【ツ】أحلى تجمع لأحلى حوامل التوائم 【ツ】 ‏الجزء الثالث

[الشرف الرفيع]

ان الله مع الصابرين اعوذ بالله عيش هذا الحادث حمد الله على سلامتك والله انفجعت لمى شفت الصور ربي نجاكم الحمد لله اتصدقي بنية عافيتك ودفع البلاء عنك وعن توأمك
رضاك ربي صورة بناتك ماشاء الله لاقوة الابالله يهبلون فديتهم الله يخليهم لك ويهديهم يارب
رامان فديتك مبروك دخولك الثامن يالله انا وراك كم يوم وادخل الثامن انا بخير الحمد لله
يوم الجمعه قال ابو العيال نروح نتمشى جده قلت اوك بروح اتسوق واتمشى عز الله دخت من الهدى ومن الطريق ووصلت تعبانه ثلاث ايام ماقدرت اتحرك ويوم حسيت نفسي طيبه رجعت بيتي
تعبت نفسي ع الفاضي
مشكورة حبيبتتي ع السؤال
وان شاء الله على طول نسمع منكم اخبار حلوة

[رضاك ربي]

الشرف الرفيع حبيبتي مشكورة


الخمائل الله يبارك لك يارب ويقر عينك فيهم جميييييييع تسلمي الغالية

الراجية رحمة الله حبيبتي سلمتي ياقلبي عالدعوة وربنا يتقبل دعائك وينولك اللي ببالك مشكورة

بنت التاجر مشكورة ياعمري اللهم آمين يحفظهم ويرزقني توأم اولاد يارب ويجعلهم جميعا من الصالحين

[بنت الحسب]

الحمدلله ع سلامتك صفاء الروح....
غلا القلب الله يتمملك باقي الحمل ع خيرر....
رامان أنا الاسبوع اللي بعدك علطول الله يهون علينا ما تبقى...
رضا ربي ...ماشاء الله الله يخليهم لك..
ان الله مع الصابرين...الحمدلله ع سلامتكم...

[Haif]

صفاء الروح
الف الحمد لله ع سلامتك ومبروك ماجاك ويتربوا بعزك

ننتظر اكشن الولاده

غلا القلب
ربي يتمم لك وماتشوفين شر ولا تشرهين علينا اذا غابت الوحده عذرناها لان من زود التعب يمكن ماتقدر تدخل
والله يعينك ويقويك ويحفظ اللي ببطنك يارب

باقي الكروشااات كيفكم

انا اليوم عندي موعد ودخلت كنت متوقعة الدكتور بيحدد لي موعد لولادتي قالي مافي داعي نستعجل ننتظر للاسبوع الجاي يمكن يتغير وضع البيبي واذا ماتغير الاسبوع اللي بعده العمليه
ربي يكتب لي الخير وين ماكان

*

[غلا القلب]

مشكورات ياخواتي اثلجتوا صدري بدعواتكم والله يتمم حملنا على خير ياااااارب يااارحمن ياكريم

الخمائل انا ان شاءالله باقيلي اسبوع وادخل السابع بإذن الله



اليوم الساعه 6 المسا عطوني اول ابرة رئة وكل 12 ساعه بيعطوني على 4 جرعات الحين خذت وحده وباقي ثلاث دعواتكم اكمل السابع مابي اولد الحين اوزان البيبيات اقل من كيلو

[انا الله معا الصابرين]

بنت التاجر\ الحمدلله انه لطف بحالنا ربي..فديتج غمضي عينج وفتحيها تلاقين روحج بلسابع..والحين شعبان سريع مشاءالله ورمضان اسرع
احب البنوتتات\انه بين وياي التوام بلاسبوع الثامن..
غلاوي\ الله يسلمج ياربي ويحفظك انتي والتوينز يااااااااارب..والله على البال فديتج انتي امس قلت بس ادخل المنتدى بسئل عنك اشوف شسالفه القطاعه انتي ومكعبات بس انشغلت بلمستشفى علشان هلحكه..ألا الحين ادخل وشفت الللي صاير بس من وشو هلي صار لك انتي جاهده نفسك ولا من وشوووووو..وشنو حسيتي فيه ؟ويارب يارب يتمم لك لييييين موعده ويتمم لك فرحتك وتشوفين احلا توينز ياااارب..بس تعالي بخصوص ابره الرئه انا سئلت دكتورتي عنها وقالت كل ابره ييعطونك اياها فايدتها بس حق 7 ايام يعني بعد 7 ماتنفع لازم ثانيه اشلون اهم يعطونك 4 ؟
الراجيه\ الف الف الحمد لله والشكر لك ياربي..انه قلت بعد مثلك وشربت مويه زمزم وحطيت منقوع مره على بطني وبلعت نافعه بس ياربي مو جاي يهجد بطني الحين انا اكتب لكم بيد ويدي الثانيه تحك بطني..
الشرف الرفيع.. سلامتك ياقلبي من الفجيعه..الحمدلله على كل حال..هاذه تصدقت فديتك وصليت صلاه شكر لله بعد مارجعنا..سلامتك من الفجيعه ياعسل ومبروك دخولك الثامن مقدما والله يساعدك ويعينك على الثقل ياااااارب
بنت الحسب\ الله يسلمك ويحفظك يارب
هيف\ لاتستعجلين فديتك انتظري صحيح والله يكتب لك كل الخير والصالح يارب

