تجمع حبيباتي الكروشات اللي راح يولدون بشعبان

[سفن بارد]

اهلا ام لبنى حبيبتي لاتخافين ماتشوفين شر
نسيتي اللي جاني كذا مثلك بس انا ماصار جماع بس شلت شي ثقيل ونزل دم علي ونزل الجنين والمشيمه في الحوض وكان وضعي خطيييييير بس حمدالله وله الشكر ربي كشف ضري ماشاء الله بعد اسبوعين تحسنت وبعد شهر تعدل وضعي مررره ماشاء الله بس الزمي الراحه وخليك دايم منسدحه انا اذكر من كثر ماانسدحت يبست عظامي بس ماشاء الله شفت نتيجه انت سوي مثلي ولاعااااد تشيلين عبود نهائيا لو يتقطع صياح اهم شي صحتك ومره مرتين ماعاد يطلب تشيلينه تحملي والله فتره وتعدي ترى انا كنت اكثر من الدعاء وربي ماراح يضيعك

[ام لبنى 666]

تسلميلي ياقلبي والله ماجا فبالي اليوم بالمستوصف الا انتي تذكرتك الله يخليلك ماعطاك ويخليلي ويخلي لكل الحوامل الله لايحرمناهم
زوجي اليوم ماترك مكتب الا ودق يبي يجيب شغاله قالو مافي الا كينيات قال بيستقدملي انشالله
حاليا عندي شغاله اهل زوجي والله ماقصرو معي اخذو عبود عني والشغاله كل يوم ع البيت تنظيف من الى والحين جالسه ع ظهري ننتظر الفرج الله يفرجها يارب
سفونه وضعك ياقلبي كان اصعب مني الله يحميك انتي وجنينك يارب

[Miss YoYo]

ما تشوفين شر ام لبنى
الله يهديك انتي عارفه ممنوع تشيلين الاشياء الثقيله خصوصا اخر 3 شهور
ودام ولدك متعلق فيك كان علمتيه شوي شوي تخلينه يبكي ما تشيلينه
كلها فتره وبيجيك بيبي جديد ساعتها جد ماراح تقدرين تشيلينه كذا صعب عليك وعليه
بتتعبين مع البيبي الجديد ومعه
ربي يحفظهم لك ويكشف ضرك ان شاء الله

اخباركم يا حلوات
مشكورين كل اللي باركولي
عقبال ما ابارك لكم بولادتكم يارب
دكتورتي قالت انهم خربطو في البدايه عشان البيبي حجمه كله صغير
فـ العضو بعد كان صغير ومو مبين إنه ولد
بس هالمره قدرنا نشوفه واضح وعطتني صوره له
صار عندي له صورتين صوره تقول انه بنت وصوره تقول إنه ولد ههههه
بس الله يهديه متعبني البارح واليوم
كنت احس اذا جاه فواق ان راسه تحت يتحرك
ومن البارح استعرض .. حاط راسه جهة اليمين ورجلينه جهة اليسار
ويتمدد ويتحرك واحس اضلاعي تكسرت خلاص
خصوصا ان مافيه مكان انا مافيني زود عرض ضعيفه
ويدينه يحركها فوق عند معدتي حتى اذا اكلت استفرغ الله يعزكم
ضايق نفسي طول اليوم موب قادره اتنفس حتى
حركته بهالوضعيه تألم .. الله ياجرنا بس
وش رايكم احاول ادفه بيدي أحركه ولا يصير فيه شي ؟

[Miss YoYo]

المشاركة الأصلية كتبت بواسطة na3ooma

اليوم اشتريت منتجات الاستحمام للبيبي من سيباميد


قلت بلاش جونسون لانه تجاري ,
وبنتي اللي بالتمهيدي عندها حساسية جلد فخفت وفضلت اشتري لاختها نفس المنتجات الخالية من مادة الصابون وتناسب البشرة لو طلعت حساسة

جبت الشامبو وسائل الاستحمام وولوشن حليب الجسم ومحارم مرطبة زيتية .
وريحتهم حلوة صراحه مو زي منتجات الكبار بدون رائحه .


.

