ديوانية حوامل البحرين

[بنت الأياويد]

كله رفعيها اوجمديها بماي دافي ، اي الله يستر ان شاء الله مايرقدونج لان اعرف وحده هلون رقدوها والسبه ريولها ان شاء الله لي باجر تصير ريولج اوكي ، جنه وايد تروحين مواعيد الوزن؟ بسألج انا عندي موعد حق فحص سكر يطقوني في صبعي ولا ياخذون مني غرشه؟

[أم حماني]

اذا صرتي بالثامن تصير المواعيد كل اسبوعين واذا دشيتي شهرج كل اسبوع ... تحليل السكر ياخذون غرشه دم مب بالاصبع

[بنت الأياويد]

عزت الله خلص دمنا ، انتي اتابعين حملج في وين مركز المدينة؟ ولا عيادة؟

[أم حماني]

اروح المركز على اني اول حملي قلت حق ريلي ابي اراجع في خاص .. بس رحت جم مرة الخاص وماعجبني ... حسيت المركز احسن

[بنت الأياويد]

انا ماخذوني المركز قالوا لي لازم تبدلين عنوانج او ريلج يبدل عنوانه بس اذا انتي وريلج نفس المنطقة عادي مايقولون شي انا كنت ابي فالمركز بس يوم شفت معقدين السالفة رحت الاستقلال رخيص وزين

[أم حماني]

تروحين عند منى الشرقي .... ؟؟ انا نفس سالفتج هههههههههه اول شي رحت مركز اللي تبع منطقه ريلي ومارضوا ياخذوني بس في دكتورة تصير لهم هناك ودخلت جم موعد وعقب كل مره اروح ذلوني يقولون لي بدلي العنوان بالموعد الياي ضروري .. وعقب مللوني رجعت حق مركزنا هني وقالوا لي نفس الكلام ... بس امي تعرف وحدة هناك تصيرلنا من اهلنا ومشى الموضووع خخخخ

[بنت الأياويد]

اي عند منى الشرقي شحليلاتها وايد معاملتها حليوة ، الا بسألج ماتعرفين احد عنده شهادة رياض اطفال ويبي يشتغل في روضة؟

[أم حماني]

انا ماعجبتني كلش ,, اهيه شاطره بس احسها ساعات تتفلسف اذا سألتيها .. يعني انا كنت اسألها لاني اول مره احمل وماعرف شنو الطبيعي وشنو الي مب طبيعي ... تحسسني كأني غبيه .. قهرتني وتميت ما اروح لها .. بس بسألج تحاليلج وين تسوينها عيل ؟ اهيه ماعندها مختبر

[أم حماني]

بخصوص رياض الاطفال .. لا والله ماعرف احد عنده هالتخصص

[بنت الأياويد]

تحاليلي في المركز اسويهم المدينة اخر مرة سويت خذوا مني 3 اغراش تورمت يدي ، ان شاء الله تحليل السكر مب هلون قوية الابرة