دردشة حوامل أهل الرياض - دردشة بنات الرياض - تجمع حوامل الرياض

[دلوعة عبودتي]

السلام عليكم اخت كادي انتي موجودة

[زهــــور]

يووووو فديت الاموره هاااااااااذي يلووومني فيك يااحلى كادي

الله يسعدك يارب ويخلي زوجك لك وتملى عينه ولايشووووف غيرك

طوووول عمره ..

وربي يعينك ان شاء الله ويكتب لك الاجر

والاطفال حلوين اذاكان عندك شغاله ودام هاذي رغبته

الله يخليكم حق بعض

طيب كيف تقولين محافظه على نفسي

قصدي على ترهل الكرش

انا خايفه بعد الولاده تطلع لي كرش

ومااعرف شي

منكم نستفيد .تكفين لاتبخلين على خااايفه من الكرش هههههه

[لوووورا]

كــادي الله يخليك لهم يارب البرازين عندنا وعندك خير بشقاء انا ولدي واحد بطير شعر راسي تسمعين صراخي بسببه ماتصدقين يقول زوجي واهلي ارحمي اللي بطنك وش اسووي ماعاد فيني اعصاب يشيخه ابد والله تعبت واحس هو زاد الشقاءيوم حس اني حامل مادري غير ولا شو
ياقلبي عليك كادي صر اتحمس ادخل التجمع الرياض عشانك وهـ فديتك وين ساكن بالرياض انا بالبديعه عن مستشفى سلمان
وش اخباركم كرووووشات من غير ذكر اسماء


الله يوفقك زهووور قلبي يارب

[~*جْ ــوَلىْ*~]

مراحب كروشات

اخباركم
انا امس كان موعدي عند المتابعة وتذكرون قبل قالت لي الدكتورة عندي تجمع

دموي بالمشيمة مبينة بالاشعة بس الحمدلله طمنتني وقالت مانها خوف هذي بس ضربة خارجية

زي الضربة على الجسم بس لا اكثر

الحمد لله وهالشهر بتصير متابعتي كل اسبوعين

[~*جْ ــوَلىْ*~]

المشاركة الأصلية كتبت بواسطة لوووورا

كــادي الله يخليك لهم يارب البرازين عندنا وعندك خير بشقاء انا ولدي واحد بطير شعر راسي تسمعين صراخي بسببه ماتصدقين يقول زوجي واهلي ارحمي اللي بطنك وش اسووي ماعاد فيني اعصاب يشيخه ابد والله تعبت واحس هو زاد الشقاءيوم حس اني حامل مادري غير ولا شو
ياقلبي عليك كادي صر اتحمس ادخل التجمع الرياض عشانك وهـ فديتك وين ساكن بالرياض انا بالبديعه عن مستشفى سلمان
وش اخباركم كرووووشات من غير ذكر اسماء


الله يوفقك زهووور قلبي يارب

هلا فيك لورا بصراحة بعذرك يختي مدري وش فينا على العصبية

انا بنتي مسكينة اعصب عليها بسرعة ومره ضربتها ويوم نامت جلست اصيح

ساعتين وزوجي طب فيني حرام عليك تراها صغيرة وشلون سمحت نفسك تسوين فيها كذا

وكان يوووم كئيب بس ماعاد عدتها

[لوووورا]

الله يعين لاتلوووومين هم يجبون الضرب لنفسهم الله يعينك ويعين ل ام
والله تعب الحمل وعندك طفل يارب معنات بس الحمد الله على كل حال
اكثر مشاكلي انا زوجي بسبب الضرب

[كآدي]

المشاركة الأصلية كتبت بواسطة دلوعة عبودتي

السلام عليكم اخت كادي انتي موجودة

وعليكم السسسلام ورحمه الله وبركاته ... يا مرحبآ يا مرحبآ دلوعه عبودتي

منوره فديتك .. انا من الان موجوده لحد الفجر بس انتي تدللي وتدلعي بس ها المره مو تدلعين على عبودي
تدللي على كآدي

[كآدي]

المشاركة الأصلية كتبت بواسطة زهور الورد

يووووو فديت الاموره هاااااااااذي يلووومني فيك يااحلى كادي
وه وه وه وه وه ترا وربي انا ما اتحمل بستحى وبتبين فيني علامآت الخجل بعدين ما عاد متحركه من مكآني ههههه
فديتك يا روح روح كآدي


الله يسعدك يارب ويخلي زوجك لك وتملى عينه ولايشووووف غيرك

طوووول عمره ..
آآآآمين ويارب لك بآ المثل ( يازين دعوتك والله طالعه من لسان يقطر عسل ويد كل سكر وحلى )

