ديوانية البحرين - دردشة حوامل البحرين - البحرينيات

[الفتاة الذهبية]

ام حماني
وايد حلوين المدخل والتوزيعات والستاند
روعه ما شاء الله

[الفتاة الذهبية]

انا افكر اسوي التوزيعات بشغل يدي
خخخ مصدقه عمرها
انزين اذا شريت الاغراض وكملت الشغل ان شاء الله راح انزل لكم الصور

[حنين للماضي]

السلام عليكم
شخباركم حبايبي؟؟

اليوم سويت تحليل السكري
لأول مرة في التاريخ ماصادني شيء يمكن لأن ماخبرت بيتنا
كل مرة من أبي أسوي تحليل يذبحوني لاتخافين ولاطالعين والف توصيه عاد هالمرة قلت بروح ولابقول لأحد والحمدلله افتكيت

فتاة حبيبتي انتي بعد وحشتيني
من زمان ماتبينين؟؟


على العموم حبايبي راح اترككم لمدة اسبوعين
مقدمة على شهادة امتحانها راح يكون تاريخ 23
مستقبلي المهني يعتمد على نجاحي في هذه الشهادة
ارجو من الجميع لاينسوني من دعواتهم
وان شاءالله عقب ما افتك من الامتحان برد ارجع لكم نفس قبل
تحملوا في روحكم وعسى ربي يدفع عنكم كل سوء

[طفلي حياتي]

اهلين روز هلا فيش شخبارش وشخبار قرعتش؟؟ ان شاء الله مارفستش وايد هههه
حيى الله الفتاة الذهبيه اليوم على بالي شخبارش ؟؟
حنين الماضي اهلا فيش وسهلا وان شاء الله موفقه ونتيجه ممتازه يارب
باقي البنات ام عايشه واحلام ام وام حماني وفلونه وام خلي وبنوته وبنت الاياويد امممم يارب مانسيت احد شخباركم اليووووووووووووووم
اني بخير وانتظر رفسه من اللي فبطني جان استانس يمكن حسيت ولا افهم ان هذي حركه لان ساعات احس في شي يشتغل في بطني بس ماعرف ويش هيهيهيهي ان شاء الله حركة البيبي

[طفلي حياتي]

ابغي بسرعه اصير في الخامس وابدأ اتشرى

[om khalil]

طفلي حياتي
ماقدرت اقعد الا البارحه قبل الـ 12 وانتين ماكنتين موجوده، واني بعد استغليتهم ابو 25 بالذات انه يبي لش اكثر من واحد، اني ببتي اخذت 3 مفارش، وخشيتهم لولدي، والحين يبي لي اخذ واحد. واذكر من السعودية اشتريت الطقم كامل عفر ب 7 دينار.
وبقولش شي بستانسين عليه تصبيره هالشهر روحي مذركير دام عندهم تخفيضات اشتري عن خاطرش شباحه وحده وعاد نامي بها هههههههه. اني اتذكر ببتي اول قطعه اشتريتها عفر في الرابع، مامداني اخشها كله في ايدي طول الوقت اطالع التلفزيون لو بانام لو عند الكمبيوتر وهي على صدري هههههههههههه.. كنت وايد استانس فيها وسبحان الله هونت عليي هالشهر وايد، ومن دشيت الخامس تطمنت على روحي زالت اشهر الخطر على طول بديت اتشرى والحمدلله. عاد وقتها يا شايله يا حاطه لا مجفسه يا مبطله ههههههههه

فلونه
ان شاءالله تتوظفين واهم شي ماتاخذين لون اصفر لانه مو زين للياهل.

الفتاة الذهبية
انتين بعد لش فيّه وايد زمان على طبخاتش هههههههههه

حنين الماضي
ان شاءالله مافيش سكر والله يوفقش ان شاءالله وتحملي بروحش.

بقية الحلوات ان شاءالله كلكم بخيرررر

[طفلي حياتي]

اني تقريبا البارحه وقت اللي دخلتين فيه اني تصفحت وشفت هدوء وطلعت وبندت النت شكلي اني اطلع وانتين تدخلين
اني بشتري اي شي اشوفه في ويهي حتى لو جيس حفاظات

[طفلي حياتي]

ام خليل ملاحظه شي على التيكرات مال الحوامل كله يخلون الججنين اقرع يعني مايقولون بيتفائلون يحطون لو الا صوفتين ههههههههههههههههه

[om khalil]

ههههههههههه اهم شي مو تجودين لش ثياب ابو 0-3 وايد لانه الياهل حده شهر يلبسهم.

[طفلي حياتي]

ديه هربت الكريهه ماتنصاد ما اشتريتين شي من المفارش فرصه شايفتنهم دان اخذتين واحد لفرحتش اني اليوم اسمي اللي في بطني فرحه اقول لريلي تعال شوف فرحه اقصد اللي في التيكر الا يقول جي بتسمينها فرحه ههههههههه قلت له لالا فرحة عمري