تجمع حوامل ليبيا

[عيون زوجي]

ام وسون ربي يبعد اعليك كل هم يارب
انا الحمدلله والجو مع الاهل اكيد حلووووووووو قعدت سهرانه انا واختي وخوي العزري للفجر نهدرزوا
انتي كيف حال وسونه وابوها وحال النزيف ووجع البطن عندك ان شاءالله كويسه
البارح حكيت لاختي على جو عيد ميلاد بنت خوك سهفتها
ماشاءالله اعليكم

[ღॐ آية ღॐ]

هلا هلا هلا عيون
منورة يا غاليه جبتيني نجري على وجهي بعد ما كنت طالعه وبنسكر الباب
باب المنتدى طبعاً ههههههههههههههههههههه
ربي يستجيب دعائك ياااااااااااااااااارب يا غالية والله نخمم فيها ومش جايني نوم مشغولة وخايفة من العمليه لو درتها نبي شهر راحة وهيا مربوطة برقبتي ربي يستر وخلاص
بنسبة لي ميمونة مشاء الله عليها ربي يواتيها بلوقت الطيب هيا ووخياتها
فرحو بيا وبي اسولة وميمتها مشاء الله عليها ربي يحفضهالها ضيفتني رزاظة وعبمبر
وشاهي وحلاوات وعطتني حصت ايوب ودارو كسيكسو زي العسل مشاء الله وضيفوني بكلاوة
و مكسرات وبرضو عطتني حصت ايوب ..واحلى حاجة ماء زمزم وتمر السعودية ....
والله مي مي تخش الخاطر وتستاهل كل خير
والله مش كلام زايد ولا مجاملات بس والله هلأنسانة هادي تستاهل كل خير .....ونحبها
من وسط خاطري ...ربي يحفضهالي ويديم المحبة والصداقة ^ ^

[عيون زوجي]

الحمدلله انك رجعتي يا ايه ليك وحشه خاصة
ماشاءالله اعليهم ربي يهنيكم بمعرفة بعض
والله يا ايه كانك مش باهيه راك ما تحطيش في ناس باهيه
ربي يدوم المحبه
ويعافيك ويعطيك اصحيحتك ويفكك من العمليه يارب

[عيون زوجي]

وميمونه...من كلامها واضح انها بنت عيله وناس ربي ينولها يلي في بالهااااااااااااا

[عيون زوجي]

ايوووووووووووووووت وينك؟؟؟

[ام وسونة]

وخيه عيون والله الالم قاعد هلبا والنزيف حتى هو

مش عارفه شن نندير حتى من راسي صدااااااااااااع

ربي يستر نبي نسالك بماانك دكتورة صيدلة بخصوص

غداء ملكات النحل شن رايك فيه ونلقاه في الصيدليات

[ام وسونة]

[عيون زوجي]

سلامتك ام وسونه الف سلامه وغداء الملكات مش طبي بس خاص بطب الاعشاب بس اختي استفادت منه لانها جابت ولد وبنت وقعدت 6سنوات بلا حمل وحاليا ربي رزقها بولد بس مشكلتها كانت مع التكيس في المبايض
وربي قويك ويشفيك تلقيه في محلات بيع العسل ومنتجاته

[ღॐ آية ღॐ]

امين يارب
انا كانت عندي صديقة وحدة من ايام الاعدادي ولسوء
حضي انها من سرت وخصوصا من عائلة القدادفة
وطبعا مؤيدين لنخاع كلمتني في الاحداث وماغيبت ما قالت
وانا انقوللها اي صح اي معاك الحق...وخلاص والله خفت منها
وكلمتني مرة قبل ما تسافر طبعاً طلعو برا البلاد مسحت رقمها
وبادن لله لا نعرفها ولا تعرفني ..
وفي مرحلة المعهد ما لاقيتش صديقة تناسبني وتمشي معاي
كانو زميلات بس ...يعني ما عنديش صديقات ...مي مي جت في
وقتها والله ....
وانتم كلكم فيكم البركة ووالله حاسة انكم وخياتي ونحبكم في لله ...

[ام وسونة]

معناها توا نجربه لراجلي