دردشة بنات ليبيا , دردشة حوامل ليبيا , تجمع بنات ليبيا

[أم سعد]

يقونة ... هذه مشكلة هللللبه حوامل .. أكثري من الاستغفار وماتخافيش ... وكملي

سوري ... هلا بيك ياغالية

[عيون زوجي]

ام سعد كلامك مزبوط ام سلفتي مشت من شهر تقريبا وسكنت في برج الساعه 7 نجوووم هي وزوجها 10 الاف دينار بس قالت انها تصرفهم في هالمكان الطاهر باش تتفرغ للعبادة خير من صرفهم في سياحه وعلاج


سورينااام هلا وغلا بالغوااالي

يقوونه كلي اذان صاغيه

[أم سعد]

كلنا آذان صاغية

؟؟؟؟؟؟؟؟؟؟؟؟؟؟؟ظ

[يقين]

حملت وجوي سالك مع بعض التعكنين اللي يجيني احيانا افكار وحاجات غريبه
المهم توا حالتي نحس فيها تسووووووووء وننعزل بالشوي وحت زوجي والله مرات يطلع فيا بالسيف من الحوش ومداير معاي جهده وكل ما نضايق يقعد يرقيلي في ميه ونشربها
بس حالتي هيا هيا مرات نقعد نبكي بلا سبب
ومرات نتمني نموت بعيد السو عني خخخخ
طبعا علاقتي بربي ولله الحمد صلاه ما تفوتني وادكاري في وقتهم وحتي القران كنت قريب نختم بس وقفت في الحمل
المهم كنت زمان شخصيه قويه ومرحه توا نحس في شخصيتي تضعف شكلها من قله الاختلاط وتوا
اللي نبيه كيف نطلع الافكار هادي من راسي وكيف نرد شخصيتي قويه وننسي الهم اللي من جه سلفتي مركبلي عقده وقلبت حتي سلفتي التانيه اعليا وكل ماتمشي للعيله تشحن فيهم
طبعا ني وصلتلهم فكره اني مش محتاجه لحد ونقدر نعيش بلاهم لو هما مصدقينها وبايعيني بس في الواقع ني مانحبش العزله ولا نحب القطيه ولا نقدر نعيش بلا هل راجلي لانهم بجد عزوه

[يقين]

اللي نبيه نبي ننسي سلفتي واهل زوجي ونبي نخلي روحي باااااااااارده ومانفكرش ونبي نهدي اعصابي
هادا كله مش قادره انديره مع انه في هلبا نساوين يديرن في المشاكل عيني عينك ويجن بكل بقاحه وضحك اني المشكله مش مني وكرهت حوشهم معاش نبي نخشله وحتي لما يتصلوا لا يسالوا لا شي اااااااااااه نتمني اني نتصل بسلفتي نمسح بيها الوطا بس ما نقدرش لان راجلي قالي انسيها وبعدين هيا اكبر من ب 9 سنين وعقلها صغيييييييييير وتاعبه بس والله ماني مسامحتها

[عيون زوجي]

يقوونه ماشاءالله اعليك انتي كبيرة في العقل والرزن من زمان واهم شي علاقتك بربي كويسه والباقي مقدور اعليه
تغيير الهرمونات من بدايه الحمل وحتى 6 شهور بعد الولادة احد اسباب الاكتئاب وردي بالك اتخليه يفوز اعليك لانه مرض وتهيؤات من الشيطان العياذ بالله منه

بنت عم بوي عندها 5 صغار وكل عيل يصيرلها هكي وتقوقعت على روحها وما عالجتش عند مختص ولا ناقشت حالتها مع زوجها واحبابها تصدقي حاليا كانها شن بنقول نيه فهمتي بلا شخصيه في المجلس ماحدش معبرها ماتعرفش تقول كلام موزون ولا تحسبها صح كان فيها فيوزات انضربت استغفر الله بس لو اتقربت من ربي وما كبرتش الموضوع ماكانش هذا حالها

سلفتك ديريلها ديليت واجنور وانسيها نهااااااائي وحتى اهل زوجك ما اتخمميش فيهم لين تروحي وبعدها لكل حادث حديث ورح تسكني بعيد وبتنشغلي بصغارك ومش رح يشكلولك قضيه اصلا

[يقين]

حاجه تانيه فكرت فيها اني نمشي لدكتور نفسي شن رايكم

[عيون زوجي]

انا سلفتي جنبي ودارتلي اكتر من مرة موقف بايخ درتلها ديليت من اهتماماتي وحياتي وعلاقتي بيها فوق الرسميه تسكن لاصقه فيا وبالشهر ما انشوفهاش وما اتهمنيش اصلا ومش مدايره منها رقم

[يقين]

عيون صحيتي حبيبه يا غبييييني علي النساوين كل شي اعليهم ربي يعين وخلاص

[سورينام]

يقونه اني من رأيي ان اللي تمري بيه اسبابه هلبا يعني انتي في فتره قصييييره من عمرك مريتي بزواج وبعد على اهل وناسك وتغيير المجتمع اللي كنتي عايشه فيه وجياب وحمل مره تانيه وهذا كلله في فتره قصيره ما تتجاوزش 3 سنوات صح؟
فما اضايقيش روحك يا سموحه وعادي ياما ايصير غير من هرمونات الحمل بروحها تقلب المرا مابال بهلبا روف مريتي بيها
واني كان نحكيلك عاللي ايصيرلي في الحمل وبعد الجياب بالذات والله اتقول انسانه تاااانيه نبدا اندررره الكبد واللي ايكلمني يحصل فيا .. الله غالب اعلينا النساوين قداش انعانو ان شاءالله اجرنا عند مولانا ....
اذكري الله ديما وما تقعديش بروحك ديما غيري جوك واطلعي لجاراتك حتى لو ما خاطركش خير من تقعد الافكار الغريبه ترفع واتجيب فيك ... وربي يحفضك وهذا رأيييييي