دردشة بنات فلسطين, دردشة حوامل فلسطين, تجمع بنات فلسطين

[عيـ‘ـون المهـ‘ـا]

حيفــااا يا أمر
اهاا عجبك هاد اللون ان شاء الله راح اعملو مع خصل اكيد [:
اعمليه اذا بناسب لون بشرتك
نحنا شعرنا كثيف و قوي وراثه عن امي و ابوي امي كانت شعرها كتير طويل و غزير لدرجة تحكي انها كانت تدايئ من خملو و هي صغيره وضل ورا تيتا بدها تقصو
يمكن برجع السبب لطبيعة بصيلات الشعر عندك. كتير في ناس بوصل شعرهم لطول معين و بوقف فما بيعود يطول كمان ~ سدئيني اهم شي التغذيه السليمه
و العنايه و انا كتير بدلل شعري و احيانا بغلي بابونج و بخليه يبرد
و بشطف شعري فيه او في اخر شطفه بحط نقط ليمون
في ماسكات طبيعيه للشعر جربي استعمليها

[احساس أنثى]

ياسلام. عليكي ياعيون المها بجد انتي جدعه بحب الست يلي بتهتم بحالها وعندها عيال :)

غموض انا اليوم لسى وصلت معي للجرابين والترنج الشتوي هههههههه كنت بالنص كم

[حيفا]

غموض ان شاء الله هالتأخيرة فيها الخير يارب اللي والك وللجميع
انا من يوم تزوجت وانا احاول احمل ، بس ربنا لسا ماراد :)

احساس صحتين ع قلبك ، ومساكي اخضر ، حااابه كتير اعمل خصل ، ما بعرف يمكن ارجع اغير راي ههههههههه

عيوون ، والله اللون من زمان ببالي بس انا قمحية ما بعرف بلبقلي او لاء ؟؟
بالنسبه للعنايه بالشعر دايما بعملو حمامات زيت ، يعني كل اسبوع تقريبا ، زيت خروع وزيت زيتون وزيت اللوز ، بس انا هيك طبيعه شعري

[احساس أنثى]

تفضلو تعشو معي هامبرجر من اللوتس جاهز :)

عيون المها مطعم اللوتس الو عندكم بامريكا فرع فاتح بتعرفيه ؟؟؟؟

[لولو حمادة]

مسا الخير لاحلى صبايا

كنت ملتهية عنكم زوجي كان معطل طلعنا على الكرنيش وشوينا اللحمة ويم الخميسشويت سمك بالفرن تزكرتك ياغموض بتحبي السمك المشوي
واليوم طلعت شريت ملابس لاحمد علشان عيد ميلادو يوم 10\12 وبدي اشتريلو عجلة ومحمد اسم الله عليه صار 8 شهور

احساس طعميني ملفوف بحبو كثير

حيفا لمن تصبغي شعرك ورجيني اللون
انا عمري ما اكلت المنسف شريت جميد صلب قبل شهر ولهلا ما جربت اعمل


ام جودي عقبال 100 سنة لمحمد القمر كيف الحفلة يمكن اسرق منك افكار

غموض وعسولة وحيفا وانبثاقة يارب تحملو مع بعض وتوائم

عيون المها كيف ادم
صحيح بناتك بيدرسو بمدارس عربية

جارة شغلك كثير ممتع


ام عزمي مفقودة

[عيـ‘ـون المهـ‘ـا]

المشاركة الأصلية كتبت بواسطة احساس أنثى

مساكم سعيد كيفكم جميعا

ماشالله عليكم مدردشين دردشة نسوان حلوه
ان شالله كلكم ياصبايا تحملو مع بعض ياسلام ما احلاها يارب ياكريم يستجب دعاكم كلكم

ام عمر بتحبي الملفوف !! ياسلام بهالجو مع لمون بشهي يمي يمي انا اكلت منو لماانفزرت ههههههههههه عشان طول الشتا ماعملناه :)

عيون المها جد اللون العسلي حلو كتير اعمليه ياحيفا وبلا الخصل اذا متعوده ع الخصل غيري واضبغيه كلو متل الصوره وبلا الخصل

عيون المها متى بديتي تعطي ادومي الرز المطحون انا بين ابني وابنك اعتقد شهر او أقل انا زوزو بدا ع 19 الشهر بسير اربع شهور بفكر اعطيه من هلا الرز المطحون
ولا بيضر ؟؟؟ عشان الرز نشويات ؟؟؟ ع فكره زوزو بحب الاكل شكلو :) اسم الله عليه مره طعمناه الكاكا وشوية لبن يعني بتقبل لهيك مفكره اعطيه الرز من هلا

يسعد مساكي~ هاد انتي متلي كتير بحب الملفوف و صاحباتي بطلبوه مني
لانو الي نفس طيب على طبخه و بكتر عليه توم ييييي يا احساس شهتيني عليه
خلص ان شاء الله من ضمن طبخاتي راح يكون هالاسبوع
اهاااا اقل من شهر بين ادم و زيااااد و انا بديت طعميه اياه على 3 شهور او اكتر شوي بس اكيد بدك تعمليه سائل شوي مو جامد كتير~ عاادي ما بضر ابدااا هون معظم الامريكان ببلشو فيه على الاسبوع السادس بحطو مع الرضعه
صحه و هنا على قلبو هاد متل ادوم كمان ادم تئبل الاكل بسرعه و هلآ عاملو نظام غذائي شو اطعميه كل يوم

[عيـ‘ـون المهـ‘ـا]

احساس
صحتين على الهامبرجر فيه العافيه
اكتبي اسم المطعم بالانجلش احيانا اللفظ غير عن الكتابه[:
لــــولــــو حمـــاده
عيد ميلاد سعيد لآحمـــــد عئبال الـــ120ــــ
الله يخليلك ايااااهم الحلوين و تشوفيهم عرسان
ادوم بخيـــر حبيبتي تسلمي على السؤال
بالنسبه لبناتي حاليا هني بمدرسه امريكيه
لانو ما في مدرسه عربيه بمنطقتي بس السنه الجاااي ان شاء الله راح انقلهم لمدرسه سمعت راح تفتح قريبه علينا
مدرسه عربيه ~ المنهاج واحد بس راح يكون حصه وحده عربي انا درست بناتي عند مدرسه خصوصيه عربي عشان يعرفو يقرأو قران و الحمد لله هلآ بعرفو عربي
صحيح احمد ئديه صار العمر كلو يارب ؟

[لولو حمادة]

احمد بيصير عمرو سنتين
منيح انك درستيهم عربي
بتحكي معهم عربي بالبيت ولا انجلش

[بينك روز]

مسا الخير
مافي حد سأل عني يا عطلين
زعلانه منكم
الي خمس ايام غايبة ماااااااااااشي

[عيـ‘ـون المهـ‘ـا]

العمر كلو يااارب الله يخليلك ايااهم
لآ ... اكيد معظم كلامي بالعربي معهم بس احيانا
بحكي بصراحه معهم انجليش *-^
بس مو دائمـــاً
ناويه تنزلي ان شاء الله على غزه الصيف الجاي