دردشة بنات فلسطين, دردشة حوامل فلسطين, تجمع بنات فلسطين

[em3omar]

دودو
الله يسعدك يا رب وان شالله ربنا بيسمع منك وصدقيني اول ما اولد راح انزل الصورة بدون تفكير بس ان شالله تطلع حلوة زي اخوها

انبثاقة امل
ما تزعلي ولا تنهمي انا زيك بس الفارق جوزي بيروح ابكر شوي وانا لسا ساكنة بين يهود يعني والله الشباك ما بفتحو مرات بزهق وبتطلع روحي لولا عمر شوي بيخفف عني
الله يبعتلك ولد يا رب يملى عليكي حياتك وتصيري باحسن حال حبيبتي والله قلبي حاسس فيكي لاني بعاني متل

[لولو الفلسطينية]

دودو اه رحت على الدكتور و الحمد لله طمنني و طلشي منيح و الجنين كان يتحرك و وضعه منيح
و حكالي اناو انا باخر اسبوع من التالت و طبعا ما سألته عن جنسه لأنه اصلا كان داير ضهرو
و حكالي ارجعله بعد شهر و ان شاء الله اقدر اصبر شهر ههههه
و انتي متى موعدك ؟؟ ان شاء الله يا رب تتطمني
ام عمر ربنا يقومك بالسلامة ان شاء الله و تجيبيلنا احلى بنوتة
انبثاقة و لا تزعلي كلهم بتيجيهم ايام بكونو مش قادرين يفتحو عيونهم و تعبانين و ما فيهم حيل على قولتك * بعين الله و ان شاء الله يا رب عن قريبا ربنا ببعتلك توم ولد و بنت و بتملي حياتك فيهم ياااااا رب

[~{{ DoDo }}~]

لولو

يلا حلو ربنا يتمملك على خير يبقى بعد شهر عالاكيد بيكون انشالله مبين الجنس
انا حجزت موعد يوم السبت ان شاء الله وهيني عم بستنى
انا دكتورتي كل 3 اسابيع بتخليني اروحلها هلأ
يمكن بس اخلص التالت تقللي خلص كل شهر الله اعلم

الله يتمملنا وللجميع ع خير يارب ريرزق كل الصبايا

[لولو الفلسطينية]

صبايا انا صارلي كم يوم مش قادرة اشم ريحة الجاج و اللحمة و جوزي على طول بزعل لاني ما باكل لا جاج و لا لحمة
و الله بطلع الجاج او اللحمة من الفريزر و لما اجي بدي اشتغل فيهم بقرف من ريحتهم قبل ما ينطبخو هههه و حتى لو كانت مطبوخة اذا قربت ريحتها على منخاري بقشعر بدني و بفضل اكل سلطة تكون مالحة و حامضة او برتقال و هاي الشغلات
و المشكلة هاليومين ما بنام من وجع اسناني و دكتو الاسنان حكالي ما بشتغل باسنان الحامل الا بعد الرابع يعني لازم اتحمل الوجع شهر كامل
وو جع الاسنان جناااااان

[لولو الفلسطينية]

و الله يادودو بدك الصراحة مش فارقة معاي ولد او بنت المهم يكون منيح و خصوصا لاني باخد ابر كل يوم لتسييل الدم لأني اجهضت مرتين قبل هاد الحمل يعني بس بدي تعدي هالشهور على خير ان شاء الله
و بعدين هاد اول واحد شو ما كان حلو هههه
و انا كمان يا دودو الدكتور كان يعطيني موعد كل اسبوعين او تلاته بس هالمرة حكالي بعد شهر

[em3omar]

لولو الله يعينك انا الحمد لله سناني ستروني ومرقت فترة الحمل على خير اول حملي وجعوني بس الحمد لله راقو وتخدرو طول فترة الحمل عقبال عندك يا رب

[~{{ DoDo }}~]

لولو

الله يعينك بس اللي بعرفه انه هالشي طبيعي
صاحبتي كانت اول حملها نفس الشي حتى بتقللي اللحمة تكدست بالتلاجة وبالاخر كبيتها وما عملت منها شي
انشالله لما تخلصي التالت بيروح هاد كله
وبالنسبة لاسنانك اسالي دكتورك ازا بينفع تاخدي بنادول مرة او مرتين باليوم بيخفف عنك
ومتهيالي انه امن للحوامل واصبري لتبلشي بالرابع انشالله

[حيفا]

صباحكم خير جميعا :)

رحت رتبت البيت ههه كسولة انا ، بس هلا خلصت شغل

حبيباتي لولو ودودو و ام عمر يسعدكم ربنا ، وان شاء الله تقومو بالسلامة يارب وينورو بيبياتكم حياتكم :)

انبثاقه والله حاسه فيكي حبيبتي ، الوحده بتقتل ، بس انا هلا سجلت بدورة مشان ما اضل بالبيت افكر لحالي ، بعين الله شو بدنا نعمل
بفكر ارجع ادور ع شغل مع اني كنت مأجلاه للسنة الجاي !

[~{{ DoDo }}~]

المشاركة الأصلية كتبت بواسطة لولو الفلسطينية

و الله يادودو بدك الصراحة مش فارقة معاي ولد او بنت المهم يكون منيح و خصوصا لاني باخد ابر كل يوم لتسييل الدم لأني اجهضت مرتين قبل هاد الحمل يعني بس بدي تعدي هالشهور على خير ان شاء الله
و بعدين هاد اول واحد شو ما كان حلو هههه
و انا كمان يا دودو الدكتور كان يعطيني موعد كل اسبوعين او تلاته بس هالمرة حكالي بعد شهر

معك حق طبعا
اهم اشي الصحة والخلقة التامة وانا والله مش فارقة معي
بس متحمسة اعرف هههههه
ربنا انشالله بيعوضك وبيكمل حملك على خير بس توكلي على الله وما تقلقي
ولا تنسي لما تروحي لدكتور الاسنان تقوليله على الابر الي بتاخديها
عشان يكون عارف وما يصير معك نزيف من اسنانك او شي لا سمح الله

[~{{ DoDo }}~]

حيفا

بالعكس بتتسلي حبيبتي
دوري على شغل عالقليلة بتغيري جو وبتجددي حياتك وبتصيري مشغولة
بتبطلي تفكري كتير احلى حل هو الشغل او الدورات او الدراسة