دردشة حوامل دولة الجزائر- تجمع بنات الجزائر

[ريحانة امها]

فرقان مازال ما رقدتيش....انا تاني...ما جانيش النوم ...زوجي صرعنا بالجزيرة .ادن انا افضل القصرة معاكم.....راسي وجعني اليمن ليبيا سوريا..خلالالالاص

[زوجة صالحة]

المشاركة الأصلية كتبت بواسطة allmaza

أنا اليوم أقدم لكم الشخشوخة العنابية

فنحن في الشرق الجزائري نضع مقدار كيلو ونص من السميد المتوسط +ملح ونخلط بالماء ثم نعجن مع التقطيع نتركها ترتاح شوية ثم نعاود العجن حتى نحصل على عجينة طرية (حذاري تكون طرية راح تكون النتيجة مش حلوة يعني تطرا نوع ما من العجن مو من الماء) تعمل منها كريات صغيرة حجم حبة البرتقال نتركها ترتاح ربع ساعة ثم نحلها بالحلال مثل الرغيف ونطبخها في طاجين من حديد تطهى حتى تجف العجيبة يهني تبقى محافظة على لونها الأبيض بعدها نقوم بتفتيتها عن طريق الظفر تقطع إلى أجزاء صغيرة ،

500 غ من الشخشوخة (سبق و ذكرنا كيفية التحضير )
فخوذ و صدور دجاج من المستحسن استعمال الدجاج و ممكن استعمال اللحم
بصلة كبيرة مفرومة رقيق
فصين أو ثلاثة ثوم مفروم رقيق
200 غ حمص
150 غ زبدة بلدي
3 حبات طماطم مفرومة
ملعقة إلى 2 طماطم مصبرة
ملعقتين كبيرتين زيت
فلفل أسود
ممكن إضافة الخضار (جزر و كوسة ) و ممكن الاستغناء عنهم
ملح

نقلي اللحم و الملح في الزيت ثم نضيف البصل و الثوم نقلي قليلا ثم نضيف الطماطم المفرومة نقلي جيدا و نمرق بـلتر و نصف من الماء بعدها نضيف الحمص و الطماطم المصبرة نغطي القدر و نتركها تنضج
في الأثناء نجهز الشخشوخة ندهن الشخشوخة بقليل من الزيت ثم نضعها في الكسكاس و هو يوجد مع القدر الخاص بالكسكس نضع الكسكاس فوق القدر الذي به المرق حتى يتبخر (تفور الشخشوخة) ثم نفرغها بإناء نقوم بفسخ الشخشوخة بالملعقة الخشبية لأنها ساخنة جدا بعدها نرش الشخشوخة بلماء المرق تقريبا نصف كوب ثم نعيدها للتبخر فوق القدر بعد ان نزيلها من فوق القدر نقوم بفسخها بإضافة القليل من الزبدة .
عندما يطهى اللحم يفضل فصل اللحم و الحمص عن المرق في مصفاة ، نضع الشخشوخة فوق المرق بحيث يكون مستوى المرق أعلى من الشخشوخة بحوالي 2 سم نتركها فوق نار هادئة حتى تتشرب الشخشوخة المرق مع إظافة فلفل أخضر حار نطفي النار و نغطي القدر بعد وضع قليل من الزبدة في وسط الشخشوخة بإنتظار تقديمها في صحن مقعر قليلا تزين بالحمص و اللحم و البيض المسلوق و قليل من الزبدة البلدي في الوسط .

http://i46.servimg.com/u/f46/12/06/93/64/100_0434.jpg

ان شاء الله نجربها اخواتي تعشيتوم انا مازال ماطاب

[ريحانة امها]

ميادة..مازلت صغيرة باش تخممي على الحمل....هل عملت اشعة الصبغة

[فرقان]

انا من قسنطينة قلتلكم كيكون راجلي غايب لني منرقدش ريحانة وينك من الصباح

[فرقان]

كونكسيون تروح وتجي راهي مكان مكان

[allmaza]

المشاركة الأصلية كتبت بواسطة ريحانة امها

فرقان مازال ما رقدتيش....انا تاني...ما جانيش النوم ...زوجي صرعنا بالجزيرة .ادن انا افضل القصرة معاكم.....راسي وجعني اليمن ليبيا سوريا..خلالالالاص

انا تاعي يتفرج في الماتش اسكتي عليا عمل ستاد في الصالون ههههههههههه

[allmaza]

المشاركة الأصلية كتبت بواسطة فرقان

انا من قسنطينة قلتلكم كيكون راجلي غايب لني منرقدش ريحانة وينك من الصباح

ايه انا تاني حابة نسهر حنونتي
ما جانيش النوم
ما شفت والوو من اطباقي غدوة نحطلك اطباقي نموت على الطياب

[محبوبة ميمو]

المازة احنا نعرفوها شخشوخة هنا نقولولها رقاق ونديروه في الثرادة هي من الطين وجاية كالنصف دائرة...... تصبحون على الف خير

[فرقان]

عندنا بولحبال بروفسور معروف تع امراض العظام و المفاصل

[فرقان]

المشاركة الأصلية كتبت بواسطة محبوبة ميمو

المازة احنا نعرفوها شخشوخة هنا نقولولها رقاق ونديروه في الثرادة هي من الطين وجاية كالنصف دائرة...... تصبحون على الف خير

حنا نسميوها التريدة تاع الطاجين بكري كانو جداواتنا يطيبوها في طاجين كيما لهدرتي عليه و يقولولو طاجين النمره بصح درك حنا نطيبوه في طاجين تع الحديد روحي ترقدي غدوة ان شاء الله