ولقيت كارترز carters اللي قالت عليه مس يويو واشترت منه ملابس بنوتتها اللي مو عارفة اذا بنوتة ولا لا هههههههههههه
رحت كنت ابغى اشوف اغراض بيبيهات غير الملابس بس الفرع عندنا كله ملابس وتجنننننن مرررره بس قلت بعد الولادة ان شاء الله اشتري من 3 - 6
موجود في الرياض جاليري شارع العليا.


واخيرا اشتريت البانيو لاني من جد كنت محتارة على الاخر
حق مذركير بس لسن 6 اشهر وسعره 300, وايكيا موديل واحد ماغيروه من ايام بنتي وسعره اقل من 100 بس ناسية
وسنتربوينت اغلبها فيها زي منحى يجلس فيه البيبي ماحبيته وسعرها عادي
او بانيوهات اللي بقاعده بس يبغالها مكان كبير بالحمام وسعرها عادي مابين 250وفوق

كنت ابغى بانيو عادي لحد عمر سنة او اكثر وبدون الجلسة اللي فيه , لقيته بتويز ار اص
مافي غير ازرق واخضر ومدمج معاه ميزان حرارة للموية وسعره 85 ريال واشتريت الازرق ماتفرق معايا الوان البانيو صراحه.

باقي الغلاية حقت الرضاعات الحين اقولكم ايش شفت وعجبني .. بررب

انا توني هالشهر اخذت طقم الشامبو mustela
وهذي صورته .. اخذت اطقم كامل


عشاني متخوفه من جونسون .. دائما ما يمدحونه
فـ لقيت هذا او نوع ثاني اسمه Aveeno
بس هذا حسيت ريحته احلى فـ توكلت على الله وأخذته

أما بالنسبه للرضعات انا ماراح اخذ كثر
باخذ 3 حبات بس عشاني ناويه ارضع طبيعي ولو احتجت شريت بعدين
طبعا انا قلت لكم من قبل عن ماركه playtex وفيه نوع جديد كلمتني عنه وحده
اسمه The First Years Breastflow Bottle وهذي صورته

شوفو شكل الحلمه كيف كأنها صدر الأم
فيه اطفال كثير يبدأون يرفضون الرضاعه الطبيعيه ويبدأون يجبون الرضاعات عشانها اسهل لهم
ما يحتاج انهم يشفطون .. اول ما تحطين الرضاعه بفمهم هي تبدأ تنقط
بس هذي الرضعه نظامها زي صدر الأم بالضبط .. الطفل لازم يحرك فمه ويشفط
عشان ينزل له الحليب من الحلمه الداخليه اللي لونها سماوي
فـ قررت اني باخذ وحده playtex ووحده زي هذي والثالثه ناويه على هذي


بشوف اكثر نوعيه يحبها ولو احتجت بعدين اخذت زياده
غير كذا راح تجيني رضاعتين مع طقم البرست بومب ميدلا اللي راح اخذه
يعني كذا يكفي وزياده ... حقات ميديلا ماراح استخدمهم بس راح اخزن فيهم الحليب المشفوط
بالنسبه للمعقم انا ماراح اخذه الحين .. عشان اللي الرضعات اللي باخذها كلها ديسبوزل
يعني برضع وارمي البلاستك

دامك شفتي كارترز اكيد قيمبوري موجود عندكم
لأني اكتشفت انه موجود بالظهران عندنا بالشرقيه
قيمبوري شغلاته احلى وأرتب من كارترز
بالنسبه للملابس اللي شريتها انا بصرفها
عندي خالتي بتولد بداية رجب بتجيب بنوته والثانيه بعدي بنفس الشهر
محددين لها موعد قيصري يوم 23 شعبان
هذي هدايا بناتهم وخلصت منهم

[Miss YoYo]

ايه صح نسيت اوريكم صوره الـ travel system اللي اخذته
عذرون راح احط الصور من الموقع لأني باقي مافكيته للحين بكرتونته
هو وغطا السرير



وهذا غطا السرير

[Miss YoYo]

