.·¤ تجمع الحوامل اللي ولادتهم في محرم¤·.

[Mishael]

يسعد صباحك ام سلطان ،، ياحبيلك من زمان عنك وين الناس ،،

ايه حلاوه للمنطقه الحمدالله سويت وارتحت والله كنت اطالع الموس بس ماعمري سويته بالموس مااعرف ،،
انا حطيت للبيبي غيارين ولهايه وبطانيه صغيره ومنشفه وقبوع كولفتين طبعا كلها الوانها فاتحه ابيض مورد لان الالوان الغامقه تسمر الجنين
واخذتلي قميصين قطن وشال ابيض لان ماعندنا زيارات بالمشفى واخذت بنطلون سترتش وباخذ عبايه احتياط وشرابات ومشط شعر وكريم وعطر ومزيل عرق ،،
الفتره هذي بقص اظافري وبحافظ عليها وبخاطري اذا جتني الولاده اكون مسويه شعري استشوار وباخذ كحل وروج
وباقيلي اغراض من الصيدليه فوط لي وحفاضات لبيبي ومناديل مبلله ومسحات طبيه للجروح
وباخذ حلتيته ومره بكون منقعتهم بعلبة مويه صغيره وبندول وزيت زيتون احتياط
اكررررررره المستشفى ياربي يصبرنييييي هذاك اليوم

[ام سلطان!]

فديتك ميشوو انا ببيت اهلي من يوم العيد
فامادخل الامن جوالي وبكره او بعده برجع لبيتي
وببدا امشي قلت لزوجي اذا جيت ابيك يومياً توديني الكورنيش
قام يضحك مستانس يقول ليه بتولدين خلاص ههههههه

وضحكتيني نفس تفكيري ابي اروح الولاده كاشخه هههههههه
بستشور شعري شعري قصييرلكتوفي
واذا باقي ع الولاده اسبوع بحف يديني
وودي اقص اظافري بس ماعرف اخليها قصيييره

وشنطة المستشفى بجهز نفس اغراضك

وش باقي لك مقاضي؟؟*

[Mishael]

انا اليوم خلاص خلصت كل جسمي وبعدين لازم تستعدين ماتدرين متى تجي الولاده مو شرط ماتجيك الا فموعدك ،،
باقلي لي سرير صغير للبيبي لنفاس كل يوم اقول بكرا بروح اشتريه وبخاطري اخذ بجامتين مرتبه من ستي ماكس عشان لو زاروني صديقاتي بالنفاس مو حابه استقبلهم بجلابيه وبسس الحمدالله توني مقفله شنطتي وشنطت البيبي وشنطة المشفى ورتبت البيت ومسحته وشيكة على ملابس زوجي وطلعتله كم قطعه شتويه،،

تذكرة وحده من صحباتي كانت قبل لا تولد رايحه المشغل كان عندهم عرس من بكرا وموعد ولادتها بنهاية الاسبوع وسوة بديكير ومنكير وسوة حلاوه وحواجبها وفردة شعرها وبالليل جتها الولاده حسيتها وناااسه راحت مرتبه ودي كذا موو اطلع وشوشتي واصله السقف هههههههه

[هدوء الماضي]

ام سلطان حنا تمام الحمدالله
بس عندي الم مثل الام الدوره وفخوذي توجعني والم فجاه يجي وفجاه يختفي والشكوى لله

كيفك انتي طمنيني عنك

[بنت تبوك]

صباح الخير بنات
ضايق صدري على ولدي صحى من النوم يبكي من اذنه اول مره يشتكي منها اتوقع التهاب بالأذن وماعندي الا دوا للزكام لأنه مزكم عطيته بس ماجاب نتيجه وعطيته تحاميل ادول انشاءالله تنفع .. زوجي مو موجود يجيبلي فيفادول او شي خاص بالأذن
اللي تعرف شي اسويه بالبيت يخفف عنه تقولي والله قطع قلبي من صياحه وحاط يده على اذنه ويصيح

[هدوء الماضي]

