دردشة حوامل أهل الخرج - دردشة بنات الخرج - تجمع حوامل الخرج

miss pink · 07-24-2011, 01:44 AM

اوكـ ... خلونا نتقابل بكره بالقروب بوقت وااااااااااااحد :)

miss pink · 07-24-2011, 01:47 AM

تصــــــــــــــــــبحــــــــــــــــــوون على خــــــــــــــــــيررر

s(لطوف)s · 07-24-2011, 02:13 AM

اهلين ومرحبتين ياكروشات اشتتقت لكم والله وشلونكم يام علاوي واسومه ولين والبقيه انا متابعه لكم والله ابشررررررررركم ولدت لي اسبوعين جبت منصوري بس ماقدرت اسير عليكم لاني عمليه قيصريه والحمدلله على كل حال...................بقولكم قصتي انا ولدت باللي تقولون مجزره مستشفى الخالديه كان ودي بالرياض بس قضاء وقدر ....وبقول لكل البكريات ان شاء الله ماتصيرون زيي بالذات اسومه الله يسهل عليكم يارب وبحكي قصتي بالتفصيل...............""

حنان 1985 · 07-24-2011, 02:22 AM

صباحو صبيا

جوري اخباري تمام الحمدلله اليوم لي 25 يوم بس ولدي
مبهذلني خشمه مسكر اخذت قطره ومافي فايده

اسومه حبيبيتي ابره الي يعطونك اذا ولدتي
هذي ابرة شمم عشان الخياط مايلتهب بس

s(لطوف)s · 07-24-2011, 02:42 AM

اول شي احمد ربي واشكره اني قمت بالسلامه وبدايه هالقصه اني دخلت التاسع مبسووطه وامشي يوميا نص ساعه بعد3اسابيع بديت اشرب يانسون ويوم زنجبيل وقرفه ماحسيت بشي قمت اشم حلتيت طول اليوم وهي بخشمي ولافاد كثفت العزيمه وقمت اكثر من هشك بشك وووقرفه مع عسل ورقيه ونزله عالدرج صرت اروح المشتل عصريه وامشي اخبط على باطن الرجل وسريييع ايه نسيت اقولكم اني كل التاسع قالت الراس نازل بس مب بالحوض موعد ولادتي نهايه التاسع كان عندي مراجعه بمستشفى الخالديه عند الدكتوره عبير قالت رحمك مسكر قامت دخلت يدها وقامت تحورف فيه (تحريض)قالت ايه فتح 1سم وبطانه رحمك لينه ان شاء الله ولادتك قريبه يمكن الليله تحسين بمغص وتقلصات وعطتني موعد الاسبوع الجاي طلق صناعي وقالت اتوقع بتولدين قبل ان شاء الله المهم طلعت من العياده امشي بشويش ههه عشان الرحم فاتح1سم مدري خفت المهم رحت البيت وحضرته طلبني قلت لآلآرحمي مفتوح قال احسن عشان ينفتح ويوم قمت اتسبح نزل دم قطعه كبيره وخفيف ولارحت المستشفى بس قمت امشي مر يوم يومين ثلاثه اربعه ولاشي بس اليوم الرابع مع شرب الاعشاب حسيت بمغص قلت خل اروح المستشفى يمكن فتح قال زوجي اول مره اشوف وحده بتولد تمشي وتسولف قلت مب ضارك شي ودني المهم قال يالله قمت اشيل المنطقه قلت يمكن ولاده ياحليلي يوم رحت الطواري نزلت الدكتوره يوم كشفت قالت لسه1سم تحطمممت وزعلت يوم طلعت سالني زوجي قلت 1ونص النص هذا عشان مايهاوش على هالروحه المهم بقى على موعدي الطلق يومين قمت كثفت استحمام بماء دافي تنقعت تبخرت كبو مشيت وشميت حلتيت واهلكت ابو الشباب يوم رحت الاربعاء قالت لا نصبر اسبوع عالطلق الصناعي وكشفت قالت1سم يؤ انصدمت وقالت مافيه طلق بس اذا تبين تنويم اكتب لك الحين قمت نحشت قلت لزوجي قام قال روحي قولي لها انتي مواعدتني طلق صناعي يحسبه مساج اروح اسويه قلت عيت وهواش قلت ياشيخه روحي تنومي افتكي بس قلت ابي بكره توديني اتنوم تقول ضروري لانك متعديه التاسع لك9ايام عاد الدكتوره عبير تقول تبين الحين ولابكره لاني بكره مناوبتي ورجعت البيت قمت اولم اغراضي وحطيت بجامات خخخ واكل وسجاده وغير شنطه المستفى لي وله وجاء بكره قمت العصر فضيت الثلاجه وقومته يالله قام رحت عالمغرب وجلست هناك يحطولي ابره بيدي واوراق احتريهم متى ارقا في ذا التنويم المهم على9ونص رقيت في غرفه فيها حوامل ورحت لسريري...>>لحضه بكمل