وربي يعينك ان شاء الله ويكتب لك الاجر
امين يارب لي ولك ولجميع الامهات

والاطفال حلوين اذاكان عندك شغاله ودام هاذي رغبته

الله يخليكم حق بعض
اامين يا قلبي يا جعلني فدوه لك

طيب كيف تقولين محافظه على نفسي

قصدي على ترهل الكرش

انا خايفه بعد الولاده تطلع لي كرش

ومااعرف شي

منكم نستفيد .تكفين لاتبخلين على خااايفه من الكرش هههههه

انتي بس خليك قويه ولا تخافين با النسبه للكرش بقص لك قصتي لاني يمكن اقولك طرقتي وما تناسبك شوفي يا قلبي
انا من قبل ما اتزوج وانا فيني عين ما احب اكل واجلس مع اهلي على سمآط ولا سفره
واذا جعت اكل بروحي المهم تزوجت واول 3 شهور من الزواج ما يطب بطني الا المويه والشبس والايس كريم وزوجي يآكل مع اهله كنت نحيفه المهم حملت ومن اول يوم حملت كنت استخدم زبده الكآكآو من با المرز كل شهر اخلص علبتين ادهن صدري وحلمآت الصدر << اهم شي عشآن ما توجعني لانهآ مع الحمل تعورني وبطني وظهري ورجولي حتى اردافي ادهنهم وعلى هذا الحآل لمآ ولدت بعد الولاده جآني اكتئآب ومير صرت اعاف حتى نفسي مو بس الاكل واكل با الغصب بس سري في النفآس قبل ما احط راسي انآم اشرب كآسه شآي ضيآفه لتخفيف الوزن وعاد الله لا يوريك اصحى الصبح على مغص اركض للحمآم يطلع كل الدهون والاكل من بطني وعلى هذا الحآل لما طلعت من النفآس طلعت من النفآس وزني 40 البطن لآآآآآآآآآآصق في الظهر وفي نفاس بنتي لا كآني تحسنت شوي وصرت اكل بشكل طبيعي بس قبل انآم اشرب كآسه شاي الضيافه هو مثل الحله يحل بطنك لين يفضى واذا طلعت من النفاس اشرب كاسه شاي بعد كل وجبه دسمه مثل الغداء انا اكتفي اشربه مره وحده في اليوم لاني ما اكل كثير واحيانا يمر يوم بدون اكل وجبه دسمه بس اني احب اكل بطاطس مقلي كرسبي ورق عنب هذي الاكلات وبعد احب اكل الاكلات الشاميه
وادور على سور بيتي كل يوم ..ودائما اشفط بطني اشد عضلاته حتى وانا اصلي اشفطه اشده ادخله على جواء وبس هذا اللي اسويه وضابط معي الزبده
مشي + كاسه شاي الضيافه لانقاص الوزن + شفط البطن لجواء = بطن لاصق في ظهرك
واذا حملت ادمان على كريم زبده الكآكآو وترا فيه كريم ثاني استخدمه معه ريحته شكولاته من نفس ماركه با المرز اسمه( تركيبه زبده الكاكاو مع فيتامين هـ منعم وملطف للبشره الجافه ملطف لعلامات الجلد ) مره ممتاز هذا استخدمه على كامل جسمي حتى وانا مو حامل لاني جربت كل شي كل شي ما نفع ولا كريم جاب معي نتيجه مثله والله كل كريمات نكتار وزهور الريف ومنتجات نيفيا وفازلين ما تساوي ذره قدامه يخليك مثل الاسفنجه وترا بعد مع كثر الاستخدام يبيض هو بعلبه مدوره لونها ابيض وريحته شكولاته فضييييييييييع انا مناسبني ومرتاحه عليه بس والله مدري اذا بيناسبك انتي جربيه موب غآلي بـ 36 ريال من الصيدليه ودهني جسمك بعد الحمام وهو رطب عاد تبين تحطين اي نوع من بودره الجسم براحتك والله يا قلبي هذا اللي استخدم وللامآنه ربي يشهد ما كذبت عليك في كلمه انتي جربي لمده شهر اذا ناسبك ادعي لي ... والله يا بنآت انا انصحكم لا تستخدمون الكريمات العطريه بعد الحمآم لانها تسمر وتبهت الجسم من تجربتي وترا كل جسم نوعه يختلف عن الثآني او فيه بعض الكريمات تسوي مثل الطبقه على جلدك
وبس
ويارب كل وحده تستفيد تدعي لي ربي يتتم حملي ويخللي زوجي وعيآلي وكل شي جربته او اعرفه بكتبه لكم بآآآآآآآآآمآآآآآآآآآنه

[شوق جدة]

كيفكم كروشات ؟؟؟؟؟؟؟؟؟؟؟

ماشاءالله عليكي كادي عندك إصرار وعزيمة على الكرش..