[انا الله معا الصابرين]

كروشات انا امس بعد مازادت الحكه ابطني ولاقدرت اتحمل خلاص قطعت بطني من الحك..رحت المستوصف وكشفت الدكتورة علي وطلبت تحاليل اسويها اليوم..وقلت لها لوشو قالت تبي تشوف الكبديمكن مضطرب او شي وتحليل ثاني تقول تبي تتاكد بعد لو مو حساسيه.. ونا خايفه مره الله يستر مدري شهلي جاني فجاءه....وعطتني حبوب اخذه وقت النوم وشي احطه ابيض خاثر على مكان المتحرق ابطني ولافي فايده مازالت الحكه والحراره..انا اشك انها من تشققات الحمل خايفه حساسيه او مثل ماقالت ياربي دعواتكم لي كروشات انه مايطلع فيني شي ويطلع طبيعي

[اسماء ف]

الف مبروك صفاء كده كل رفيقاتي في الشهر ولدوا يلا عقبالكم ياللي بعدينا
كانت هنو بتسال عن الرضاعه والله حبيبتي ما قدر الله لي بالرضاعه الطبيعيه ودي الاسباب حتي تتفدوها
1- وجود الولاد بالحضانه خلاهم اخدوا اللبن الصناعي
2- اللبن الصناعي مسكر ولبن الطبيعي دلع فاتومتكر حبوا اللبن الصناعي
3- سهوله استخدامهم للببرونه
4- انا اهملت وكنت بستسهل لما يرفضوا الطبيعي واعمل صناعي علشان بيصعبوا عليا من جعوهم
ومتنسوشان البيبي بيخرحج من الحضانه ضعيف ومش قادر علي صدر امه

[بنت التاجر]

رضاك ربي

الله يكرمج و يرزقج توأم الاولاد ان شاء الله و يخلي لج هالكتاكيت الحلوين ...دعواتج لنا بالتساهيل

غلا

ما عليج شر... و ان شاء الله تقومين بالسلامة و ما بتولدين الا بالتاسع قولي امين

ان الله مع الصابرين

حبيبتي ما تقصرين..الله يهون علينا و الله حسيت الشهر الثالث طلع من عيني ..مو راضي يخلص.. و ان شاء الله ما عليج شر و تطلع مجرد حكة تشققات البطن.. وارد لان نكبر ازيد من المعتاد... ليش ما تستخدمين كريم ميبو الطبي؟؟؟ او سودو؟ سألي الدكتورة بس انا احس وايد رح ينفعونج و ان شاء الله ما منهم ضرر على البيبيات

اسماء ف

الله يعينج و يساعدج... انتم السابقون و نحن اللاحقووون

[غلا القلب]

كل الشكر لكم خواتي اللي سألوا عني ودعولي جزاكم الله الف خير انا بعدي صامده وفي راحه تامه فالمستشفى تحت الملاحظة


ان الله مع الصابرين
ماعملت مجهود كثير بس قبل مايصير معاي هالشي اختي طلعت من البيت وخلت ولدها عندي عمره ست شهور فكنت اغيرله ملابسه والبامبرز واشيله وانومه واخر الليل حسيت بشوي تعب نصيحه لكم خواتي لاتشيلون اي شي مهما كان وزنه حتى لو كيس جمعية
وبالنسبة لابرة الرئة هي وحده ومقسمينها على اربع جرعات كل 12 ساعه ابره عشان استفيد منها اكثر وقالت الدكتوره ان مفعولها بس لعشر ايام وهي وصفتها لي لانها شاكه في احتمالية اولد فالايام القليله الجايه بعيد الشر وقالت لو عديتي العشر ايام هي متفاءله اني اقد اكمل عالاقل اوصل الثامن يعني جدامي شهر كامل من الراحه التامه لانها قالت لو عديتي الشهر السابع وضع البيبيات مابيكون كثير حرج مثل لو انولدوا الحين لا قدر الله