تجمع الكروشات اللي ولادتهن في رمضان 1433ه

[Haif]

رجعت يا كروشات يارب كل وحده فيكم بخير

طبعاً أنا غبت كنت تعبانه شوي
وامس بالدوام جاني الم بظهري و اخذت مثبت رجعت البيت على طول ونمت لما صحيت شفت انه نزل معي دم و خفت وخاصه اني اخذ مثبت بعدها رحت للدكتوره و صورتني قالت لي الحمد لله وضع البيبيات بخير و شفت واحد منهم يلعب و ينطط ياحلوه و الثاني نايم
قالت لي اموري تمام بس انتبه لان لو استمر الدم ممكن تسوي لي ربط اله يستر
بس الحين الحمد لله خفيت بطني و ظهري شوي يألموني
وبس هذا سالفة غيابي *

مشكور كل من سأل عني
نسومه ونور ماتفقدون غالي يارب ماانحرم منكم

[Haif]

نسومه
الحمد لله انك تطمني على النونو ربي يحفظه

أم حماده
الف سلامه عليك ماتشوفين شر وانتبهي لنفسك و البيبي

رنين
ياهلا و غلا فيك يارب تبقين معنا مو تسجلين وتهجين

أميره
ربي يحفظ لك النونو ولا عاد تطولين الغيبه

[نور العيوووووون]

هيوف الدم قد جاني بحملي السابق واخذت مثبت بس اهم شيء نصيحه خففي حركه ترى حمل بولحد مو زئي ثنين يعني قدامك تعب علشان كذا من الان ريحي على الاخر وخلي حركتك للضروريات كلها فتره وتحملي الله يسهل عليك ان شاء الله لاتحتاجين ربط ولا شيء

[Haif]

نور انا جاني الدم بحملي ببكري واستمر معي لاربع شهور و كنت اخذ مثبت بس والله صادقه الحمل باثنين مو مثل الحمل بواحد
وحركتي محدوده دوام و بيت اهلي بس بحاول اطلع لي إجازه

وربي يتمم لي و لكم على خير *

[نور العيوووووون]

ترى بنت عمي مثلك تؤام ومعلمه ومشاء الله من حملت اجازه تخيلي الاجازه من مدينة الملك فهد الطبيه وولدت فيه اتوقع ولدت بالاسبوع ال35 اوال34 وحطو بناتها في العنايه اسبوعين اتوقع مب اكثر يعني مدة بسيطه جدا بس بناتها في عناية مستشفى الحبيب على حساب المدينه الطبيه واذكر وحده كيلوين والثانيه كيلو وتسعميه واللحين اعمارهم سنتين وصحتهم تهبل اسم الله عليهم الله يحفظهم

[Haif]

هذا بحاول افتح لي بمستشفى الحرس علشان هالاجازات
مره تصير منه ومره من مستشفى الولاده
الله يسهل لي وييسر اموري يارب*

[ام سينا]

هيوف الف الحمدلله على سلامتك يارب ويالله يطمنك على الاجنه وهم باتم صحه دوم يارب ويصلحهم ويحفظهم لك قادر ياكريم
ولازم تريحي نفسك لانك تونز ومشاكلهم واجده ام الدلوعات الي حمل بواحد لاتريحون نفسكم كثيرخلو عندكم لياقه لانها بتنفعكم كثير بالشهور الاخير وبنفس الوقت تحافظون على رشاقتكم

انا عصلا ومع ذلك اخاف جسمي يخرب بعد الولاده فمضطرة اهتم من الحين وان ربي كاتب لحملي يثبت مابتنزله الحركه بس اتجنب رفع الاشياء

لذا انصحكم بعدم الجلوووووووووووس والنووووووووووم كثير خذوا كفايتكم من كل شئ بحدود

[ام سينا]

اموله هلا والله وانا اقول من الجديده وتعرفنا هههههههههه اثاريه انتي

ها والله


----------------

ام يارا الله يتمملك على خير ياااااااااارب والف مبروك

وضحكتني سالفت الهئية

==============
ام حماده الله يوفقك ياااااااااااااااااارب شدي حيلك وانتبهي عالنونو لاتتعبينه بالمذاكرة وتجوعينه

=====================

رنين كلنا هالغثيان عامل عمائل معنا

===============

اميرة هلا وغلا والله وينك يابنت مختفيه

لاتقطعين بالحيل عاد

[(( أم يارا ))]

الف الحمد الله ع السلامه هيفاء ..
والله يحفظ لك اللي في بطنك ويثبتهم يارب ..
حبيبتي انتبهي ع نفسك ونامي ع ظهرك دايم وحطي تحت رجولك مخده ..
انا كنت اسويها بالشهر الاول لانه نزل مني دم والحمد الله ماطول .. ريحت نفسي واكلت زين وبين الوجبات اكل فواكه ..
نور انا مقرره ان شاء الله اولد في مستشفى احمد ابانمي عند مخرج 9 مقابل لاسواق غرناطه .. مرره حلو وفيه اهتمام ونظافه .. انا لما سويت عملية تنظيف كنت عندهم ومره اهتمام ماشاء الله .. وكمان بنت عمي جربت الولاده عندهم ومدحتهم مرره .. تقول تخيلي غرفة الولاده لحالك لاتسمعين صراخ احد ولااحد يسمعك ..

[نور العيوووووون]

اول مره اسمع ابانمي شكله جديد ومسالة صراخ انا جبت ثلاثه ولاعمري سمعت صراخ وغرفة ولاده مستقله الا اللهم كتبو لي تنويم وسمعت وحده وانا بغرفة التنويم لكن وقت الطلق بغرفه خاصه وانا حكومي بمدينة الملك فهد الطبيه والله تجنننننننننن بس واسطه بس بسال عن هالمستشفى ان شاء الله يكون حلووووو اسمع ناس تتكلم فيه بس توقعت بجده مو بالرياض والحبيب حلووو بس حسيت زحممممممممه وعالم