تجمع حوامل ليبيا

يقين · 12-01-2011, 10:24 PM

حتي هاتو اهني منوره ان شالله حالك باهي

راجيه فرج ربها · 12-01-2011, 10:26 PM

السلام عليكم ورحمة الله وبركاته

الحبيبات الغاليات يسعد مساكن بكل خير
الغاليه تمر كيف انت الخير والبركه والله ندعي لكل وحده في التجمع يشهد الله ولكن العزيزات المحتاجات لدعوه خاصه كلنا نتكاثف وندعي لهن ان شاء الله ربي ييسر امرهن خويتي متفائله خليك على اسمك وربي ما يحيرك بادن الله كيف احنا لما وحده منا تقصد الاخره حتي هنا في التجمع نتفازع لبعض ولو باجابة سوال ولو بتطيبة خاطر فما بالك ولله المثل الاعلى بربي ابدا مايخيب رجأك ان شاء الله استعيني بالله

الحبوبه ام ساره اعمار اصغاري بنتي الكبيره يحفضها لي ربي عمرها 11سنه تبارك الله ماشاء الله وولدي عمره خمس سنوات ربي يبارك لي فيه اميين وبنتي الصغيرهعمرها اربع سنوات ربي يحفضهم يارب وطبعا عندي بنيه متوفاه وعمرها اربع سنوات طبعا بين بنتي بكريتي وولدي ربي يتغمدها برحمته ويجمعنا الله في جنات الخلد امين

المتفاااائلــــه · 12-01-2011, 11:07 PM

اقتباس:

المشاركة الأصلية كتبت بواسطة يقين

السلام عليكم
مسااااااااااااااء الفل كيف حاكم ياغاليات استااااااااااااااااااااحشتكم كلكم ونشبح في متفائله توا اون لاين كييييييييييف حالك يلغاليه وربي يرزقك وتغيب عليك الدوره 9 شهور يااااااااااارب واسمعي التست يندار بعد الدوره علي الاقل بيومين او 3 اما قبلها مانعرفش ديمه نجرب فيه بعد موعدها باسبوع ربي يرزقك ويرزقني بوليد ياااااارب

آآآآآآآآآآآآآآآآآآآآآآمييين ياااااااارب ... يقين حبيبتي ... كيف حاالك واستاحشت هللبة التهدريز معاك وين التغطيسة هاادي .... ان شااء الله خير ياااربي وكلي ثقة وامل في الله في كل الأحوال بإذن الله ..... وان شااء الله حناخد برايك وفي حالة انها ماشرفتش انديره بعد ثلاثة اربعة ايام ثانيين والا حتى اسبوع .... يخي آني قلت كانها يومين ثانيين ماجتش نمشي اندير اختبار دم في العياادة ... شني راايكم يابنات ؟؟ هذا كله طبعا لوووووووووووووووو ماجتش .... وياااارب فرحني يااارب وعاملني برحمتك ولطفك وغفرانك يااارب وماتعاملنيش بأعمااالي ياااارب يارحمن يامنان ياذا الجلال والإكرام ....

شني آخر أخبارك يقووونة وشني امدايرة ... وكيف حالك انتي والحمل وكيف حال راجلك وسلفك ...

المتفاااائلــــه · 12-01-2011, 11:14 PM

اقتباس:

المشاركة الأصلية كتبت بواسطة راجيه فرج ربها

السلام عليكم ورحمة الله وبركاته

الحبيبات الغاليات يسعد مساكن بكل خير
الغاليه تمر كيف انت الخير والبركه والله ندعي لكل وحده في التجمع يشهد الله ولكن العزيزات المحتاجات لدعوه خاصه كلنا نتكاثف وندعي لهن ان شاء الله ربي ييسر امرهن خويتي متفائله خليك على اسمك وربي ما يحيرك بادن الله كيف احنا لما وحده منا تقصد الاخره حتي هنا في التجمع نتفازع لبعض ولو باجابة سوال ولو بتطيبة خاطر فما بالك ولله المثل الاعلى بربي ابدا مايخيب رجأك ان شاء الله استعيني بالله

الحبوبه ام ساره اعمار اصغاري بنتي الكبيره يحفضها لي ربي عمرها 11سنه تبارك الله ماشاء الله وولدي عمره خمس سنوات ربي يبارك لي فيه اميين وبنتي الصغيرهعمرها اربع سنوات ربي يحفضهم يارب وطبعا عندي بنيه متوفاه وعمرها اربع سنوات طبعا بين بنتي بكريتي وولدي ربي يتغمدها برحمته ويجمعنا الله في جنات الخلد امين

حبيبتي " راجية " جزااك الله كل خييير ياارب ... وربي يجعلنا ممن يحسنون الظن فيه يااارب العالمين ... والله كلامك مثل البلسم الشافي ... والله يحفظلك صغاارك ياارب ومايحرمك منهم ... ويرزقنا حتى احني .... تباارك الرحمن كنت نحساب صغارك صغار هللبة ربي يحفظهملك ويحفظك ليييهم يااارب

ميمونة · 12-01-2011, 11:48 PM

السلام عليكم كيف حالكم ياحلوات

المتفاااائلــــه · 12-01-2011, 11:56 PM

ميراس ويينك اليوم .... حنحاول ننعتلك محل كرم امتع الجلابيات والبالطوات وان شااء الله تكون الى حد ما كويسة من غير فرع شارع ميزران وكان ماعرفتيهاش النعتة امشي لميزران أسهلك واسألي عليه ...
هادي النعتة ..
شفتي شارع جرابة كيف تكوني جاية منه كأنك بتمشي لراس حسن ... بعد ماتكملي شارع جرابة يجيك سيمافروا اللي هوا كان خديتي علي اليسار يرفع لراس حسن لكن ماتاخديش على اليسار خودي على اليمين اللي هوا وين مافي كوشة الأرض الطيبة كان تسمعي بيها فوتي الكوشة وكأنك ماشية لمدرسة بن تركية لكن قبل ماتوصلي للمدرسة يجيك كوبري على ايدك اليسار عالي خشي على الكوبري وبعد ماتكملي الكوبري تجيك جزيرة دوران خودي معاها على اليسار وهكي تكوني وصلتي للشارع امشي امشي لين يجيك محل الكرم وتحته روكس على اليمين وبعدهم محل مأكولات خفيفة مزوق بالياجوري من برا ..

وبش توصلك المعلومة أكثر كان كملتي طوووول بعد المحل يجيك تقاطع اربعة شوارع وطول تخشي عالهضبة ...