المشاركة الأصلية كتبت بواسطة mishael

يسعد صباحك ام سلطان ،، ياحبيلك من زمان عنك وين الناس ،،

ايه حلاوه للمنطقه الحمدالله سويت وارتحت والله كنت اطالع الموس بس ماعمري سويته بالموس مااعرف ،،
انا حطيت للبيبي غيارين ولهايه وبطانيه صغيره ومنشفه وقبوع كولفتين طبعا كلها الوانها فاتحه ابيض مورد لان الالوان الغامقه تسمر الجنين
واخذتلي قميصين قطن وشال ابيض لان ماعندنا زيارات بالمشفى واخذت بنطلون سترتش وباخذ عبايه احتياط وشرابات ومشط شعر وكريم وعطر ومزيل عرق ،،
الفتره هذي بقص اظافري وبحافظ عليها وبخاطري اذا جتني الولاده اكون مسويه شعري استشوار وباخذ كحل وروج
وباقيلي اغراض من الصيدليه فوط لي وحفاضات لبيبي ومناديل مبلله ومسحات طبيه للجروح
وباخذ حلتيته ومره بكون منقعتهم بعلبة مويه صغيره وبندول وزيت زيتون احتياط
اكررررررره المستشفى ياربي يصبرنييييي هذاك اليوم

وانا كمان من خرعت الم رتبت اغرضي بالشنطه واخذت نفس اغراضك واخذت علبه دواء فضيتها وحطيت عسل اصلي عشان اذا رحت المستشفى وطلع الرحم مفتوح عندي اشرب العسل واخذت كمان شراريب واخذت كمان معطف صووف ثقيل شوي لان يقولون بعد الولاده بتحسين ببرد

[هدوء الماضي]

بس كيف قدرتي تشيلي من تحت بالحلاوه حاولت بس ماقدرت ورجعت استخدم الموس من دخل الثامن

[ام سلطان!]

هههههههههههه حلوه واصله شوشتك السقف والله هذا شكلنا بنروح شوش والوجيه مصفقه هههههه

انا اغراض بنوتي حطيتها بدولابي الي ببيت اهلي وغسلت ثيابها وطبقتهم خلاص
ومفرشي ومفرشها نزلته ببيت اهلي وسريرها حطيته بغرفتي ببيت اهلي

باقي ملابسي اقصرهم عند الخياط
واعبي استاند الشوكلت بس مدري متى؟؟؟متى اعبيه
واغراض الصيدليه بقضيها لادخلت التاسع يعني بمحرم
والعطار بعد نفس اليوم باخذ مره وحبه سودا وحلبه ورشاد
اما لهوم النفاس بطلبه الاسبوع الجاي مت وحده بالمنتدى

هذا الي باقي لي ماودي استعجل عليهم الحين
بس ترتيب الشقه احس بدرررري اصلاً كل اسبوع مره انظفها

بس ودي اصير ذربه لاجتني الولاده شوشتي مستشوره ومرطب وكحله يعني نرقع هههههخخ

[ام سلطان!]

هدوءالماضي انا بخير الحمدالله
بس خايفه من الولاده واحاول اتناسى
واتوقع الي معك طلق كاذب الله يعينك يارب

انا بديت مشي مت قبل شوي اهلي عندهم ممر طويل مشيت فيه ربع ساعه بالضبط
ووببدا علا هالنظام بس بخليه بالحوش افضل بالهوا..
حاولي تمشين ..

بنت تبووك خذي فصت ثومه وحطيها ع النار مباشره اوبقدر صغير لمن تدفى اااا
واقسميها نصين ودخليها باذنه وامسكيها بيدك تسحبببب الالم وبيرتاح
بس انتبهييييي لاتكون مرررره حاااره ولاتدخل مررره باذنه خليها نفس السداده

او حمي زيت زيتون وادهني اذنه بس الثوم افضل
وادعي لي ..
الله يشفيه تقطع قلبي عليه ياحياتي

[Mishael]

بنت تبووك اذا عندك مره نقعيها بمويه دافيه وقبل لاتبرد نقطي من مويتها باذنه عاد انا اصب صب ماانقط نقط وسكريها بمنديل وخليه نايم على الجهه الثانيه انا دايم توجعني اذني وهذا الحل لها عندي

،،
هدوء احط قدامي مرايه كبيره وافرش تحتي منشفه واحط ورا ظهري مخده اكون لاجالسه ولانايمه واشيل شوي وارتاح لحد مااخلص ،، انا الموس ابدد مااعرف له كان اتجرح منه ويقهرني من بكرا يطلع الشعر ،

ام سلطان اذا يجونك ضيوف بالمستشفى خلاص من تدخلين التاسع اتفقي مع محل واذا ولدتي بالسلامه يروح زوجك يجيبها
انا مااحد يزور بالمستشفى فبتفق مع محل تروح له اختي وتاخذها للبيت لان عماتي من ثاني يوم عندي