دردشة حوامل الأحساء- تجمع بنات الأحساء - الحسآويآآت

[نور قلبي اطفالي]

ههههههههه يلا اخليك الحين

بنوم العيال معندين مو راضين ينامون

اشوفك على خير

باي

[القمر مغرور]

اوك قلبي نوم العوافي الله يساعدك

[القمر مغرور]

وانا بعد بايوو نوووووووووم

[ورد الشمال]

السلام عليكم ورحمة الله
مبارك عليكم الشهر يا أحلى حساويات
منفوخات ومفشوشات

بسدح لكم بطاقتي قبل لا تطلبونها

أنا عضوة مغبرة اقصد قديمة
بكرية حملت وولدت الحمدلله وولدي صار رجال ابو شهرين ونص سميته محمد الله يحفظه ويرزقني وأبوه بره
كنت مع حوامل رجب وافتتحت لهم الولادة في 2 رجب
أنا من سكان الدمام لكني حساوية أباً عن جد عن خال عن عم
اعرف الريم الشارد وغلاي أمي فديتهم اشتقت لهم من ولدنا قليل نسولف مع بعض فرقونا هالعيال خخ
مغتربة مع زوجي وهذا ثالث رمضان أقضيه في الغربة بعيد عن حبايب قلبي :(

رمضان لا طعم ولا لون ولا رائحة --- ماي مثلاً
جد ما احس فيه كل اللي حولنا ياكلون وجع خخ

طبعاً اللي ما تعرفونه اني من فترة اتابعكم وحبيتكم والله بس مترددة ادخل معاكم خفت ما يكون لي مكان وانتوا تعودتوا على بعض بس قلت في قلبي الحساوية وسيعة بال
هههه اذا بترحبون فيني بتشوفوني دايم هنا

وحبيت اقول الحمدلله على السلامة للي ولدوا قديماً وحديثاً رنين الصمت ( أم نايف )
الف مبروك الكتكوتة تربى في عزك
و عذبوك يا قلبي الله يعذب قلوبهم شكو يعذبون قلبك -- تبي تتهاوش وبس
الف مبروك البنوتة يا قلبي عقبال ما تشوفونهم عرايس
وايت روز الحمدلله على سلامتك ومبروك ما جاك يتربى في عزك

حزن الحمدلله على سلامتك وعظم الله أجرك في بنتك الله يجعلها شفيعة لك في الجنة ولا تحزنين تراها عند أم الحسن

ادري قلت قصة حياتي بس هذا عمايل الزهق ما عندي احد اسولف معاه إلا ولدي لجيت راسه بهذرتي اتوقع يتكلم ابو 6 شهور

ونلقاكم وقت جمعتكم حبيباتي ولا يحتاج تسدحون بطايقكم اعرفكم نفره نفره

وهـ خلصنا .. طن -- لزمة وايت

[نور قلبي اطفالي]

هلا فيك ورد ..حياك الله العين اوسع من الحاجب شدعوى انتي اخت بينا هههه

اخباركــم بنوتات الحلوات المنفوخات والمفشوشات ..
سويت الجباتي يم يم اليوم رهيييب رايحه جايه اكل .. شكل النساه ولت افتكينا ..
حشيتها بالدجاج وبعضها بالبطاطس وبعضها لبنه ساده وزيتون وبعضها زعتر

وودي بكرا اسوي القطايف ..

[ورد الشمال]

اهلين بيك نور تسلمين حبيبتي وعوافي على قلبك
جوعتيني تراني بعدي ما فطرت
يأذن المغرب عندنا 9 إلا ثلث باقي ساعة وشوي

[نور قلبي اطفالي]

الله وين انتي ساكنه ..؟؟

[ورد الشمال]

انا ساكنة في بريطانيا والنهار عندنا طويــــــــــــــــــــــــــــــــل
الله يعين

[نور قلبي اطفالي]

الله يكون بعونك .. والله الصيام يتعب

[ريم الحربي]

السلااااااااااااااااااااام ...
هلا والله باللي جاااو حياااااكم بينا (((تو الناس هع
اخباركم واخبار عيالكم ان شاء الله بخير ؟؟؟
انا تو جيت من المستشفى وسوو لي تخطيط وقالو مابوه طلق ولا شي والرحم مقفل قمة التحطيم وانا باقي لي اسبوع واخلص التاسع وقالت يوم الولاده في 23 رمضان والله مدري ,,, دعواتكم لي ...