دردشة بنات فلسطين, دردشة حوامل فلسطين, تجمع بنات فلسطين

[إم يامن]

المشاركة الأصلية كتبت بواسطة عسولة فلسطين

السلام عليكم
كيفكم يا بنات يارب تكونوا بخير
بدي اياكم تدعولي ربنا يجيرني في مصيبتي ويخلفني خيرا منها
انا توأمي راح مني وربنا اصطفاهم يكونوا عصافير في الجنة
شفت المووووووووووووت والحمدلله ربنا كتبلي عمر جديد
ادعولي ربنا يصبرني ويعوضني خير

الله يصبر قلبك انا حاسة فيكي لانه سبئ وصار معي اجهاض مرتين قبل حملي هدا مشان هيك بعرف بشو عم بتحسي دايئت كتير مشانك بس بدي تقولي الحمد الله على كل شي والي من الله يا محلاه
اطلعي من جهة ايجابية كسبتي عصفورين بالجنة يشفعولك ويطلبوك لجنة والاخرة خير وابقى

الله يعوض عليكي ويلي اعطاكي اول مرة بيرد بيعطيكي تاني مرة لاتخافي ماحتلاقي اكرم من ربنا على عباده
وانت بالهمصيبة وهزعل قلتي الحمد الله ومافقدتي ثقتك بربنا اكيد ربنا بنالك بيت بالجنة يا نيالك

[حواء مثالية]

سلام عليكم

كيفكم يا بناااااااااااااااااااااات

عسولة والله دمعتي نزلت على هالخبرية الله يصبر قلبك ياقلبي

لي صار معك هيك كلشي كان تمام عندك الحمدلله على كل حال

مش عارفة شو بدي احكيلك

بتهوووووووووووووون يا عمري

حاولي تطمنينا عنك

[عسولة فلسطين]

الحمدلله يا بنات ع كل شي من ربنا

اللي صارلي انه طول اليوم الاربعا كان معي مغص قوي ووجع ضهر وكان ينزل مني كتل دم
رحت ع المستشفى بالليل اشوف سبب الدم
فحصني الدكتور لقى عنق الرحم فاتح 7 سم قال لازم تنزيل ... والله لا يوريكم كيف صرت زي المجنونة
لأنهم كانوا بناتي يتحركوا بس خلص مش حيبقوا
ودوني ع غرفة الولادة وحطولي بايدي التنيتين محلول طلق صناعي مع الطلق اللي كان يجيني و من الساعة 9 بالليل وانا بالمعاناة.... ولادة طبيعي
نزلت بنتي الأولى ع الساعة 12 بالليل وكانت تتحرك واخدوها ع الحضانة والتانية نزلت ع ال 11 ونص تاني يوم الضهر بس التانية شفت فيها الموت حطولي اكسجين وطلبوا من أهلي وحدتين دم لأني نزفت كتير غيروا تحتي 9 شراشف و صار دمي ينزل الصفائح
والتانية نزلت تتحرك وودوها ع المستشفى بس لأنهم لسه كانوا بآخر يوم بالخامس وبداية السادس ما عاشوا ...الله يسهل عليهم
ما شا الله كانوا طوال وكل شي فيهم متخلق ... والحمدلله كانت صدمة عمري ويوم بحياتي ما راح انساااااااااه ما كنت متوقعة اطلع من غرفة الولادة وانا عايشة
الحمددله الله يصبرني ع هالمحنة واتجاوزها...

[عسولة فلسطين]

الحمدلله يا حواء
كل شي صار فجأة
والله يسامحه الدكتور كان بدي غرزة بعنق الرحم
غلطة دكتور بس الحمدلله قدر الله وما شاء فعل
روح الماما صاروا هلأ عصفورتين بالجنة الله يسهل عليهم

[احساس أنثى]

لا حلو ولا قوة الا بالله

ربي يصبرك ياعسوله كل شي مكتوب لاتدايقي ربنا حيعوضك خير باذن الله

خلي املك بالله كبير ... ربنا كبير ... الحمد ان في أمل تحملي تاني غيرنا مقطوع عندهم الامل

شايفه كيف احنا بنعمه والله بنعمه قولي الحمد لله ولا تفكري كتير ...

