تجمع حوامل العراق واتمنى اكو احد موجود

[ام تمار]

صباح الخير ايمان شلونك اليوم ان شالله بخير

[ام تمار]

رحاب سفره سعيده ذكرتيني بالبحر هواي احب البحر احس انه من ادخل للبحر اترك كل اهمومي بي وانخلق من جديد اني كنت بيروت يوميه اروح ويا زوجي للروشه وننزل للبحر نكعد على الجرف ونغني ونطلق وهمات رايحه للطرطوس بسوريا وتركيا اسطنبول همات رحت للبحر ركبنه بالباخره وين مااروح اي دوله لازم اروح للبحر هواي حلو ولو اكو عدنا بالعراق بحر كان بنيت كوخ يم البحر هذا حلمي بيه اني زوجي وثنين اطفال بس
هههههههههههههههههههههههه كلها احلام ورديه

[مجنونة بحبها]

هلو حبيبتي نور شلونج وشلون الحمل وياج

[نعومه التميمي]

هلو بنات شلونكم شخباركم شنوهاي صايرين اهواي الله يكثرنه

[مجنونة بحبها]

ايه سلامتج حبي العصبيه متفيد

وليش التشائم من شاف مصائب الناس هانت مصيبته

تعالي شوفيني مو امدح نفسي بس بنونه الليل كله

كل شويه تكعد وتبجي وبدون سبب رغم انه جبيره وتفتهم

ومن تكعد بالليل كبل زوجي يعيط بيه ويطردني من الغرفه

واروح اكعد بيها بالبرد لان الغرفه مبيها فراش ميقبل يشتري فراش

والكاع مرمر وعندج الاحساب ومايحس بتعبي بلعكس

على اتفه شي يكلب الدنيا على راسي ومحرومه لاطلعه ولا طبه

لااشوف اهلي وازورهم ولا اي شي ولو اصير قرد ميخليني اروح

للصالون حتى احف وجهي الله ينطي مره اخوي تعرف تحف

وتحفني والا جان بقيت قرررررررررررده وتعرفين علاجي كله

هرمونات واتصوري شصاربيه من العلاج

ولو احجيلج تتعجبين وتكولين مصيبتي اهون

بس من توصل لبنونه مااضربها ابد صح اصيح عليها بس مااضربها

وخاصه من جانت صغيرررره


والانتحار نار جهنم ياترى تتحملين نار جهنم اهون لو مشاكل

الحياه وانتي عندج حماتج وخالتج وخليه الولد يمهن اذا تعبتي

انا ماعندي احد بلعكس يريدون شغل واكل طيب ونظافه وبدون ميساعدوني بشي

والله قبل شويه جنت انظف ومخبوصه وخليت بنونه تباوع على

التلفزيون مااشوف الا البنيه اجت تبجي طلعت كماشه جايه

دايره التلفزيون ومخليتها تبجي مكان ماتساعدني

انوب تبجي بنونه رغم هيا عدها تلفزيون بغرفتها بس صاير روحها

بتلفزيون بنونه هههههههههههه

اسفه طولت عليج بس حبيت تشوفين معاناتي بلكت تهون عندج

يارب اتمنى السعاده الج دنيا واخره

[نعومه التميمي]

ايه هاي شبيج وي يوسف شنو سالفه اذا ضايجه دزي يم امج طلعي غيري جو شنو ذنبه هذا الطفل قابل يفتهم وانتي تصرفين وياه هيج
خل ابو يوسف يفرغ وخلي يوسف ايمج وروحي سفر بس انتي وياه
على مود نفسيتج تتغير

[مجنونة بحبها]

هلو وئام حبيبتي شلونج وشلون ديمه

[نعومه التميمي]

والله يا ايه واني وحدي بل غره ومحديمي وزوجي ميساعدني بديمه والله حتى مالحك انام بليل وي ديمه سهره وبل نهار شغل
والله مرات اكعد من العصبيه اكعد ابجي واصرخ من من تنام ديمه لان اكول تروح تخترع وصير انحس يمعوده كول يالله وتعودي الشيطان وطكطكي حرمل

[نعومه التميمي]

هلو امونه حبيبتي انتي شلونج وشلونه بنونه شخباركم
اني زينه وديمه الحمدالله بخير جاي تكبر

[نعومه التميمي]

شخبارج شلون صرتي والله مرات ادخل اعرف اخباركم واطلع على السريع
لان ما الحك شغل وقتي وي وقت العراق يختلف من انام انتو تكعدون