ام علاوي99 · 07-24-2011, 02:43 AM

الف مبرووووووووووك لطوووفه والحمد الله ع سلامتك تو افكر فيك
ننتظر قصتك في المجزره الله يقومك بسلامه

ام علاوي99 · 07-24-2011, 02:54 AM

لطوووف لاتنامين لين تكملين قصتك

s(لطوف)s · 07-24-2011, 04:05 AM

هلا ام علاوي تحمست كنت ابكمل بكره ...............المهم رحت لها الغرفه كنت متوضيه ماصليت مسكوني قابلتني الدكتوره عبير قالت لطيفه وينك احتريك من8الصبح قلت ظروف وقالت تعالي لغرفه السونار وكشفت وقالت صح انتي مستعجله عالولاده قلت ايه قالت بعطيك طلق فرحت قلت ابروح آكل قالت روحي وبجيك رحت صليت ودخلت الحمام طقت السستر قالت خلصتي اكل قلت ايه قالت يجي دكتوره طلعت لقيت مافي احد فكيت فطيره دخلت الدكتوره قالت بعدين تقدرين تاكلين
وكل البنات بالغرفه يوم دروا عني حطوا يديهم على روسهم توافقين عالطلق الصناعي وانا قلت ابي اخلص بس خفففت حطت اول تحميله ع الساعه10 قالت بعد ساعتين بجيك لاتتحركي قمت اكل وانا منسدحه دق زوجي قال متى الزياره بجي بكره كان يوم الخميس قلت بكره الجمعه من2 لين 8قال وش تبين اجيب معي عاد الحامل اللي جنبي معها ليز كبير اشتهيته قلت بطاطس وعصير وجلست انتظر احسب عقب ساعتين ابولد جتني بجهاز النبض ياشينه ساعه مااتحرك وقالبه على جنبي يوم فكته مااحس بشي قمت امشي قبل الفجر بالاسياب مشي سررريع مده ساعه وادعي اذن صليت وانسدحت ماعرفت انام شغلت بجوالي سوره الكهف واقرا معها ماعرفت انوم جت6 وجت الدكتوره حطت تحميله ثانيه وقالت لاتقومين بعد ساعه بدت النفضه عقب مافطرت قمت انتفض حسبتني خايفه نادولي الدكتوره قالت 2سم وقمت استفرغ ورحت الله يكرمكم الحمام اسهال ومغص فضيع اتلوى بالسرير واللي قاهرني جهاز النبض مانيب فاضيتن له حاطينه ودااايخه مانمت من امس شوي الازاد المغص جت قالت2ونص قلت مقدر مغص قوي ودتني للسونار قالت تحسين بحركته قلت لابس مغص وتسالني قلت لا عاد انا تعبانه وفاضيه اقولها دكتوره لاتحطون لي حق النبض دايخه ابنوم مدري وشلون ابنوم بهالمغص قالت بوديك غرفه الولاده ع الساعه11ودفوني بعربيه قالوا جيبي جوالك وفلوسك قمت ارسلت لزوجي لاتجي اليوم ودوني غرفه الولاده وجوالي مب معي ودفوووني

