تجمع حــوامل التوائم

[نونة العسولة]

المشاركة الأصلية كتبت بواسطة ام البنين

كل 14 بلهجري والابلميلادي
وليه اول التاااسع موالمفروض بعد اسبوعين من التاسع الله يعيننا ياااارب ويسهلنا وتتوقعين طبيعي والاعمليه انا خااااااااااااااايف من العمليه بس اذا عشااان انونات يفداااااااااااااهم

لا ميلادي يعني بعد اسبوع ادخل الخامس ان شاء الله

وبالنسبة للولاده قالت الدكتور بتشوف شلون اوزانهم اذا كانت فوق الكيلوين ونص تولدني اول التاسع بس اذا بس كيلوين وكم غرام لا ننطر يكبرون اكثر

وانا ماابي طبيعي خااااااايفه حدددددي مااعرف مو مجربة من قبل لاني بكرية

بس احس العملية احسن وانظف ومااحاتي البيبيات

المشاركة الأصلية كتبت بواسطة حزن الزمان

بنات وينكم يله قولولي شنو جهزتو للولادة للبيبي ...ولك .. وبالنسبة للأدوية والأعشاب شنو جهزتو ... خلونا نستفيد من بعض ... وياليت كل وحدة تكتب بالتفصيل الملل ولو مع الصور احسن ... واللي جربت للنفاس قبل شنو أحسن شي نزل الدم ونفعها .. وإذا قيصري يصير نربط ولا خطر ..... يله عاد ... خلونا نستفيد ....جاوبو وبسرعة ...

انا ريلي وام ريلي اشتروا سريرين صغار من مذركير نزلتلكم صورته من الموقع

من هذا نفس الشكل بالضبط بس الرسمة فيها شووي اختلاف

وااايد حبيت هالسراير الحلو ان السلة تنشال من القاعده اقدر اشيلهم فيها



وانا شريتلهم ملابس طقم 4 قطع من مذركير وردي كل وحده طقم

تقريبا نفس هذا بس اللون وردي ومعاه قبعه



وريلي مشتريلهم بدلات من نيكست اذا اقدر بصورهم لكم

وماشاء الله وااايد صار عندهم غراض مو انا مشتريتهم

كله من اهلي واهل ريلي مستانسين بالبيبيات اول حفيدتين عشتوا لووول

وادوية النفاس وهالخرابيط معتمده على امي فيها مااعرفلها انا

[نونة العسولة]

كروشات

شرايكم بهالعربانات اي وحده عملية ومريحة اكثر؟؟



هذي عجبتنا انا وريلي بس محتاره اخاف مو عملية



هذي احسها مال كبار شوي



وهذي امي تقولي اخذي منها عشان مايبينون وييبون العين لنفسهم لووول



شنو رايكم؟

[ام عبدالحميد]

الله يتمم عليكم يارب ويفرح قلوبكم ويقر عينكم

[كوثرية]

الحمدلله اليوم حركة البيبي اللي خرعتني امس طبيعية

صح اقوى من الثانيه وللحين خايفه عليها

أختي نونة

أنا نفس الشيء من أول ما بدأوا يتحركوا وأنا ما أحس إلا بحركة وحدة بس على اليمين ونااااااادر أحس بحركة على اليسار، ممكن اصلاً يمر أسبوع كامل ما أحس بحركة على اليسار وكل ما أسأل الدكتورة تقول عادي لا تخافين .

أنا شريت نفس فكرة هذا السرير لكن الموديل غير و بدون القاعدة



أنا القاعدة ما تهمني لأني ما رح أحتاجها



أحس الحلو في هذي العربة انها مش عريضة


يعني تمشين في الزحمة أسهل، لكن اللي ورا تتحقرص ما تشوف طريجها واللي قدام هي اللي مكيفة .


