ديوانية البحرين - دردشة حوامل البحرين - البحرينيات

sweet heart4 · 03-27-2012, 10:19 AM

السلام عليكم بنات انا اراجع عن الدكتوره مها في مستشفي الهلال في المحرق بصراحه وايد حبوبه وحتي الفحوصات اسويه اهناك اسعارهم جدا مناسبه وعندهم بكج حق المراجعه والفحوصات و السونار بعد ب 100 دينار بس

امل الوجود · 03-27-2012, 11:37 AM

صباح النشاط .. صباح الامطار .. والله هالجو حلو .. بس لو تروح الشمس ..

شلونكم يا حوااااااامل

فاطِم · 03-27-2012, 12:14 PM

صباحكم خير
رحت المركز عطوني موعد يوم الخميس

حدي ابي اتطمن على البيبي ما احس بولا شي بس
ظهري يعورني ساعات ويروح خصوصا لما اقعد او بنام
عادي ؟ امي تقول عادي توني في البداية لأن !

طه و ياسين · 03-27-2012, 01:22 PM

مساءكن خير بنات.. ألم الظهر عادي فاطم بس ارتاحي كثر ما تقدرين... الحين لازم تاخذين موعد من الخاص بعد ...اني اول مرة رحت من غير موعد ..ماادري انتين وين بتراجعين ... يمكن اللي بتروحين ليها لازم موعد ... الحين يلا حركي روحش للخاص... اذا تبغين تتطمنين سريع روحي فوزية كمال بتسوي لش سونار و بطمنش ..

sweeti love · 03-27-2012, 06:16 PM

بنات الم ظهري زايد كل ما امبطح يزيد وارقاد ما ارقد وغير مزاجي كل متنرفزه ومضايقه مو قادره اتفاهم مع احد كل ساكته واصيح
شنو اسوي لا اسالف ولا شي بس كله على منتدى تمللت والله

فاطِم · 03-27-2012, 08:46 PM

لا تصيحين حبابه مو زين للبيبي مزاجه يصير مو اوكي
حاولي تشغلين قرآن عشان تنامين واقري انتي بعد

بنوته شي · 03-27-2012, 09:21 PM

أختي فاطم بنصحج ...

اول شي روحي المركز .. انتي قلتي ان رحتي وعطوج موعد حق يوم الخميس
يعني بتروحين لازم بتودين معاج ورقة تحليل الحمل
وبيطلبون منج نسخة من البطاقة الذكية مالتج ومالت زوجج
وبيعطونج أوراق تروحين المختبر ويأخذون منج دم حق التحاليل .. تقريبا 3 غراش دم

بيسوون لج فايل وبس هذي الموعد
وبيعطونج موعد ثاني جريب .. هني بيدخلونج على الدكتورة وبتسوي لج وزن ولازم تاخذين معاج عينة من البول الله يعجز
ولين دخلتي على الدكتورة بتسمعج نبضات قلب البيبي وبتحسب لج انتي باي اسبوع وبتشووف تحاليلج

وبعدين كل شهر بيعطونج موعد
بس على ماظن ان ما يعطونج موعد حق التحاليل الا بعد ما تدخلين الشهر الثالث ان شاء الله

أنا اول 4 شهور كنت أعالج بالحكومي .. وبحملي الاول كامل كنت أعالج بالحكومي
بس الحين لأني اشتغل وماقدر اروح مواعيدي الصبح عشان جذي اضطريت أراجع بالخاص العصر

فاطِم · 03-28-2012, 01:23 AM

اها الحين فهمت انا عبالي كلشي اليوم بيسونه لي
انصدمت اصلا لما قالت بتعطيني موعد

شكراً جزيلا على التوضيح يعني انتظر شوي على سالفة الخاص
عبالي المركز كلش كلش ما يسون شي

امل الوجود · 03-28-2012, 08:32 AM

يسعد صباحكم ... شخباركم اليوم ؟

امل الوجود · 03-29-2012, 07:42 AM

صباح النوم.. صحصحو يا حواااامل ...

الله يقومنا بالسلامة ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العضوة (روز سول ) في ذمة الله من دردشة ديوانية البحرين	أحلام أم	ملتقى عضوات حوامل	54	04-10-2012 03:01 PM
ديوانية البحرين - دردشة حوامل البحرين - البحرينيات	ايلاف	إستفسارات حوامل من الشهر السابع إلى الشهر التاسع	20370	01-02-2012 09:56 AM
ديوانية أمهات البحرين	أم حماني	استفسارات رعاية المواليد	14	05-22-2011 01:16 AM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM