تجمع حوامل ليبيا

[ღॐ آية ღॐ]

املا حتى انا خلي نزيد فيه نمشي نرقد خالي انوض بكري
وراي طلعة غدوة ... تصبحون على خير واحلام سعيدة .

[المتفاااائلــــه]

صباااح الخييير ياااحلوات ...

اليوم نايضة من الصبح بكري بش اندير التحليل .... ودرته ... والحمد لله طلع خط واحد يعني سلبي ...

إدعولي هلللبة ... ربي يغفرلنا ويعاملنا بما هو له أهل ... ويرزقنا يااارب

[أم أجنادين 80]

السلام علــــــــيكم

شن فاتني ماتقولوش ام وسن صورت قفطانها

في أما صفحة ,,

نتمني نسهر معاكم بس زوجي مسيطر علي اللابتوب صبح وليل

مانحصلش فيه الا شويه ,,

اليوم يابنات بنمشي ناخذ نتيجة تحاليل الهرمونات متاعي ادعولي

ميطلع فيهم شي ....

[أم أجنادين 80]

متفائلة ان شاء الله تطلعي حامل يارب
تعرفي أنا مرة وحدة جربته الاختبار المنزلي وماطلعش ولا خط
وبعده بيوم جتني الدورة من هداك اليوم معادش بندير اختبار
الا لما يفوت علي موعد الدورة هلبة أيام ,,

[أم أجنادين 80]

عيون شن صار فيك خديتي رقم الحنايه كتبتهولك

[لوري]

صباح الخير يابنات بلادي
صحيتوا وضحتولي الفكرة
لكن والله احنا ليبين وزي بعض الواحد من وين بيحصل باش يحوش
ويبني حوش غير من التقفيص علي روحه
والحق هيا حماتي المفروض ماتطلبش ادير حاجة اوفر ولا تعزم هلبه
عارفة البير وغطاه بالنسبة لعمي وخوتها
الحمد لله هيا مستورة وعايشين في نعمة بس كل انسان يعرف قدر نفسه
مايديرش حاجة اكثر من طاقته
توا راجلي عنده فلوس مش ماعنداش بس نبوا نشروا شقه بيهم مش نصرفوهم
في عرس حماتي لو بنساعدوا بهدية او حاجة بسيطة مش اديره كبير
وفي عرسي انا وراجلي عزموا مش لازم عزومة كبيرة ثاني ,,,
والله راجلي متشحور في خدمته الحق مفروض تقدر انا عارفة ماعندهم من وين
ياخدوا غير من راجلي
انا فمي بنسكره لكن في داخلي مش راضية

[لوري]

انا منبيش نسكن فوق عزوزتي نبي نعيش باستقلاليه
وراجلي طيب يلي يقولوا عليه يديره
نبي نبعد احسن حتي ماتنفرض عليا هلبه اشياء
حوش عمي يطلعوا هلبة مرات كل ليللة تصدقوا وعمتي تواصل هلبة هلبه
فوق المعقول منبيش ندير زيها
والسكنه فوقهم حتربطني بهلبه حاجات

[لوري]

ووووووووو
شكلي كثرت في الخرط

[المتفاااائلــــه]

المشاركة الأصلية كتبت بواسطة ميراس

مساء الانوار تعرفوا متفائلة ماعندك حق شن بيصبرنا لغدوة الصبح ديري واحد توا واحد غدوة الصبح هيا عادة هيا هيا نستنوا فيك حتي انا يابناويت نبي نشري بالطو نص وحلو ومش عارفة مكان باهي غوط الشعال غدوة بنمشيله انحس فيه مافيشي حاجات جديدة وحلوة

صبااح الخيراات
صحيتي هللبة يا ميراس على الإهتمام .... آهو اليوم الصبح درته وطلع خط واحد ... الحمد لله كان خاطري نفرح .... الحمد لله على كل حال ... آني اليوم 28 من الدورة آهي قاعدة ماشرفتش ... الله اعلم آمتى ناوية بتشرف ....


وبالنسبة لبالطو النص انقولك على محل نتحدااااااااااااااااااك انك تمشي وماتلقيش حاجة حلوة وتعجبك ... هوا يبيع في جلبيات وبالطوات .... روووووعة ... اسعار تعتبر اغلى من المحلات الثانية شوية لكنه روووعة ... آني نلبس في جلبيات وعبايات وجلبياتي منه ... ونلقى عنده نفس تفصيلة البالطو غير اطول يعني يكون زي الجلبية قماشه ديما مميز ويخيط في بضاعته في تركيا .... اصلا كيف نمشي حتى في الشارع نعرف على طول اللي لابسة منه ... المحل اسمه " كرم " عنده فرعين واحد في ميزران وواحد في جيهة حي دمشق ... اللي في ميزران مايجيش مع مجموعة المحلات الثانية اللي على الرئيسي ... يجي في وحدة من الزنق مقابل محل الحسومي امتع الأوشحة والشاربات كان تعرفيه وحتى محل الحسومي ديما حاجته مميزة ... المهم وكان ماعرفتيشي امشي لميزران وأسألي على محل كرم للجلابيات وأي حد غادي ينعتك عليه .... وفرعه الثاني جيهة حي دمشق .. كان تعرفي محل التوتة للمأكولات الخفيفة اللي في الجيهو هاديكا وكان تعرفي كشمير امتع القماشات يجي في نفس صفتهم ... والا كان تعرفي محل روكس امتع الأحدية عنده فرع في نفس الشارع هذا يجي كأنه في اسكنديناتا يعني تنزليله بالدروج محل روكس والكرم ايجي فوقه يعني تركبيله بالدروج ... يعني مبني واحد لوطة روكس امتع الشباشب وفوقه " كرم " امشي وقوليلي الا لاماتهبلي في بضاعته المحل .. وعلى فكرة الأسبوع الجاي بيجيب بضاعة جديدة ... بالنسبة لأسعاره قبل الأحداث كنت ناخد منه الجلابية ب 150 لكن توا ب 180 ... وتلقي هلبة تفصيلاة ونظام اللي يكون فيهم حزام من الوسط والا فيونكة من لتالي والا في الكمام والرقبة امتاعهم ديما فيها تفصيلة ... حاجاته مميزة ... وعنده الوان كريمة واكحل وأزرق وبودرة وقهوي ...

وما نبي منك شيء الا الدعاااء ...

ياااااااارب ارزقني ياااارب

رب لا تذرني فردا وأنت خير الوارثين

[المتفاااائلــــه]

المشاركة الأصلية كتبت بواسطة أم أجنادين 80

متفائلة ان شاء الله تطلعي حامل يارب
تعرفي أنا مرة وحدة جربته الاختبار المنزلي وماطلعش ولا خط
وبعده بيوم جتني الدورة من هداك اليوم معادش بندير اختبار
الا لما يفوت علي موعد الدورة هلبة أيام ,,

ههههه معناها ان شااء الله ماتجينيش غدوة حتى آني ... يستر ربي واللي يديره ربي راااضية بيه .. وفي نفس الوقت أملي فيه كبير كان مش الشهر هذا الشهر الجاي ان شااء الله ياااااااااااااااااااااااااااااااارب .. ارزقني ومانشوف الدورة ونفرح بحملي وولادتي ياااارب .. ماتحرمني من هالنعمة يارحمن ...