دردشة بنات المدينه المنوره - تجمع حوامل بنات المدينه

[غرااام]

مساء الخير يا بنات كيف حالكم اليوم
بصراحه حدي دايخه بس حبيت ارد على ليال قبل كنت عند الدكتوره ايمان وبعدين غيرت عند غادة والان عند الاستشاريه هند لاني حالتي مايبغالها اي دكتوره والسلام لاني حامل على اللولب ودائما اولد بالشهر السابع او التامن {{{{{{{عندها زحمه موت يعني لازم تروحي من بدري واذا في احد يحجز لك قبل يكون احسن
لكن لمن اولد افضل كل مره الدكتوره ايمان لان كل شي ياخد حقه من الوقت معاها يعني مروقه على الاخر واحس شغلها بذمه ومستحيل تسيبك لحدت ماتتطمن عليكي يا شيخه حده خطيره
ودحين الحمدلله احسن كتير الله يتمم لي ويتمم لكم على خير يا رب

[الرمش الجارح]

غرام ونعم والله بالعووووووفان على راسي لايكون تقربي لي

[غرااام]

كل شي جاااااااايز يمكن يا حلوه بليز يابنات حدي طفشانه اليوم وينكم
عن جد عنجد طالعه قروني من الطفش

[رعبوبه]

السلااااام عليكم

اخبااركم
بنات اانا حابه استشيركم في موضوع طبعا انا حامل في الشهر الثالث ومررررررررررر تعباانه من الوحاااام الله المستعااان
مجد حالتي تحزن ووزني كل اسبوع ينقص كيلو وربي وعندي مشكله المعده تعبانه وعندي القولون يعني بالعربي ما اقدر اكل الا اكل معين لين ما تخف المعده

وانا بعد ما شرحت لكم حالتي
ابغاكم تعطوني نصايحكم ايش الاشياء او الاكلات او المشرووبات اللي ممكن تخفف عني تعب الوحااااام وبنفس الوقت اقدر استرجع صحتي وعافيتي باذن الله




لا تنسوني من دعواتكم الله يجزاكم الجنه

[رذاذ الشوق]

سلام بناااااااااااااااااااات وكروشاااااااااااااااااااااااات
اخباركم ان شااااااااااااااااء الله تمام
حبيت استفسر عن الولاده في مستشفى الولاده وانا ودي بالدار عند الدكتوره نجوى
شراااااااااااااااااااااااااااااااااااااايكم

[رعبوبه]

الله يتمم لك على خير
ان شاء الله البنات يفيدونك
انا توني بكريه ما عندي علم

[رذاذ الشوق]

هلا فيك رعبوبه
وانا كمان بكريه ومتردده ووين اولد
الله يتمم لك ولي وللكل ع خيرررر ياااااااااااااااارب

[رعبوبه]

هلابك ي غلاتي

بقولك شي دايم اسمعهم يمدحون عفت الللي بالمدينه الوطني

[احلى ليان]

مسائكم كادي وورد .. وجمعة مباركة على الجميع ..
اسال الله لي ولكم ان يرزقنا حسن الخلق لاجنتنا.. وهون الطلق لنا..
اميييين..
اخباركم يا بنات اعذروني كل ما ابغى ادخل الاقيلي شغلة من تحت الارض ههههههه الله يعين ويساعد ..
الله يعين ويساعد موعدي عند الدختور السبت ان شاء الله وحشوف ايش يقول ما بيجيني مغص يا بنات بس اوقات احس بنخس= وخز الم لمن اجي اقوم من النوم ؟؟
هادي من التعديلات ولا لأ؟؟

اممم
حلعب معاكم وادردش واقلكم انا ايش سويت..
1- ايش اللون اللي تمشي بيه الاستايل " وردي - ازرق - دهبي - فضي - تفاحي - ليموني - احمر -موف - بيج - ابيض "
ايش الالوان اللي حتخليها دارجة للحافك وطقم النونو والزينة وكلووو.. صوروا لنا وورونا ..

الابيض والبيج على كريمي ..لا تسالوني ايش الكريمي ههههههه

2- ايش حتسوي تقديمات مع القهوة؟؟


اخيرا حنزل اليوم ان شاء الله اخدها من الصالحية ..جشوف احلى شي واخد منو ..
3- ايش حتسوي تقديمات مع الشاهي ؟؟

طبعا فطاير وحوصي على كبة وورق عنب طازة يوم بيوم على الاغلب الايام اللي فيها زيارات.

4- عندك سابع او سهرة ؟؟ ايش حتسوي فيها ؟؟ ادينا افكار ؟؟

ان شاء الله سهرة .. اممم بدات اسوي توزيعات الاطفال وهي عبارة عن " كيس فيه شمعة وكيس مكسرات صغير وحبتين حلاوة وبلونتين "
تكلفة صراحة بس من نفسي اسوي شي واخلي البزورة يفرحو وافرح انا قبلهم هههههه
ربي يفرحنا اجمعين ..
توزيعات الحريم الكبار علبة فيها حلاوة شوكلاتة .

5= ايش جهزتي من عند العطار؟؟

اليانسون والكراوية والحلبة والكمون ..
لازم الواحد ينتبه على نفسه ويتنفس مزبوط .. لا تسووا زيي في المرة الاولى كنت مهملة بس جات على راسي اشتكي دايمن من ظهري والامه ..

6- توقعات كل وحدة فيكم لتانية يعني الجدد اللي دخلوا معانا التجمع يتوقعوا كل وحدة ايش عندها بنت ولا ولد من باب التسلية واللي تحب تقول تقول واللي ما تبغى براحتها بس نلعب .. اوكي ..

اممممم اتوقع غرا تجبلنا بنوتة.
وليال .. ولد ..
ونسمة بحر .. بنوتة..
رذاذ.. بنوتة ..
رعبوبة .. ولد .
زوجي جنة دنيتي اوسعادتي .. بنوتة ..
وربي يرزق كل وحدة اللي تمناه ..


الكروشات المسجلين غياب .. ادخلوا عشان لا انقصكم في الدرجات
ههههههههههههههههههه
اسوم .. رحيق .. ايلاف .. راما .. اليان .. طال عمري .. ميمي .. توتة14 .. ............ والباقين

[زوجي جنة دنيتي]

كيفكم كروشات

احلى ليان روحي ياشيخة ربي يعطيكي

كل اللي ببالك ويسهل امورك

صح انه بس توقع لكن وربي

عيني دمعت من غير شر ولانقصان

اتمنى بنوتة من اول حملي

كل تجهيزات الامهات لبنوتاتهم

عندي بملف كلهم حلوين

بس البنت صاحبة امها

وسبحان الله حنونة عليهم بكبرهم

يارب انك ترزقني بنوتة سليمة

وتثبت حملي