المشاركة الأصلية كتبت بواسطة dndosha

مس يويو

وحشتيني وفعلن انتي غايبه حتى ردود مااشوف ليكي نهااااااائي
الف الف الف مبرووووووووووووك عالعريس واخيرن عرفتي
احلى شي انك ماراح تسمي ميار غير فالخلفة الجايا ان شاء الله نرجع انا وانتي نتسابق عالاسم هههههههههههه <<قولي خلينا نخلص اول

ههههههه طار الإسم منا حنا الثنتين
يلا نعوضه المره الجايه إن شاء الله
بس نتفق نحمل مع بعض .. مو تخونين فيني
وتحملين قبلي وتسمين الإسم قبلي
قسم اعض بنتك بعدين

[Miss YoYo]

المشاركة الأصلية كتبت بواسطة ذكـــرى

مس يويو مبروووك العريس كان مسوي انو بنت عشان يبصبص ع بناتنا هاااا بس كفشناه المفتري هههههههههههه

مسين ولدي
حبته صغيره لا تظلمينه
ههههههه
ماعليه اذا بصبص على بناتكم كلهم اخوان

[Miss YoYo]

المشاركة الأصلية كتبت بواسطة سفن بارد

اهلا ياحبيباتي الله يسعدكم على دعواتكم

ابشركم ماشاء الله جنيني بخير حمدالله وله الشكر

بس صار جالس عشان كذا ماحسيت بحركته الله يحفظه ويتمم علي واولد طبيعي يارب قالت بعد شهر بسوي اشعه ويكون تعدل باذن الله
سبحان الله في اول السادس كان راسه تحت وقالت لي قللي حركه والحين جلس الله يصلحه يارب

يااارب ياخذ وضعه الطبيعي واولد طبيعي ولاده ميسره وسهله ياااارب

سفونه حبيبتي لا تخافين ع الوضعيه
انا خالتي للشهر التاسع وهو قاعد
بس يوم ولادتها مع الطلق نزل راسه تحت
يعني توكلي على الله وخليها لربك ولا توسوسين بزياده
حتى لو مانزل بعدين ان شاء الله يوم الولاده مع الطلق ينزل
انتي ادعي ربك بس وربك يسهلها

[Miss YoYo]

المشاركة الأصلية كتبت بواسطة na3ooma

اليوم سويت تحليل لفقر الدم وطلعت نسبة الهيموجلوبين 10 << جبت العيد لاني كارهة حبوب الحديد لانها توجع معدتي .. بس الدكتورة غيرتها لي وبكرة باجرب الجديده

تحليل السكر لسه ماطلعت نتيجته وشربوني الجلوكوز البرتقالي


طعمه شوي يشبه الميرندا .. وفيه طعم مادة مشتعله مدري بنزين مدري اسيتون ههههههههههه
بعد ماشربته صرت اشم سلك كهربا محروق خخخخخخ من جد ماامزح مدري جتني حالة شم لاشياء محروقة فجأة وصرت اتمشى في المستشفى وطلعت الصيدلية اشتري النواقص علشان اضيع الساعه حقت الانتظار وبرضو الريحة بخشمي
بس مو سييء زي مااتخيلته , كنت احسبة ثخين ولزج طلع سايل مره وعادي يعني لاتشيلو همه

هههههههههههههههه
والله رايقه انتي قاعده تذوقين طعمه
انا سديت نفسي وشربت نصه .. وقفت اخذت نفس
ورجع سديته مره ثاني وشربت الباقي
طعمه زي طعم الميرندا او الفانتا بالضبط . بس حال بزياده
يعني كككانه فانتا بدون غازات وفعلا فيه شوي حراره
نتيجتي ان شاء الله باخذها يوم الخميس هذا بموعدي
ربي يسهلها ويتمم على خير

[سفن بارد]

ام لبنى الله يكشف ضرك ويحفظ جنينك حلو الله يسخرهم لك الشغاله بتساعدك وانت استريحي والله قادر يعدل وضعك وتتحسنين ياااارب عاجل غير اجل الله يبعد عنك كل شر وتحملي وارتاحي فتره وتعدي ياااررب
وادخلي كل يوم وطمنينا عليك عشان ماينشغل بالنا عليك وكلنا ماراح ننساك من الدعاء ياحبيبتي