دردشة بنات فلسطين, دردشة حوامل فلسطين, تجمع بنات فلسطين

[جارة القمر]

الله يسعد صباحكم -دودو-ام عمر- حيفا

حيفا ::
امبارح جابولنا على الشغل دوناتس بحبو ...........

اليوم انا ست المطبخ من الصبح وانا اتفنن ..............

[~{{ DoDo }}~]

حيفا

دوناتس يم يم ياعيني
اعملي حلو وكلوا الف صحتين المهم تتدفوا وتستمتعوا
وحلال عليكم البرد مش متل عنا (( ما بنق ولا بحسد ههههههه ))

جاااارة
ياااا معدلة انتي شو عم تطبخي يلا اعطينا افكار
اكيد زوجك متوكل بابنك وانتي مفضية حالك للمطبخ
الله يخليلك اياهم يااارب

[~{{ DoDo }}~]

عم باااااكل برتقال
مدمنة عليه صرت
تفضلواااا صبايا ؛)))

[حيفا]

جارة صحه صحه وهنا انا زوجي جاب لي
ههههههههه لا انا ما بدي اعمل اليوم لسا في من كعكة التفاح :)

انتي عرفت جنس البيبي ؟؟؟ وشو حابه يكون ؟؟ لأني سمعت انه اللي بتحب البرتقال وهي حامل بيكون فيها بنوته ههههههههه

[~{{ DoDo }}~]

حيفا

الله يسمع منك ياااارب ههههه
والله حبيبة قلبي لسا ما عرفت متاملة اعرف الموعد الجاي
هلا انا اول ايام الحمل كنت مش طايقة اي شي حلو قالولي يعني ولد
وانتي عم بتقوليلي البرتقال يعني بنوتة وانا صراحة مش عارفة
كنت اول ما حملت حاسة انه ولد
انشالله يبين بكير بس كمان لازم يعدي وقت ليتاكد الواحد
يارب خير المهم الصحة والخلقة التامة وكله حلو
وعقبااااال ما تبشرينا وتفرحينا يارب

[حيفا]

حبيبتي الله يرزقك باللي تتمنيه يارب
وماله دخل شو بتاكلي وشو بتشربي ، كلو حكي نسوان وعجايز ههههه

[لولو الفلسطينية]

صباح الخير
حيفا و دودو و جارو و احساس و ينك و ام عزمي و كلكم كلكم شو اخباركم ؟
كيفكم اليوم ؟
صحتين و عاقية لكل الي بياكلو
دودو و انا كمان كتير باكل برتقال و حتى ليمون مرات بقشره و باكلة ولا بحس انه حامض هههه
و اليوم يمكن اروح على الدكتور بس الصراحة مش متوقعة يبين جنسه المرة هاي لسا بدري
هههه و الله يا حيفا معك حق كلها خرافات عجايز و الي من الله حيا الله

[~{{ DoDo }}~]

حيفا

والله معك حق كله بايد ربنا والحمدلله اكيد دايما

لولو

والله هون قعدوا صباتي يقولولي ازا الدكتورة شطورة بتعرفلك جنس البيبي اخر التالت
بس انا سمعت انه هلا فيها نسبة خطأ كبيرة عشان هيك التاكيد بيصير بالرابع او الخامس
لعله خير ياااارب ،،،
بس ما في اطيب من الحوامض ولا شو ؟؟؟ ههههههه
الله يعين زواجنا علينا ههههه

[حيفا]

لولو يا حلوة ان شاء الله ربنا بيرزقك اللي بتتمنيه يارب ، وبتخبرينا شو بتقلك الدكتورة ههههه
ولسا بدري خدو وقتكم بالتوقعات

مع انه انا لو اني حامل كان كنت مستعجله اعرف مشان ابدا اجهز هههههههه
يا ويلي شو بحب اواعي البيبيات وتجهيزاتهم ههههههههه

[لولو الفلسطينية]

هههه و الله انا مدمنة عليهم
على فكرة دودو شكلنا انا و انتي حملنا بنفس اليوم او انا قبلك بيوم واحد ههههه
ربنا يتمملنا بخير
مش مستعجلين نعرف بنت او ولد اهم شي يكون تمام و صحته منيحة ان شاء الله