نعست باااااااااااااااااااااااااااي

ام تمار · 12-20-2011, 11:38 AM

صباح الورد على عيونج امونه
الف عافيه حبيبتي

ام تمار · 12-20-2011, 11:39 AM

بوسيلي بنوتك الله يحفظها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل	warka	ملتقى عضوات حوامل	7	06-22-2012 09:12 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
تجمع حوامل صفروربيع اول	حياتي عيالي	إستفسارات حوامل من الشهر السابع إلى الشهر التاسع	1	01-23-2011 09:03 PM
تجمع حوامل الاردن	warka	إستفسارات حوامل من الشهر السابع إلى الشهر التاسع	0	05-23-2010 06:06 PM
تجمع حوامل الامارات	lola	إستفسارات حوامل من الشهر السابع إلى الشهر التاسع	2	04-04-2010 10:03 AM