دردشة بنات فلسطين, دردشة حوامل فلسطين, تجمع بنات فلسطين

[غُمُوض أُنثَى]

اسوووم .. انا اكييييييييييد بتشرف فيكي حبيبتي
وان شاء الله لما انزل ع غزة نتعرف ع بعض ويصير بينا معرفة وزيارات احب ما عليا والله
:)) حبيبتي تسلميلي ياآآرب


عيون المهآآآآ ..

انا متل اسوم والله بعملها عالمولينكس ههههه
عنجد بتجيكو من مصر ؟!! يا الله نيآآآلكم احنا ما عنا هيك بالمررررة
اساسا ما بيعرفو الملوخية الورق بالمرة هما بس بعملوا البودرة
يلآ يآ ستي هاي كل شي بتلآقيه وانتي في بلد اجنبي :))

شايفة لانا كاشفاكي بدك تضحكي ع مييييين هههه

[غُمُوض أُنثَى]

عيون المها ..

حبيبتي اكيد موجود مطاعم لبنانية برشا برشا مو مطعم والا اتنين
ومطاعم سورية كتير برضو .. وفي مطاعم صينية وهندية
وفي المطاعم التركية ..

انا اكتر شي بحبهم المطعم السوري والتركي لانه شبه اكلاتنا كتير والشاورما التركية كتير طيبة

شايفة هينا تعرفنا ع بعض انا واسوم عقبال يارب ما نتعرف عليكو كلكو كتير بتمنى هالشي :)

[عيـ‘ـون المهـ‘ـا]

غموض
كل شي عنا موجود بالمحلات العربيه ~ و مستورد من مصر و لبنان و تركيا و المغرب و حتى المحلات الامريكيه
مخصصين اكتر من section للاكلات من مختلف العالم
متل سوبرماركت بس ضخم
زي ما تحكي عينات من مختلف البلدان
و بكون مكتوب على كل سيكشن اسم البلد انا بريطانيا على طول بجيب الشوكليت خاصة الكادبوري و المربى
و فلسطين حاطينها بإسم كوشير يعني اليهود
بجيب شغلات معينه

اهااا سألتك عن المطاعم
يعني التوانسه بجربو الاكل الشرقي
لاني بتصور اكلهم مختلف
و الله الاكل التركي زااكي ما جربتو ياااريت في عندنا مطاعم تركيه ]: بحب اجرب اكلات مختلفه غير عن المألوف

ياريت و انا كمان بتمنى انو يصير تعاارف شو يدريكي لعلو تصير فرصه و نتعرف على الجميع
هههههه شايفه لانا كاشفاني سبحان الله الطفل بعرف الطعم و بميز كانت صغيره يمكن 5 او 6 سنين
انا بناتي من هني صغار عودتهم على الاكل العربي ما عودتهم كتير على اكل الفاست فود و الامور هاي من بره
لانو اكيد افيد للصحه و انضف بضل اكل البيت

[سهى2012]

بينـــــــــــــك
كيفها سهى ~ ان شاء الله تكون بخير
كنت حابه اسألها شو صار معها بخصوص العمليه
قررت تسافر لتونس و إلا اجلت
المهم ياريت تسلميلي عليها اوكي
[/center][/QUOTE]

صباحكم مشرق بعد شتاء

حبيباتي اسعد الله صباحكم

كفيكم ياحلوين شو اخباركم ان شاء الله الجميع بخير

عيون المها انا بخير حبيبتي وبشكرك كتير لانك دائما بتسئلي عني وبتفقديني كل فترة حبيبتي انا لس باخد علاج لرجلي وعمليتي تم تأجيلها لاجازة نص سنة عشان اولادي ماراح اتركهم فترة الامتحانات وان شاء الله بعدها بسافر بس بلشت بأجراءات السفر وان شاء قريبا بنزل على تونس واكيد راح اعمل زيارة لغموض حبيبتي تانية كتير اشتقتالها وان شاء الله برجعلكم بخير وسلامة

جنى حبيبتي بتسلم عليكم كلكم صبايا

ماشاء الله عنها كبرت وخفت غلبتها عن اول كتير والف الحمد الله صحتها منيح وممتازة طبعا بعد ما صارت تاكل وكمان حلو بالموضوع ما تستغربوا مني يا بنات عودتها من شهر كيف تعملها على النونو الله يعزكم لانو انا هيك اولادي عودتهم ما بيصير عمرهم سنة بيكونوا خلص ما بيستعملوا الحفوضات
وهي شطورة جنى صارت ما ترضى غير على النونو ههههههههههه ضل تبكي لحد ما احطها عليها
وهيك رسخ بمخها ومابترتاح الا عليها يلا عقبال اولادكم ببيهات

جربوا صبايا متواجدين دائما بالبيت تعودوا ببيهات عليها من شهر الخامس عشان ما بيكبروا الا هما تخلصوا من حفاضات وسامحوني انا بكتب لكم عن هيك مواضيع بس عن تجربتي مع بنتي واولادي


تحياتي لكل لكل الصبايا

[~{{ DoDo }}~]

صباح الخير يا صبايا كيفكم

مبارح ما قدرت اسهر كنت تعبانة طول اليومين اللي فاتوا طلعات ولفلفة

ام جودي ولولو
قبل ما انسى كل سنة وولادكم سالمين يارب والعمر كله انشالله حبايبي

مسك
كل سنة وانتي سالمة وعقبال العمر كله يارب
وانشالله بتشوفي وليد عريس وبيهديكي وبيحتفل فيكي