تصدقي قبل زواجي حاولت أنحف نفسي بس ماقدرت .كان وزني 59 وكان زواجي قبل رمضان بإسبوعين ..طبعا من الفرحة ولسه ماتعودت على الوضع سافروا أهلي وكانت أول صدمة لي وثاني صدمة رمضان وثالث صدمة الحمل..نزلت 8كيلو بشهر...وأنا لما يزيد علي شغل البيت نفسي تنسد ولاعاد آكل ..لما نزلت عند أهلي الشهر اللي فات إنصدموا من المنظر العجيب لبنتهم...الحين صرت أنحف من أختي اللي مومتزوجة ..الفرق اللي بيننا الحمل..
((وأخيرا بكرة رايحة مراجعة بالمستشفى..أهلي جابوا فيمتو وتمر وضروري أخلصه اليوم ويارب الدم يرتفع..وتروح مني الجرثومة))
إدعولي

[كآدي]

المشاركة الأصلية كتبت بواسطة لوووورا

كــادي الله يخليك لهم يارب
اااامين يا قلبي
البرازين عندنا وعندك خير بشقاء انا ولدي واحد بطير شعر راسي تسمعين صراخي بسببه ماتصدقين يقول زوجي واهلي ارحمي اللي بطنك وش اسووي ماعاد فيني اعصاب يشيخه ابد والله تعبت
حاسه فيك يا قلبي بس لا تعصبين اختي كانت تعصب وتطق عيالها طق موب طبيعي وتحسبينهم يتادبون لا والله يزيدون عناد فوق العناد يعني ولا يهتمو
واحس هو زاد الشقاءيوم حس اني حامل مادري غير ولا شو
يا مالك من الغيره بس الحمد الله على كل حال وحاولي تحسسين الكبير بحنانك اكثر بس مو معناه تخلين الصغير حاولي تكسرين قلب الكبير على الصغير حاولي تخليه يرحمه قولي مسكين صغير انت كبير ساعدني اعشل رضاعه اخيتك ارفع بطانيه اخيتك كذا اكسري قلبه عشان ما يغار واذا كبرت بنوتك حاولي تعدلين بينهم حتى في ظرب اذا صارو مخربين سوا واذا حسيتي انك بتنحازين مع واحد عشان الحق معه اخذي العبه وارفعيها وقولي عقاب لكم كلكم طبعا اذا كبرتك بنوتك بس مدامها صغيره اكسري قلبه على اخته وفهميه قولي شوف بابا يحبني شوف بابا يجيب لي هديه انت لازم تحب اختك وتجيب لها هديه مثل كذا انا هذي طريقتي مع عيالي بذات مع ولدي الكبير الحين يروح للروضه ويجيب4 حلاوات مصاص يقول يا ماما هذي لنور اختي وهذي لك وهذي لداد اللي في بطنك وهذي لبابا ..على بالي اخليه يحس با المسؤوليه وافرح عاد انا بالحلاوه يعني عشان احسسه باهميته.. خخخ
ياقلبي عليك كادي صر اتحمس ادخل التجمع الرياض عشانك وهـ فديتك
بوووسه لك والله يخليك لي ولكل غواليك عساني فدوه يارب لسعادتك لا خلآآء ولا عدم يا روحي
وين ساكن بالرياض انا بالبديعه عن مستشفى سلمان
وربي انك منوره الرياض يا فديتك وفديت البديعه اللي انتي ساكنه فيها انا مو من الرياض انا ساكنه مؤقتا خارج الرياض في مثل القريه الصغيره تبعد عن الرياض ساعتين بس ان شاء الله اذا استقر وضع زوجي بنقل لرياض او جده
وش اخباركم كرووووشات من غير ذكر اسماء


الله يوفقك زهووور قلبي يارب

وانتبهي لنفسك ولا تعصبين المهم لا تضربين بقولك طريقه من الطرق اللي اتبعها مع عيالي نظرات الرضا ونظرات الغضب بدون كلام بس خلي عيونك في عيونه وربي مع تكرار بيصير ولدك يحسب حساب لنظرتك طبعا مع العقاب اللي هو احرميه من اي شي يحبه لما يطيع كلامك ثم عطيه
لان صعبه بتضربيه قدام الناس بيصيرون بعد يضربونه عادي مثلك وما راح يقولون انهم ضربوه وربي صايره معي ضربت ولدي عند خالتي وعيالها وشافوني عيالها والبزران يلعبون يجي ولد خالتي وبضرب ولدي لين قال ربي الله وولدي ساكت ما علمني ما دريت الا من بنت اختي يوم راحو والله انقهرت يوم نزلت من قيمه ولدي قدام الاطفال صآرو يضربونه عسى ماشر

والله يخليك ولدك وتتشوفي بنوتك وربي يتمم لك خير يا الغاليه
اترجاك وابوس راسك رفع الصوت والضرب ما ينفع عليك بنظرات والحرمان والصبري والله يجازي صبرك خير