وهذي عيبها هالمكتوب عليها أنا عندي عقدة من الكتابة الإنجليزية شفت بلاوي كثير منهم لذلك أتجنب الأغراض المخربط عليها بالإنجليزي



وهذي حلوة بس اختاري موديل بناتي

[نونة العسولة]

كوثرية

ان شاء الله يارب مافيهم بيبياتي الا العافيه

انا احس بحركتهم ثنينهم وصارلي كم يوم اعرف اذا نايمات او يتحركون
بس اللي شاغل بالي ان وحده منهم كله تتحرك ماتنام احسها
يعني من الفجر هم عادتا يبدون يتحركون لين الليل واهي تتحرك

الثانيه لا تتحرك واحسها تنام بس الثانيه لا حركة متواااصله

يارب يكونون بخير واتطمن عليهم باااجر وااي حمل التوام صج متعب

تكونينن على اعصابج طول فترة الحمل الله يكون بعونا بس

بالنسبة للعربانات انا عايبتني ام الكتابه وحلو احس معنى الكتابه

واللي ورى بعض لوووول خوفتيني صج يمكن اذا يكبرون وحده تستانس بالطلعه والثانيه مسكينة ماتشوف شي

يبيلي اروح لمذركير اشوف اذا في موديلات اكثر ان شاء الله

[نونة العسولة]

المشاركة الأصلية كتبت بواسطة ام عبدالحميد

الله يتمم عليكم يارب ويفرح قلوبكم ويقر عينكم

امين يارب

ويرزقج اللي تتمنينه

[حزن الزمان]

عسولة فديتك لا تحاتين البنات كلهم بخير وهذا شي طبيعي في التوائم وهذا اللي اسمعه
حياتي طمنينا عليك ... وياليت تسألين الوالدة علاج النفاس للقيصري نفس الطبيعي
والله يخليهم لنا يارب ...

[نونة العسولة]

هلا حزوونة ان شاء الله بسألها

ياربي ضاااااايق خلقي وفيني بجية مااعرف من شنوو

استغفر الله يارب

[كوثرية]

ياربي ضاااااايق خلقي وفيني بجية مااعرف من شنوو

ذكرتيني فيني

يوم من الأيام في حملي الأولي كانت فيني البكية ونفسي أبكي من قلب

رحت لزوجي قلت له أبي أبكي

قال ابكي مو ممسوكة وهو يضحك

قلت له لا أنا أتكلم جد أريد ابكي

قال طيب شنو اسوي لج ؟

قلت له مثلاً عطني سطار على وجهي أتوقع بسرعة بهد الصياح>> وأنا أتكلم جد أبي سطار عشان أبكي

قال ما عقلتي انتي شنو أعطيش سطار ؟؟؟ !!

ظليت أقنعه بالفكرة قال لا الضرب على الوجه إهانة وعيب وما أدري شنو

قلت له لا موإهانة إذا انت ما تقصد تهيني بس تريد تبكيني

حط يده على خدي وكزني اشوية بس يعني ما تتسمى حتى ضربة خفيفة وانهديت صياح

شافني أصيح بغى يسكتني يقول طيب اشفيش ؟

قلت له ما توقعتك تسويها !!

طلعوا له قرون من القهر

قام عصب عليي يقول تقولين لي عطني سطار وتقنعيني ولما سويت نفسي بس كذا أضربش على الخفيف تقولي ما توقعتك تسويها أجل لو معطيش سطار كان شسويتي ؟



بس من جد كل ما أتذكر نفسي أضحك
تناقض عجيب وطلب غريب

[نونة العسولة]

هههههههههههههههههههه والله ضحكتيني كوثرية

يحليلج والله

خوووش ورطه ورطتني المكسييين

والله مااعرف شفيني صج فيني بجيييية كل شوي زعلانة من ريلي

انا اطلع الكلام منه وازعل !

امس قلتله ويهي منفخ من الحمل صاير مو حلو قالي عادي حبيبتي من الحمل

قلتله يعني انا مو حلوة وقلبتها نكد عليه

والحين ابي بس حجه علشان ابجي او ازعل

واااااااااي كرهت نفسي من هالضييييييييق اللي يجيني

اوقات اكرررره هالحمل واليهال استغفر الله ياربي

تجيني افكار اقول ليش استعيلت وحملت ليش ماخذيت مانع على الاقل لين مااكمل سنة زواج بس استغفر الله بسرعه اخاف عالحمل

الله يحفظهم بس ويهون علينا هالحمل والولاده والتربية يارب العالمين