ديوانية البحرين - دردشة حوامل البحرين - البحرينيات

[قلب أحمد]

السلام عليكم يا اخواتي انا من عشاق اهل البحرين فديتكم

اخباركم >>> سعوديه

تصدقون يا الغالين اتمنى اجي البحرين كل اقول حق زوجي ودني يقول دوام ياربي مو قهر صوح

بس بجي ابي منكم العشا ء هههههههههههههههههه امزح فديتكم واتمنى اكون هنا عندكم وادردش عندكم ما بي غيركم فديتكم وفديت كل شي اسمه بحرين

اهرج كثير صوح بس تحملوني هههههههههههههههه


يالله سلام حبايب

[حنين للماضي]

السلام عليكم
شباركم حبايبي؟؟

طفطوفة نسيت ما قلت ليش عجيبين مفارش فرحتش بالذات اللي في ارنوب
ياااااااااااارب تقوم بالسلامة وتحملينها بهالمفارش الكشخة

بنوتة وام السادة ربي يسهل عليكم وتقومون بالسلامة
ننتظر خبر ولادتكم بفارغ الصبر حبايبي
وان شاءالله ماتحتاجون طلق صناعي

شموس يا بعد عمري وينش؟
ياااااااارب ملوك تكون بخير ان شاءالله

قلب احمد حياش الله حبيبتي
تشرفينا تبقين معانه ونتعرف عليش

علاوي مزكم مسكين ومايقدر ينام لأن الوصخ شكله نازل له في صدره
سويت له مرتين بخار وقطرت خشمه بحليبي يقولون زين واحسه صار احسن
طبعاً نفس كل مرة يصيح بقوم له
دعواتكم له بالشفاء العاجل

[طفلي حياتي]

هلا حنين خلف جبدي حلوت ايامش ان شاء الله وربي يبلغني بالسلامه اشوف فرحتي في المفارش
وعلاوي ماعليه شر ان شاء الله الجو متخربط واليهال كلهم مريضين
قلب احمد هلا وغلا حياش الله تفضلي
ربي يسهل عليش يم الساده وتولدين بسهوله وسلامه ان شاء الله
باقي البنات شحوالكم بالدات ماحد بين منكم لجل وينكم؟؟ خخخخخخ الله يذكرش بالخير يم خليل
اني باقي عليي بس تنظيف الحجره ماقدر ماقدر ماقدر :p جانسه هالمره

[طفلي حياتي]

شكل روز ودوها بيت العم مابترجع الا ملخلخه ههههههههههههههه

[قلب أحمد]

با حلاتكم ربي يسهل ع كل وحده حامل با الولاده فديتكم واشكركم حبايبي

[شمس الصباح]

سلام
شخباركم حوامل وامهات

احلام ام شخبار ولدش ان شاء الله افضل
حنوووووووون ما يشوف شر علاوي
طف طووووف يعني لازم ما ادخل الديوانية علشان تجين عندي البيت حياش في اي وقت
فلونة ويش اخبار نور الحبوبه
مشكورين كل من سئل عني
اني هاليومين نفسيتي في النازل من جدي ما ادخل
ان شاء الله ينزل الرد هذة مرة ثانية اكتب رد

[طفلي حياتي]

اهلا شموس والله توني افكر اتصل لبت خالتي جارتكم ولكن استحي مادري ويش ضروفها تقدر تمرش لولا واحاتي اقول ويش فيها ماتدخل
طمنينه على ملوك وشخبارها؟

[شمس الصباح]

بعدي مع ملاك وابو صفار المفروض اليوم اروح اخذ تحاليل اليها بس قلبي عورني ما لي قلب اشوف مرة ثانية ياخذون منها دم

دعواتكم لي ان تطلع التحاليل سليمه وابو صفار يروح عنها

[طفلي حياتي]

ان شاء الله ياربي مافيها الا العافيه وتبشرينه
اني مرتفعه لي الحموضه وقلبي يرقع بطريقه احس بختنق والجو مغبر

[شمس الصباح]

اسمعي ماي الحندبان يخلي الحموضه تختفي اني توني ادري عنه وبارد على المعده بس ما جربته واني حامل جربته بعدين ولكن في وحده شفتها في السلمانية تقول يوم حامل كانت كل تشرب عن الحموضه ماي الحندبان