[أم عزمي]

عسولة
ما تزعلي و لا تدايقي و خلي نفسيتك مرتاحة
أنا ولدت ولادة مبكرة بأول التامن صار معي وجع بعد السحور بعد صلاة الفجر و رحت عالمستشفى و قالولي ولادة
و كنت بأول الطلق كان الرحم فاتح 6 قراريط ساعتها فحصني الدكتور و حكالي انه بتولدي و تمام بس الحمل الجاي بيلزمك غرزة لعنق الرحم و أنا سمعت هيك و صرت أعيط المهم صار الطلق يزيد وولدت ولد كان كامل ووزنه 2 كيلو بس المشكلة انه ما صرخ
و لا فتح عيونه حطوه على التنفس قدام عنيا و قالتلي الدكتورة يمكن نحطه بالحضانة و يمكن يروح معك بس حطوه بالجضانة
وصرت أتردد على المستشفى لمدة 4 أيام و باليوم الخامس اتصلوا من المستشفى على ماما من الصبح الساعة 5 الفجر
أنا كنت نايمة و صحيت على ماما وهي بتقول السلام عليكم المستشفى ساعتها عرفت انه ابني توفى
نظرت لامي و قلت الها يما ابني مات الحمد لله أنا ما كنت بوعيي هذه اللحظة بس ماما قالتلي اني قلت هذا الكلام
المهم بعدها استوعبت الصدمة عيطت شوي و قلت خلاص الله يصبرني و سكتت و بتذكر انه كل خواتي صحيوا من النوم و صاروا يعيطوا وأنا صرت أقولهم خلاص عندي بجيب بداله مهو أنا كنت نايمة عند أهلي بعد ما ولدت عشانهم أقرب من بيتي على المشفى
و خلاص روحت عند زوجي أنا و ماما وراحوا جابوه من المشفى حضنته و أنا بأبكي و حمموه وصلو عليه و أخدوه صرت لما ييجوا عليا الناس أكون منيحة قدامهم و لما يروحوا من عندي أعيط و حالتي تصير زي الزفت طبعا كان زوجي يزعل عليا و يصبرني
بس هو كتير طيب و ما الو بخت امه ماتت وهو صغير بس الحمد لله تعديت هالمحنة و بعدها أجتني الدولرة مرة لأنه زوجي كان عامل مانع طبيعي ليريحني بس صرت أعيط و بعدها قلي خلاص الشهر هذا ما راح نعمل مانع و انشاء الله بتحملي و الحمد لله حملت و أخدت غرزة ما بتخوف و لا بتوجع و لا شي و هلأ أنا بالشهر التامن و الله يتمملي على خير و انتي خلي نفسيتك مرتاحة لأنه الزعل بيأثر على الرحم هيك قالتلي ماما و عشان هيك حاولت أهدي نفسيتي و الحمد لله على كل شي و بأظن طولت عليكي بالحكي بس عشان تفهميني و ما تزعلي و تعملي متلي و توكلي على الله و الله يعوض صبرك خير و يرزقك بالذرية الصالحة و يقدملك الأحسن باذن الله حبيبتي

[أم عزمي]

ايش الدعوة يا صبايا ما في أي دردشة بعدي
أنا زهئانة و بدي أدردش و ما في أي شي أرد عليه
وين غاطين؟؟؟؟؟

[مسك السنين]

ربنااااااااااااااااااا يصبرك ياعسوووووووووووووووولة
ويارب العوووووووووض قريب وماتدوقي تاني نار الحمل والولادة الا وربنا كاتبلك تشوفيهم معك وتقر عينك بصحتهم
حبيبتي لاتزعلي
ابتلاء من الله لانو بحبك
حاولي هلا تعطي نفسك امل
واتركي مسألة الحمل شي 5 شهور وارجعي احملي وربناااااااااا يوقف معك حبيبتي

[أم عزمي]

مرحبا مسك السنين
اذا انتي موجودة هلأ انا حابة أدردش معك

[أم عزمي]

كم عمرها العسولة؟