المهم يوم دخلت حق الولاده ابي اسمع اصوات اوشي شكل مافي هالجمعه الاانا بالغرفه المهم بصمت وسدحوني على هالسرير وحطتلي حقنه شرجيه قلت توني مسهله وعيت حطت ورحت الحمام يوم رجعت قاست قالت4سم ونادت الدكتوره جت قشت مويه الراس حسيتها حاره المهم الدكتوره قالت يؤ شوفي المويه خضراء متبرز البيبي عمليه تخيلوا ماوقعت ولاشي دفوني للعمليات انا ساكته خايفه بس فيني مغص اقولهم اخلصوا تعبانه السامجين يجيبون سرير يلزقونه جنب سريري ويالله اطلعي عليه وانتي منسدحه على ظهرك كم مره منب في حالهم ويدفوني لين ذيك الغرفه اللي وقفوا السرير عند ذيك اللبه الكبيره اللي اشوفها بس بالتلفزيون ويلبسون بسرعه وانا اقول فيني مغص المهم كبو على بطني مويه باااارده ويمسحون بطني وركبو القسطره وجاني دكتور قال شمي شميت ووولاحس ولاخبر قالت الدكتوره قومي يالطيفه جاك ولد لمست بطني لين مافيه قلت اشوا ولدت ودفوني للغرفه ع الساعه2عاد قلت جيبو وليدي ابشوفه عيو قالوا روحي انتي شوفيه وقلت ابي جوالي قالوا روحي خذيه تخيلوا بسريري توني طالعه من عمليه يقولون قومي قمت اصارخ ابي جوااالي وجابوه دقيت على زوجي قلت ولدت بعمليه ودقيت على امي قلت ولدت يوم قلت بعمليه صاحت ياعمري عقبها نمت من المخدر جاني زوجي بالزياره وقمت وجايبلي اللي امس موصيته ياحبي له المهم قلت فكلي فطيره وعصير واح انها ماتنبلع اثاري اليوم الاول سوايل وماعلموني وشربت شوي مره وشوي جت خالتي وبناتها عاد عقب العمليه علي قميص الاخضر وكشتي وش كبرها ااخ اول مره يشوفوني بهالشكل جلسوا نص ساعه وراحوا ونمت يوم جت الساعه تسع قمت قلت بروح اشوف منصور ماشفته قالوا اذا تقدرين تمشين منتب دايخه قمت عاد وشفته متفخ حبيبي ماحسيت بشي اول ماشفته شلته شوي وقلت خذيه ورجعت انام وفكوا القسطره ..قمت الصباح وغيرت وجت خالتي العصر شوي تخيلوا مامعي مرافق انواع التعب والضيق جت امي من الرياض بس تعبانه ماتقدر ترافق المهم جلست الحمدلله4ايام اليوم الخامس شالت اللزاق وفكت خيطين وعطتني علاجي وطلعت الحمدلله بس العمليه صعبه القومه والجلسه اه بس بس الشي اللي مستغربته مانزل علي دم الا5ايام بس مدري ليش الحين مافي دم يقولون القيصريه يغرفون الدم..............الحمدلله هذي قصتي باختصار لان منصوري يصيح ابروح له سلبيات المستشفى كثيره لاتعد ولاتحصى 3غرف قيصريات ابي اشوف وحده طبيعي ماشفت والله بس ايجابياتهم عندهم الكمام والابره المسكنه والسراير جديده اللي تتحكمين بها والسسترات حليوات لاطلبت ابره مسكنه يدقوني...مااطول عليكم هذي قصتي يالله باركولي

●|ڄ۫۫ۅريےّْْْ|● · 07-24-2011, 04:33 AM

ربي يعينك ليونه هذي بدااية المشششششوار و القادم.......

