تجمع حوامل ليبيا

عيون زوجي · 12-03-2011, 04:00 AM

ميرااااااااس....القلوب عند بعضها انتي الغاليه بجديات نحبك من قلبي وغربتك الاخيرة والازمة وحالة ولدك قرباتك اكتر من الايام يلي قبل الازمة
انتي الاصل وايه ما تقصدش النت قصدها على الواقع الرسمي مشاوير وطلعات وزيارات
اكيد احنا صديقات يلي نحكي فيه هنا ما نحكيش فيه برا بنفس العفويه

عيون زوجي · 12-03-2011, 04:05 AM

انا قاعده
بخصوص سارة قعده بشمالها ونحساب روحي غير اني نعاني توا ارتحت لما لقيتك زيي
حاولت معاها في الصيف الفات ما طاوعتنيش وعنايديه
واجلتها للصيف الجاي زيك
بس اليوم اخت مرت خوي بنتها عمرها سنتين بس تخش للحمام بروحها عجبتني وسهفتني تمنيتها سرو
للعلم انها ما ترضعش من عمرها عامين وتقولي يا ماما بندير ككا حاشاكم بس ما تباش اتقعمز عالمرحاض ولا محبسها بكل بكل

ღॐ آية ღॐ · 12-03-2011, 04:07 AM

ميراس ياغاليه كيف حالك ومنورة التجمع
انا قلت اني نحبكم كلكم في لله والله
وانتي والله غالية ونسال عليك وامس والله مخليه
مكانك ومكانك كبير ... ميراس للأسف احني في ليبيا
عندنا نسبة كبيرة متخلفه في تفكيرة ومعاقة في نضرتها للأمور سا محوني
بس والله تفكير الكثير منا سطحي ..ومنقدروش الحالات الخاصة وذوي الاحتياجآت الخاصة
بس انتي مشاء الله عليك متعلمة ومنفتحه واسلوبك بجد يبان عليك متحضرة
ميهمش تفكير الناس يهمك في وليدك ربي يحفضهولك يااااااااااااارب
وربي مختارلك الاجر وهو رح يكون سبب دخولك لجنة من اوسع ابوبها
بيه ..

عيون زوجي · 12-03-2011, 04:09 AM

شكلكم رقدتوا امالا تصبحوا على خير نتلاقو غدوة بأدن الله سلاااااااااااااام

عيون زوجي · 12-03-2011, 04:12 AM

ايه رجعتي..........
نستأدنك يا احبيبه اليوم نايضه بكري وينعس فيا النوم
بوسي اسوله وايوب غدوة الصبح

عيون زوجي · 12-03-2011, 04:13 AM

ميراس تبي انسموك نوارة التجمع............
نستأدنك تصبحي على خيرررررررررررر

ღॐ آية ღॐ · 12-03-2011, 04:14 AM

هدا شي عادي عيون احني مشاء الله 7 بنات و6 ولاد
ماما قالتلي مافيش حد فيكم نحيتله الشمال قبل سناتين كلنا بين سنتين وتلاته
والحمد لله ...شكلي بنطلع لي امي ...
حتى ايوب شريناله محبس حاشكم ووالله مابي يقعمز فيه قعد جديد مدايرة كرسي في دارة ويلعب بيه ..وبرضو اكرمكم الله محبس الحمام يعيط من لما نحطة عليه ...بالله كيف بنقدر نعلمه
وهو هكي ...ياحي لصيف انا وانتي نريحو عمرنا لين يكبرو

ღॐ آية ღॐ · 12-03-2011, 04:28 AM

وانتي من اهلة عيون ::
ميراس وينك ؟؟؟؟قعدة ولا رقدتي ؟؟

ميراس · 12-03-2011, 04:31 AM

انا نبصر علي اية ياعيون دايرتهولها بالجو لكن والله كلكم عز مانعرف والله يابناويت كل يوم نتعلم في حاجة منكم وحتي معاملتي يوم عن يوم تتغير وانشاالله ربي يعاوني علي هالحمل وتعرفوا والله ولدي هدا عندي في كفة وباقي العيلة في كفة ماعنديش معاه روح تعرفوا هو دنيتي كلها ومانحسش فيه انه عنده شي بالعكس

ميراس · 12-03-2011, 04:33 AM

شن يااية قاعدة مكسدة