تجمع الكروشات اللي ولادتهن في رمضان 1433ه

[نسمة دفا]

كيفكم

صحيت العصر وأخذت أولادي وطلعنا المزرعة برفقة حريم وأطفال العائلة الكبيرة

برررررررررررد وهواء..بس أحسن من حبسة البيت

وبعد صلاة العشاء جونا الرجال نزلونا بيوتنا

والحين جايين ميتين من الجوع ..رغم أننا ماخلينا شي ما أكلناه في المزرعة ..

بسوي العشا وأرجعلكم بإذن الله

هيوف كيفك اليوم..عساك أحسن...

نوور إذا إنت طلع لك شوارب وشنب أنا عندي اللحية بادئة تنبت..أخاف أقلب رجال

الحمد لله ياربي إنك خلقتني أنثى ..عشان أصير ماما

[Haif]

الحمد لله نسومه كأني أحسن وقف الدم بس الام بظهري احسها إن شا الله خفيفه

[نور العيوووووون]

تدرون ياهيووف اختي الصغيره حملت ومن حملت ماعاد تهتم ابدددددددددد وتقول مدري احسب نفسي بالحمل اهبل ولااسوي ولاشيء ويجي يوم ويصورها رجلها كاميرة فديو وتتميلح زهي تطبخ بعد كان بالشهر الثامن ولابسه تقول فوشي المهم ولدت وخلصت وحبت تستعيد الذكريات تقول يوم فتح الفديووو تقول اشوف غورلا مو بشر تقول الرقبه سوداء ليش اللبس طيب فوشي ولا الجسم تقول التفت على رجلي قلت تعال بحب راسك انت تشوفين زي الي بالفديو ومتحملني ههههههههههههههه الحين تقول بالحمل الثاني باذن الله بهتم بشكلي مب اخلي كل شيء ماخذ راحته
نسمة دفا لا انا شوارب وانتي لحيه عز الله رحنا فيها بننطرد من المنتدى بيقولون رجال مسوين نفسهم حريم

[نور العيوووووون]

ماتلاحظون الاجانب يهبلوووون بالحمل طيب وش تتوقعون تحسين حامل بالبطن مو بالجسم كله حنا المؤخره تدخل في موضوع الحمل ووتعاضد مع البطن هههههههههههههه

[Haif]

ههههههههههههههههههههههههه
والله يانور مالي خلق شيء لا اتعدل و لا شيء زين مني اتحمم كثر الله الف خيري
هههههههههههههههه
على طاري تضامن المؤخره كل شيء بالحمل يتضامن مع البطن الصدر اللهم ياكافي و لا تنسين الخشم برضو ينتفخ و ينتفش انا كانه صاير مثل الورده متفتح على الاخر هذا و انا بالبدايه ماادري كيف بيصير شكلي بعدين

اذكر ببكري تنفخت مرره و مابقى منطقه مااسودت الرقبه الصدر الابط كل شيء و الخشم حفله و العيون غطسوا شكلي يجيب السعاده كنت لما اتكلم مع زوجي استحي انه يشوفني كذا مااحط عيني بعينه دايم انزل راسي وحاطه شعري على وجهي وبهالمره شكل التاريخ بيعيد نفسه الله يستر

[Haif]

كروشات ماقلت لكم الدكتوره لما اكشفت علي شافت واحد من الأجنه قالت هذا باين انه حيبقى ولد إن شا الله بس قالت لي بيوضح اكثر الشهر الجاي إن شا الله
يارب الثاني بنت يارب
وربي يجعلهم تامين الخلقه و الخليقه

[نور العيوووووون]

يارب ياهيوووووفه بنت ولد حلوو تشكيل
تدرين انا تشوهت ببنتي بس الاولاد طالعه كني ماحملت بس بروز كرشه ومرررتبه ولون فتح ولاتعاضد مع البطن اي عضوووو
لكن ببنتي شعر وسمرت وتغير لوني كني وسخه يعني الله العالم حملي ذا بنوووته

[نسمة دفا]

ربي يسعدك نور

تصدقي انا أهم شي الخشم..يصير مثل صدام الجيب

والخمسة والخمسين تناطط قدامي وما أحصل مقاسها

أما الأرداف عادي مو كثير تكبر

في حملي براما(سويت كل أنواع العجايب بهذا الحمل)

حملت وولدت بعدين قلت لأهلي

رغم ان أهلي شافوني آخر مرة وأنا حامل قي السادس..

وكنت جالسة عندهم 3 شهور قبل..طبعا ماعندنا مشافي مثل الناس ..وولدي تكسرت يده

وبحاجةلسيخ ومسامير فرحت لأهلي جلست عندهم حتى خلص علاجه

وكنت حامل براما وما أحد لاحظ

لبسي هو نفسه ماتغير
ماغير الجنوب تملت شوي

السبب أني ماقلت لأمي..خالتي الصغيرة كانت حامل وأثناء الولادة زادت جرعة الطلق اللي حطوه لها

وانضرب عندها المخ وجميع أجهزة الجسم..وقعدت بالعناية 3 شهور وماتت

بعدها أمي تكتئب إذا سمعت وحدة حامل وتشيل هم مرررة

فقلت لما أولد وأقوم بالسلامة أقول لها..تزعل شوي..بس أهم شي ماتشيل هم ولاتفكر..وخصوصا أني ما أشوفهم غير مرتين بالسنة

[نسمة دفا]

هيوف أحس النوع يوضح تمام في الشهر الخامس

يارب يرزقك ماتتمنين

وتولديهم بالسلامة وهم بأحسن صحة وعافية

[نور العيوووووون]

اي في ناس حملها بالجنوب يكونون مرتبين
يالله يارب يرحم خالتك ويبرد على قلب امك يااااارب
انا اقول لكم شكل نوع جنيني بنووووته