لطوووووووووووووووووف

ألللللللللللللللللللللف مبروووووووووووووووووك يا حيااااااااااااتي انتي

الحمدلله ع سلامتك يآقلبي

اهم شيقرت عينك بشوفة البيبي

حبيبتي أنا مثلك ما نزل علي دم لآ هم ينظفون الرررررحم

بس استخدمي خلطة الخمس فناجيل تراهي زينه تنظف

عقبال ااسوم و مس بنك

●|ڄ۫۫ۅريےّْْْ|● · 07-24-2011, 04:53 AM

الخمس الفنجايل
طريقه مجربه ومضمونه

ويقصد بالفنجايل
فنجان القهوه
طبعا الطريقه تكون مع اهتمام
يعنى ماتجى الوحده

تسوى الطريقه
وتهمل جوانب ثانيه
وتاكل ممنوع
وتجى تقول ماستفدت ....

الطريقه حل رائع ... اذا صاحبها اهتمام
بالاكل
والابتعاد عن الممنوع
والحرص بالدوره والنفاس
ولا تجى وحده تلهم اللهوم وتشرب عليه عصير
الهمى واشربى عليه حليب دافى او شاى اعشاب

طريقه الخمس الفنجايل

محلب

كمون

عويدى

رشا د حب

فلفل اسود

هذه خمسه
والكميه فنجال واحد نفس الفنجال نفس الحجم
من كل نوع
تطحن المقادير ماعدا الرشاد حب
وتجمع بعلبه
ويكون لهوم مرتين باليوم

صبح وليل
وتكون النتيجه بدوره ونفاس جيده
طبعا يفضل يكون الهوم على جوع
يعنى الصبح قبل تفطرين
وبالليل قبل تتعشين
ويكون اخر ايام دوره ونفاس
اذا دورتك خمس ايام استخدميه اخر ثلاث ايام
طبعا الخمس الفنجايل طعمها شين ومر وحار
بس اللى تبى الفايده تتحمل ...
ملاحظه مهمه ...

اللى معها بواسير ... لان البواسير تجى مع الولاده غالبا
تحط
نصف فنجال عويدى
ونصف فنجال فلفل اسود
عشان البواسير ...

واللى معها مويات وماتجيها دوره ...ترضع مثلا
تعطى نفسها مده علاجيه اسبوعين
وتستخدم الهوم
وتعتبر نفسها بدوره او نفاس
وتحرص على نفسها من البارد والخربطه بالاكل ...
الخمس الفنجايل
طريقه من واقع تجربه شخصيه ناجحه
واتمنى من كل وحده تجيها الدوره مو حامل
تجربها ...
وتجى تقول لنا النتائج
مانبى شكر
نبى نتائج ...

الخمس الفنجايل
لو استخدمت وسط نظام كامل
من حرص على اكل بر
ومشروبات ساخنه
وابتعاد عن الممنوع
واهتمام

بتعطى نتائج ممتاز ...
وبتحسين المنطقه عندك صارت جافه وناشفه وبالتالى ضيقه..
وخفت المويات بشكل كبير

اذا استخدمتى الخمس الفنجايل صح...
الطريقه مافيها شي يخوف او يدمر على المدى البعيد.. والنتائج ممتازه ان شاء الله ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل ينبع	حبيبة جوجو	إستفسارات حوامل من الشهر السابع إلى الشهر التاسع	4	03-15-2013 12:38 AM
تجمع حوامل	warka	ملتقى عضوات حوامل	7	06-22-2012 09:12 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
تضامنا مع إنسحاب سمو الجرح من تعز سمو الجرح تدخل	فرح بكره	ملتقى عضوات حوامل	22	12-13-2010 12:30 AM