صباح الخير
كيفكم و كيف التعب معكم يارب يهونها عليكم وترى ايام الحمل على طولها وتعبها بس طعمها حلوو ولحظاتها جميله
انا الحمد لله بخير وكتاكيتي طيبين بس والله تعب انك تراعين اثنين بنفس الوقت الله يحفظهم
ومن جد قد مافيكم اشبعوا نوم لان النوم خلاص بتودعونه
جيت وجبت لكم معي قصتي ولادتي
طبعاً انا يوم الاثنين كان موعدي ودخلت على الدكتوره وقلت لها خلاص انا تعبت ابغى اولد قالت لي لسه خليهم يكبروا شويه قلت لهاا احس البيبي اللي تحت حركته قليله شوي وقالت قومي نسوي لك سونار عملت لي سونار وكان البيبي اللي تحت نفس الشيء وضعه مقعدي ماتغير وحطت السونار على القلب قالت دامك تحسين ان الحركه قلت بقول للاستشاري علشان يحدد لك موعد العمليه وبالفعل خمس دقايق الا جاتني قالت لي خلاص بكره عمليتك طبعا انا لصقت بمكاني من الخوف ولا تكلمت كان ودي اولد والحين صرت خاايفه وقعتني على العملية وقالت لي شوفي لك سرير واذا مافي تعالي بالطوارئ بالليل يوفرون لك سرير وهذا اللي صار رحت المستشفى بالطوارى قريب الساعه 11 بالليل ودخلوني
جابت لي الممرضه وجبه وطلبت مني اصوم من الساعه 12 وقالت بجيك الساعه 4 اركب لك القسطره وابرة المغذي وطلبت مني انام ..
طبعا كان جنبي وحده لسه والد والبيبي حقها يصيح ماخلاني انام زياده على التوتر اللي فيني ..
جات الساعه 3 الممرضه ركبت المغذي و الساعه 4 بعد صلاة الفجر ركبت لي القسطره ماتتخيلون شلون كنت احاتي تركيبها والمها بس الحمد لله كان بسيط بس طول الوقت تضايقك ..
سالتها متى عمليتي قالت ماتدري بس الساعه 7 ونص بيجي دكتور التخدير وماشفته الا قريب الساعه 8 ونص سالني عن نوع التحديد قلت له نصفي وبعدها جاتني الدكتوره اللي بتسوي اللي العمليه وعرفتني على نفسهاا وسالتها متى عمليتي قالت على الساعه 10 او 10 ونص لان قبلي عمليتين
وجلست انتظر ..
زوجي جاني الساعه 8 واضطر يطلع لانه ممنوع يبقى وقلت له اول ماينزلومي بكلمك
جات الساعه 10 وربع الا دخلواا علي بالسرير علشان العمليه و دقيت على زوجي انهم بينزلوني
سحبوني وشفت زوجي تحت وبعدها دخلوني انتظر دوري تقريباً جلست انتظر نص ساعه وبعدها دخلوني جاا دكتور التخدير وطلب من اجلس واميل نفسي وقالي بتحسين بسايل بارد على ظهرك وبعدها بنحط الابره حسبت بالسايل البارد وحسيت بشكت دبوس ثلاث مرات تقريباً
وبعدها حسيت بابرة البنج مااقولكم انها تألم بس التوتر يخليك تحسين بكل شيء بعدها بدت رجولي تنمل علي وتخدرت وغطوا الجزء السفلي من تحت الصدر تقريباً وبعدها بدوا بالعمليه
حسيت بالمشرط يمر وحسيت بحركتهم في بطني وحسيت بطلعت البيبي الاول بس طبعاً بدون الم احساس بس وبعدها جاتني نوبة برد وغطوني وغطو راسي ويديني كل هذا بوقت العمليه وعلى ان التخديد نصفي بس احس ان بنج كامل ماكنت قادره احرك حتى يدي وفكري مو معي يمكن من الخووف
طلعوا البيبي الاول وماشفته خذوه لان شكلها شربت ماي شوي والبيبي الثاني بعد بدقيقه طلعوه وجابوه اشوفه وبعدها جاابوا البنت وشفتها وكانت تبكي ولما بوستها سكتت
طلعوني بعدها للافاقه كنت مبسوطه والمس بطني وابتسم وحطوا علي غطاا دافي يدفيني وبعدها بساعه صعدوني غرفتي وبعد العمليه بثمان ساعات شالوا القسطره وجابوا لي صغيراتي علشان اشوفهم
وطلعوني من المستشفى بعدها بخمس ايام
الآم العمليه كلها آلام تحتمل وخاصه مع المسكنات فلا تخافون منها بس اهم شيء لا تتحركون كثير يمين يسار انا تحركت كثير لان البيبيات كانوا عندي وللحين جزء من جرحي ماألتأم وليومكم اروح يوميا يغيرون لي الضماد المشي مره كويس حاولوا من ثاني يوم تمشون باستقامه مو مايله على قدام لان المشي مره كويس للجراحه
وأي سؤال انا حاضره وموجوده
07-27-2012, 10:14 PM
رد: 【ツ】أحلى تجمع لأحلى حوامل التوائم 【ツ】 الجزء الثالث
الخمائل 
اللهم ارزقني ولدين توأمين سليمين معافين من غير زيادة ولا نقصان
جديد منتدى منتدى أنواع الحمل
العرض العادي
