♥♠❤تجمع البنات الي يحاولون الحمل بتوائم♥♠❤

[فدؤ 2]

ام احمد بشرينا عنك ها نزلت الدوره ولانبارك لك

مس فوفو مالك يابنت اختفيتي

شموحي ربي يشافيك التكيس ماهو صعب وفي كثيرين احملو وهم عندهم تكيس

فقدتكم كنتم حماس ونشاط فجاءه صار التجمع هدو الله يجعلكن في خير

[22MISS F0F0]

فدو تسلمين ياعمري انا بديت مشي وبحط قاعده خاصه هي الي جابت لي الاحباط
لا للميزان مارح اقيس ابد ابد الا اذا احد قال لي نزل وزنك لاني امشي واقيس ولا يتحرك وزني اتضايق وارجع اهف في الاكل هههههههههههههههه
المهم بوقف عن القياس والله يوفقني وياك


ام حمودي
ويالله ياختي خاطري بس بطه مايصير بطططططططططه لازم انزل وزني ولابصير كورة بقصر زود وبمتن مايصير كذا


بخصوص الحبوب صج انا بعد سمعت انه للحمل ببنات غريبه ابحاول استورده من الخارج انا ابي احمل بتوائم ربي يكتب لي ولكم ان شاء الله


شموخي الله ييسر امرك ياعمري


فدو
ياعمري كل شخص منشغل الله لايشغلنا الا بطاعته وش انسوي بحاول كل يومين اسير علي المنتدي واطل عليكم فديتكم

بالتوفيق للجميع

[أحمد حبيبي]

مسااااكن الله بالخيـــر والسعــادة

اشحااااااااااااالكن يا جميلاااااااااااات :)

فــــــــــــدؤ .. والله لا نزلت الدورة ولا على بالها خخخخخخ .. وانا الحمدلله مش مهوسة اختبارات تحليل حمل بس امس قلت اجرب شو خسرانه وطلع لي خط النيقاتيف كبر ويهي هههههه اعوذ بالله .. بتريا بعد الين اكمل 10 ايام من ترك الدوفاستون واذا مانزت برمس الدكتورة

فـــــوفـــــو .. لاااا تقيسين وزنج بالمرة .. ترى احيانا ممكن الماي يخف من الجسم بس الوزن يبقى ثابت .. انتي المهم واصلي الرياضة وتخفيف الاكل وان شاء الله توصلين للي تبينه

وعن الفايتكس والله انصدمت وانا اقرا تجارب زيادة في مواقع اجنبيه وايدات استخدموه وكانت نتيجة حملهن ولد .. وحدة استخدمته مرتين وفالمرتين يابت اولاااااااد بس مش توائم .. انا اشترتيه وناوية استخدمه لكن بستخير ربي والله يكتب لي اللي فيه خير يارب

[جنون الحب]

اهلين بنات

وحشتووني مرررره

شخباركم شعلومكم

بنات دعواتكم لي امس صار ينزل علي دم وكتبولي ابر مثبتات مرتين بالأسبوع

بس مابعد اخخذهم انتظر موعدي بكرا في الخاص علشان اشوف لو ماينعارض مع الابر اللي كتبوهم لي وتنصحني :)

[أحمد حبيبي]

جنـــووون

ألف سلاااامج عليج يارب والله يتمم لج حملج على خير يااااااااارب وان شاء الله تكملين الحمل وتفرحين بشوفة ضناج وكلكم بخير انتي وهو ان شاء الله

طمنينا عنج

[فدؤ 2]

هلا وغلا فوفو ربي يقويك حلو انك تبدي مشوار الرشاقه بس اصبري واستمري مو يومين وتبطلي


ام احمد الله يعوضك انا سمعت انو الكلوميد والمنشطات تاخر وتخرط الدوره بس اصبري يومين وعيدي التحليل لانو بعض الاحيان تكون الاباضه متاخره ويحصل الحمل متاخر عشان كذا مايبين في التحليل

جنون لاباس طهور ان شاء الله بس لاتهملين المثبتات واكلي موز كثير انا مره صادني نزيف قعدت شهر ونصف انزف قالت لي الدكتوره بالحرف اتركي الحبوب وخليك على عصير الليمون والموز وبالفعل اسبوع وانتهى النزيف طمنينا عليك وربي يتمم لك بصحه وعافيه

[فدؤ 2]

انا الحمد لله بخير لكن الوحم ذبحني لدرجه حتى المويه مااقدر اشربها وطول اليوم الله يكرمكم استفراغ اعطوني نصايحكم بنسبه للوحم احس اني بنجن وكمان صرت طول اليوم نايمه ومرهقه ولااقدر اسووي شي شغلي تراكم علي وانا تعبانه الله يعدي هذي الفتره على خير

[22MISS F0F0]

جنون
حياتي ماتشوفين شر انتبهي لنفسك الله يتمم لك علي خير

فدو
ياقلبي الوحام الله يعينك عليه المهم انتي جربي علك اللبان ممتاز لك وربي يعينك
طمنينا عليك

[أحمد حبيبي]

السلاااام عليكم

الله يسهل عليكن اموركن يااااارب ويرزقكن ويرزقني الحمل السليم

فــــــــــــدؤ .. انا في وحامي ما كان يريحني غير عصير الليمون بالنعناع والتفاح الأخضر .. اذا تقدرين جربيهم

والله يعين

[لولي55]

ميس فوفر واحمد حبيبي منين شريتي حبوب الفايتكس