ديوانية البحرين - دردشة حوامل البحرين - البحرينيات

[طفلي حياتي]

اي عدل كلام احلام ام رفيقتي مسكينه مثلش وكانت تستخدم الحلمات الصناعيين موجودين في الصيدليه وكريم ميبو بعد قريت عنه وايد زين ومكتوب عليه لتشققات الحلمه

[الفتاة الذهبية]

المشاركة الأصلية كتبت بواسطة حبيبة حسوني

فتاه هلا والله اشتقنا ليش من زمان ماتبينين مسامحه توني ملاحظتنش ماعندي حواس ومتضايقه

اني بعد اشتقت ليش

لا عادي

انتين طلعتين من الاربعين او بعدش؟

[حبيبة حسوني]

فتاه هلا والله اشتقنا ليش من زمان ماتبينين مسامحه توني ملاحظتنش ماعندي حواس ومتضايقه من هالمشكله عدل لاني بديت اكره الرضاعه والسبب الالم الفضيع الي ماتحمله والله ماخليت شي الا جربته وماخف التشقق والفازلين ماجربته لانه امي قالت ليي مو زين لاتمصه بتي لانه ماينشال من على الصدر بسرعه
طفطف لا اني ادخله في بوزها عدل وارضعها عدل بس مادري ليش هي حالي جدي
والله ماجدب عليكم يبنات اموووووووووت من الوجع حتى الصياح اصيح ويغشيني عدل حتى لين اتسبح وينزل الماي على حلمات صدري اموت من الوجع
غير هالسيم الي مادري متى بيطيح وغير وجهي الي منترس حب مادري من ويه والله العظيم قبل لا احمل وجهي صافي مافيه ولاحبه ومن حملت للحين وجهي منترس حب الي يعور ومايروح وحتى يوم حفيت خف شويه ورد طلع ليي شحنه ولا الجسم الي مقحلف والكرشه وتشققات الجسم ماظل فينا شي صاحي استغفر الله والله نفسيتي كلش تعبانه الامومه صعبه وضريبتها اصعب
الحمد لله على كل حال
يالله الله كريم ياربي ساعدنا وفرج عنا يارب

[حبيبة حسوني]

لا للحين يوم الثلثاء الاسبوع الجاي اطلع من الاربعين

[أحلام أم]

هلا مسامحه بنات ماسلمت عليكم كلكم شلونش أم آلاء وشلونكم كلكم
فيي نومة وهالحمووود يمشط في كشتي هلكني ماعنده شي يسوية
قولوا ليي ويش أسوي فيه طول اليوم لازم إيي أحبني وأحبة وكل حيين يسأل ماما تحبيني ؟
ولين ناداني أقول هاماما ،يقول ليي لويش ماتقوليين هاحبيبي وعمري
وكل شوي يفر ويهي ويباني أطالعه في عيونه مايباني لأنشغل عنه يسألني تحبيني وليين تمللت يصيح ويش أسوي قولوا ليي
صاير واايد حساس ويباني ياذهينه لاتنكتين

[حبيبة حسوني]

المشاركة الأصلية كتبت بواسطة أحلام أم

هلا
حبيبتة حسوني في حلمات يبيعونها في الصيدلية خاصة تحطينها على حلمة صدرش وتشرب الصغيرة عاادي للي يعانون من تشقق الحلمة روحي الصيدلية وسألي عنهم ،وأسمع يقولون مرهم ميبو واايد زين للتشقاقات مال الحلمة الله يعينش أذكر كنت أصيح وأني أرضع ولدي

هلا والله احلام ام هي اشتريتهم من اول مارضعت بتي لانه حلمات صدري اصلا مو بارزين وتالي اتاذيت قالو ليي لازم ارضعها من صدري ومن بديت ارضعها صدري متشقق عدل وامبي ارضع بتي مامبي اي سبب يكرهني في الرضاعه ولا ابي اقصر وياها

[طفلي حياتي]

هههههههههههههههههههههه احلام ام شكل ولدش يتابع مدبلج وانتين الضحيه هههههههههههههه ياعلي الظاهر اخوانه قايلين له بتروح عليك الدلع مو لك الحين بيولدون واحد ديد ورسخت في راسه وانتين الف مره اقول لش قبل لا يمللش ملليه وتالي بيتملل يعني قولي له حبيبي وعمري وتعال ياخلف طوايفي حسسيه انش وراه وراه بيستمل عدل جربي وبتشوفين شوي بتتعبين لكن تالي النتيجه زينه

[أحلام أم]

حبيبة حسوني
ماعلية حبيبتي لزم الوحدة تخترب من الحمل يعني الجسم يتشقق ويترهل ويقحلف وحتى البشرة تنعفس وكله أجر وثواب بعدين كل شي يتعدل بالرياضة والإهتمام شوي شوي بيرجع نفس ماكان كلنة جدية
ومثل ماقلت ليش إشتري الحلمات إللي تنحط على حلمات الصدر مباشرة ورضعي بنتش وإنتين ماسكتنهم وعابلي حلماتش بمرهم ميبو وياارب أزمة وتعدي غيري نفسيتش علشان فطوومة

[أحلام أم]

طفطووف
أولادي مأيدرون أني حامل بس بنتي قالت ليها خالتها الصغيرة وحتى لويدروون مايتكلموون كلش عن حملي يستحوون ولاييبون طاري له
سكتي أني أبادر بكلمات الحنان والحب إله زااايد سايح مرة وحدة ساعات أضحك من حركاته لاكن ويش أسوي في بيت أبويي يخلس مرة وحدة وأني أتغذى ويالجماعه يطب طبه يقول حبيني ويصيح إصياح يستعجبون منه يقولون حبية وفكينه
مانطالع مدبلجات
هيكو ألحيين زعلان يقول أماه ماأحبش طالعيني ،باقول لبابا يشتري ليي كمبيوتر إنتين ماتخليني يالله قومي

[حبيبة حسوني]

احلام ام اني مسويه عمليه وللحين الله وكيلش ماقدر انام على بطني الم مو طبيعي احس في شي ينشد ليي محل الجرح من داخل واحس كله بتمنيل فوق الجرح ويحكني عدل والحلمات عندي اشتريتهم من اول ماولدت بس قالو ليي ارضعها من صدري احسن لانه يعورني ازيد تنسحب الحلمه بشده ويعورني ازيد وكريم ميبو عندي للجرح عاطيني اياه بس اخاف احطه على صدري علشان لاتمصه فطومه ويدخل في بوزها استخدم كريم بيثادين واجد مدحوه صار لي سبوعين وشي استخدمه ولا اشوف فيه فايده