دردشة بنات العراق, دردشة حوامل العراق , تجمع بنات العراق

[المغتربه المتفائله]

المشاركة الأصلية كتبت بواسطة زهرة النرد

مرحبا بنات شلونكم
ان شاء الجميع بخير
حبيباتي حبيت اسالكم من مرت بمثل حالتي

اني حامل بالشهر الثالث وتنزل عندي افرازات خضراء وصفراء
سوتلي الدكتورة تحليل ادرار اجلكم الله وطلعت عندي بكتريا وااطتني كبسول
وسوتلي مسحة وطلعت المسحة نظيفة
ولحد الان مستمرة عندي الافرازات الخضرة والعفو مخاطية بس مابيهة ريحة

طمنوني خواتي الي عدهة خبرة الله يوفقكم

حبيبتي اني بالشهر الثالث وتنزل عليه افرازات صفراء لزجه ومرات لونه يميل للون الاخضر مابيه ريحه
سوتلي الدكتوره تحليل ادرار مابي مشكله وسوتلي فحص داخلي وقالت كلشي طبيعي
انطتني غسول خارجي اخففه بالماء واستعمله يوميا شوي احسن خفت الافرازات
لاتخافين اذا ماكو مشكله عادي الافرازات ان شاء الله خير الله يتمملج على خير ياررب

[*ام هيمن*]

هلو بنوتات شلونكم
والله مداادخل عالنت لان ابني ميخليني ومشغولة هواية
شلونكم شخباركم

[فوفو العراقية]

صباح الخير
شلونكم حبايب

بالنسبة للافرازات الخضراء او مائلة للازرق اني للاسف مرت علية وكان الجنين خارج الكيس
ومركون داخل الرحم وكنت بالشهر الثالث
وضطريت اسوي كورداج لان ماجان اكو امل يعيش للاسف
لكن.... لازم يكون مصاحب بالم قوي مستمر طول الوقت
واني ماحب اخووفكم بس العلاج ضروري والمراجعه ضرورية
واني بالمراجعه الطبيب اكتشف ان عندي الكيس موجود والجنين ماكو
ولو الطبيبكال ماكو شي ف اطمنو
بس نصيحة
بهيج حاله لازم تكون الحالة النفسية ممتازه!!!!!!!!!!!!!!
لان بس تتعب ويصير مشاكل وبجي يعني اكو خطر
الراحة ضرورية
والف سلامة عالجميع...

ماحبيت اخوفكم بس الصديق ميكول ردت اكول
ولازم نعتني بنفسنة واجنتنه لانهم امانه
الله يتمم على الجميع على خيريارب.

[**نورا**]

هلوووووووووووو بنات منورين الكل زهرات الجديدات هلا بيكم
متفائله حبي لتخافين انشالله ربج الي خلقه وسوا وخلا برحمج هوه يحفظه بس ادعي هوايه حته ترتاحين
زنوبه كبد شلونج مشتاقون بعنف ههههههههههه
فوف كبد شلون صرتي والنونو اخباره
وسجاوي بالنه يمها انشالله يا ربي تكوم بالسلامه هيه وابنها امين يا رب

[**نورا**]

اما عن اخباري لا يوجد شيئ جديد اليوم ثاني يوم بالتاسع وبصراحه اتمنه اجيب اسبوع الجاي حته اشوف الكتكوت مالتي شلونه
مشتاقتله مووووووووووووت من قبل ما اشوفه هههههههه

[White angel]

هلووو حبايب شلونكم
اخباركم
نورا حياتي والله احنه الاشوووووووووووووق وبعننننننننننننف
فرووحه المرووحه شلونج كبد شووكت تجيبين البشاره عااد مو متت
عسووله ربي يقومج بسلامه حبي
فوفو قلب شلونج وشلون البيبي ان شاء الله بخير
متفائله ربي يثبت حملج وحملنا كلنا

بنااات تعرفون شي
اني بديت اتاكد الي عندي بنوتة
لان والله عنووديه عليه وع ابوها ولي هسه مدفرت بس ب السونار تدفر بنت ال... عليه طبعا مو ع زوجي قلبي مينطيني احجي عليه فديتو اني
نورااايه ربي يقومج بسلامه اني زوجة اخوويه لي هسه مجابت وموتتني غير تجييييب عااد ونشوووف اول حفيييييييييييييد بس لازك وباقي

[ماﺀ السماء]

سلام بنات العراق الحبيب اشلونكم
اعشق لغتكم انا ^^
هذا رابط موضوع جديد ومفيد:)

دردشة الانيقات .. بخصوص ملابس العيد لو محتاره او محتاجه نصيحه تفضلي ولوخبيره افيدينا

حبيت فيه نجتمع ونتبادل المشورات والاراء ونشوف افضل الاماكن والمحلات والتخفيضات وجديد الموضه وووو الخ
احلى شي نتبادل الخبرات مع بعض عشان الكل يستفيد يالله مستنيتكم تشرفووو^^

[فوفو العراقية]

هلا نورا
اني الحمد لله انتي شلونج؟

حبيبتي اني قبل فترة سمعت وحده تكول ولادتها متاخرة وبجرية جانت
تكول دهنت بطنها وضهرها وفخاذها بزيت الزيتون مخبوط ويا حبة سوداء على ما اذكر
وكعدت ونكعت رجليها بمي حار شوية يعني دافي زيادة
ووره ساعه ونص جتهة الطلوكة وجابت ولادتها جانت كلش سهلة
وحتى ماسوولها فتح
تكول الطفل انملص ملص ههههههههههه
جربي الاسبوع الجاي بالكي الله فعلا تنفعج هالسالفه؟
اني كلت اجربها بالتاسع لو لكيت حبة سودة هههههههههه


هلو زنوبة حبيبتي
اني الحمد لله
انتي شلونج؟
والبيبي شلونه؟
ماتحركت البنووته الحلوة؟
اكولج اشراح تسميها؟؟؟

تصدكين احنة لهسة ماختاريناله اسم؟
كل يوم شكل وماكو اسم ثابت... هههههههههههههه

[المغتربه المتفائله]

نورا حب تسلمين ونعم بالله متوكله عليه الله يحمي جنيني ويتمم علي وع كل الحوامل ياررب
الله يسهل ولادتج وتشوفين النونو بصحه وسلامه ياررب

[White angel]

هلووووو فووفو شلونج كبد والله بنوتي تسلم على خالتها فوفو وادكول دا تنتظر خطيبها الي دا تجيبي ههههههههههه
لاوالله لي هسه متحركت معانده وطالعه ع ابوها وامها بسسسسسسسس امها اكبرررررر عنووووديه يعني اكيد عليه
بلي اختارينه اسمين بس محتارين
اول اسم هو ريتاج وثاني اسم هو كوثر ودا نشوووف شنو اسمها حيصير ب الاخير