ديوانية حوامل البحرين

بنت الأياويد · 08-24-2010, 02:09 AM

ألسلام عليكم محد اهني؟

حنين للماضي · 08-24-2010, 02:17 AM

هلا والله بحبايبي
اليوم العصر كنت بدخل اسلم عليكم بس ما مداني كنت طول الوقت في المطبخ
سويت اليوم خلية النحل وكيكة الكراميل وقليت سمبوسة وسبرينق رول
الحمدلله كل شيء طلع مضبوط و زوجي استانس على خلية النحل يقول ان نفس المخابز بالضبط تشققت نوعاً ما

باجر خلاص ما بسوي شيء بريك

مشكورين حبايبي شمس وام حماني على دعواتكم
ايي شموس انتي ان شاءالله قبلي
ربي يسهل علينا كلنا

اني وحدة ما أحب يقعدون يقولون للوحدة الولادة صعبة واطلع الروح وكلام من هالقبيل اصير خاطري اصطرهم

لأن عن جد هالكلام يأثر في نفسيية الحامل
وترى النفسية لها دور في الألم
يعني اذا الوحدة دخلت غرفة الولادة وقامت طول الوقت بس تصرخ هذه اكيد بتتعب عدل وبتخلص طاقتها من جذي بتحس روحها خلاص ما فيها شدة للدفع
بس اذا الوحدة آمنت بالله وتوكلت على اللي رزقها هالمولود ترى وربي الشاهد ربي راح ايسر ولادتها ان شاءالله

ام حماني لا تخافين ولا شيء اهم شيء انتي طول الولادة بس فكري ان راح يجيش بيبي صغير يملي حياتكم كلها فرح في فرح بإذن الله

وأول ما يطلع خبري رفيقه راح يجي شهر واحد ان شاءالله

اليوم ما بينوا لا روز سول ولا حروف ولا فتاة
ان شاءالله يكونون بخير