عيون المها
شهيتوني عالاكل هههه
احنا كمان هون بدبي مرات بنفقد شغلات معينة بالاكل متعودين عليها
مع انه بلد عربي بس مختلف طبعا بكل شي
المنسف انا عملته مرة هون اجاني جميد من صاحب اخوي من الاردن جميد كركي
وكان كتييييييير زاكي انا بحبه كتير وماما دايما بتعمله مع انه اهل غزة ما بيعملوا
بس لانه انا اهلي ابوي من الاردن عشان هيك بنحبه وبنعرفه

غموض
بتعرفي انا كمان بجيب السماق للمسخن من غزة
بخلي ماما تبعتلي لانه غيييير اي سماق تاني
حامض وزاكي كتير
والله جاي عبالي اعمل مسخن بس لازم اجيب الخبز تبعه
لانه هون بدبي صعب تلاقي خبز المسخن بسهولة

بينك روز
سلامتك حبيبتي بيروح الشر عنك يااارب
والله يهديلك رهوفة ياااااارب ويخليلك اياها

انبثاقة
حبيبتي عسى ان تكرهوا شيئا وهو خير لكم
ولا يهمك حبيبتي الله كريم

حيفا
لما تغيري الشعرات ورجينا اياهم ونعيما سلفا

احساس
زكرتيني بالملفوف عندي راس ملفوف
كنت ناوية اعمله اليوم بس اكتشفت انه ما عندي لحمة مفرومة
ومكسلة صراحة افرم من اللحمة القطع الي عندي


باقي الصبايا
جارة وعسولة وسهى وام عزمي الغايبة عنا ولولو الفلسطينية وام عمرو وام عمر
انشالله كلكم بخير

عسولة وغموض وحيفا وانبثاقة
انشالله تفرحونا بحملكم قرييييييييب يارب وتيجوا تبشرونا وحدة وحدة حبايبي

مفكرة اعمل مجدرة جاية عبال زوجي وزمان ما عملتها
انا بعمل معها صوص بندورة حراق وطيب

يسعد اوقاتكم

[em3omar]

صباح الخير لكل الموجودين والي مش موجودين
ان شالله تكونوا كلكم بخير يا رب
قرات بعض دردشاتكم ما شاء الله لا قوة الا بالله مش مقصرين حكي
متزكرة انو حيفا بدها تصبغ شعرها وبدها صالون بالقدس
انا بعرف في صالونات كتير كتير جاكلين الي قالتلك عليها جارة كتير منيحة واختي دايما بتعمل عندها
وبعرف فايزة شاطرة بالصبغة كمان
بس الي شاطر كتير كتير بالصبغة جميل سمارة بس اذا بتقبلي رجال يعملك بعرف انو في عندو بنات بيشتغلو ممكن هم يعملولك على كل حال هو موجود بالقدس البلدة القديمة اذا بدك بجيبلك عنوانو
بس بدي اسال اذا حدا بيعرف انا كمان اسبوع بدخل بالتاسع يا صبايا بينفع اصبغ هلأ ولا في خطورة
نفسي يكون منظري مرتب وانا اولد فكركم في امل ولا لازم الوحدة تبين زي الغولة بالله احكولي شو بنقدر نعمل عشان نرتب شكلنا شوي بهاي اللحظة

[حيفا]

صباح الخيرات

كيفكم شو اخباركم

ام عمر حبيبتي يسلمووووو ، جميل سمارة بعرف كتييييير شاطر بس رجال ما بنفع هههههههه
اظن انه الصبغه للحامل مو منيحه بالاشهر الاولى ، ما بعرف فيكي تسألي دكتورتك ، بس انه تكون مرتبه خلال الولاده هاد صعب مع كل الوجع والمعاناة ههههههههه
المهم انه بعد الولاده تكوني مرتبه ، وتلبسي حلو ، بشوف والدات بكونو متل الشحادين بلبسهم ما بعرف ششو علاقة اللبس البشع بالنفاس هههههههههه

[beboo]

صباح الخير صبايا كيفكم وشو اخباركم..؟
وكيف الشتوية معكم ..؟

[لولو حمادة]

مسا الخير

عيون المها لا مابدي انزل على الصيف الجاي

انا بخرط الملوخية على الخلاط اريح واسرع
ومرات بعمل المجمدة اسهل واسهل هههه


غموض كيف بتعملى الملوخية الناشفة اصلي عندي ملو خية ناشفة مش عارفة اعملها


دودو في بالامارات جميد صلب وكمان في سائل وكمان في سماق حب ومطحون

بينك سلامة ايدك

ام عمر الصبغة والفرد مش مليح للحامل
بس بنات عمي وهن حوامل فردن شعورهن الدكتور حكى لبنت عمي عادي مابيضر غريبة صح


انبثاقة ان شاء الله الشهر الجاي تحملي
عندك ضعف مبايض ؟

[إنبثاقة أمل]

يسعد مساكم

شو أخباركم


لولو لا ماعندي الحمدلله

تحاليلي انا وزوجي سليمه .. الحمدلله

ربي لسه ماكتبلنا ان شاء الله يكرمنا قريب وما يطولها علينا