【ツ】أحلى تجمع لأحلى حوامل التوائم 【ツ】 ‏الجزء الثالث

[بنت التاجر]

ام الغالين..

انا كانت بويضاتي وحدة 20 و وحدة 23... ف قلت في بالي الثانية اكبر من المعتاد..ما بتصلح... لكن الحمدالله.. عطوني الابرة التفجيرية و سوينا شغلنا و الله كتب لنا 2 ...الحمدالله على النعمة.. الله يحفظهم و نشوفهم بالسلامة يا رب

عاشقة الغروب

الحمدالله على السلامة..مبروك ما ياج و يتربون في عزج... ننطر تفاصيل الولادة

[صفاء الروح]

سارونه الكويت
مشكووووره حبيبتي الله يعطيك الصحة و العافيه

عباير
تسلمين و الله يالغاليه ... و كيف خبار صحتك اللحين ؟

ام التوينز 3
بالعكس حبيبتي لازم انفضفض لبعض و نستفيد من خبارتنا التجمع وايد حلو
الثقل جدا طبيعي لانه الحمل بواحد مو مثل الحمد بثنين
الله اتمم لك حملك على خير و يعطيك الصحه و العافيه

هنو
مشكوووره حبيبتي و الله يعطيك الصحة و العافيه

انا الله مع الصابرين
سلامات و ما اتشوفين شر ان شاء الله ... الحمد الله على سلامتك انتي مع التونيز
هداي نفسك و لا اتخافين ما فيكم الا العافيه يااارب و لو فيه شي لا سمح الله جان خبروك
المسشفى بس لله الحمد و الشكر انها عدت على خير .

عاشقة الغروب
الف الف الف مبروووووووووك
الحمد الله على سلامتك انتي مع التوينز
يتبرون في عزكم يا رررب
الحمد الله الي طمنتينا عيك

بنت التاجر مشكوره حبيبي و الله اتمم لك على خير




اخباري لليوم
سويت فحص دم و طلع نسبه دمي نازله جدا و هذا الشي مو زين خصوصا اني بسوي عمليه
طلبوا مني المستشفى اشوف احد يتبرع لي بدم من الاهل لموعد العمليه عشان ما اتصيدني مضاعفات .. و فعلا راح زوج اختي بيتبرع لي بدم بس للاسف ما قبلوا لانه كان مزكم و شرب مضاد ... شفنا واحد ثاني من الاهل و لكن كان في الدوام و مسؤله مو راضي يطلع يتبرع لي
طبعا زوجي رجع لبنك الدم في المستشفى و قال لهم اذا في امكانيه انه احد يتبرع يوم السبت
قالوا ليه في مجال و في حل ثاني اذا هو اتبرع لهم بيعطونه جيس اناسب دمي و فعلا اتبرع لهم عشان اقدر احصل انا جيس دم الي اناسبني

باقي يومين فقط على العمليه و كل ما قرب الوقت احس بحماس
بس اليوم احس بخووووووووف و خصوصا يوم طلع لي موضوع الدم هذا

الله اتمم لنا جميع على خير و يسر امورنا يا رب

[الخمائل]

عاشقه الغروب
مبروك.ماجاكم .والله يقومك بالسلامه
صفاء الروح
لاتخافين ربي بيسر امرك
بس مفترض من شهر مسوين تحليل دم علشان يقدرون يرفعونه
انا بولادتي السابقه حللوني بالثامن ولقوه 8..فعطتني ابر حديد عشر ايام وارتفع الى 11
انتي كم نزل ؟
الله يسهل ولادتك ..وتطمنينا عنك وانتي بصحه وسلامه

[Haif]

مساء الخير

انا الله مع الصابرين
من عرفت بحادث القطار وانا احاتيك واقول ان شا الله انها رايحه بالسياره وكتبت هنا بالتجمع اسال عنك بس قدر الله وماشاء فعل
والحمد لله على سلامتك وعلى سلامة اللي ببطنك ودام المستشفى طمنوك فإن شا الله كل امورك تمام انتي بس هدي نفسك واشربي موية زمزم بعد ماتقرين فيها وطلعي دفعة بلا عنك وعن اللي ببطنك وربي يحفظك وحاولي ترتاحين

عباير
انا بالحرس اللي بالحسا مثلك
والدكاتره ماقالوا لي جنس الاجنه الا واحد منهم بس وانا اساسا ماسالهم لاني مو معتمده عليهم بهالشيء

عاشقة الغرووب
الحمد لله على سلامتك يتربون بعزك ومبروك ماجاك
ننتظر اكشن ولادتك
وايش بتسمين الحلوين

صفاء
ربي يقومك بالسلامه واذا ولدت بالسلامه انا بستعد نفسياً بعدك يارب بلغنا لحظة مانحضنهم وهم بصحه وسلامه

ام التوينز
بالعكس ادخلي على الاقل تحسين ان في احد يعاني مثلك ويقضي الوقت

هنو وسارونه ونت التاجر وسارونه
كيفكم وكيف صغيراتكم *

[صفاء الروح]

الخمائل
أنا دمي حاليا 8
كانوا اتابعون معاي الدم من البدايه و عطوني حبوب ترفع نسبه الدم
و صل معاي الى 10 . بس رجع نزل و صار 8
الحمد الله على كل حال .. الله اسهل علينا جميع
لكل الحوامل انتبهوا لتغذيتكم و اكلو اشياء اتساعد على رفع الدم

هيف
اي و الله بكون الدور عليك من بعدي
يا رب اتقر عينا بشوفه توأمنا سلميين معافيين و اتسهل علينا الولاده

[بنت التاجر]

هلا يا بنات

ما عليج شر يا صفاء...ما ضاقت الا فرجت... هانت حبيبتي

هنوو انتي شخبارج...

انا تمام لا جديد ...على طول اخذ حبوب دوفاستون مرتين باليوم و تحاميل سيكلوجست مرة باليوم.. و اخذ حبوب فيتامينات مخلوط ويا كالسيوم و خرابيط اسمه سنتررام ماتيرنا... و بالاضافة لذلك..اخذ جلوفاج..لان انا عندي تكيس و كنت اتعالج قبل الحمل... اتعب نفسيا من كثر هالحبوب...لكن الله المستعان...يهوووون..

[فديت عينك]

قوووه بنات شلونكم


بسالكم

صج في رئه نطقها بسابع وثامن
احتياط
علشان خوفا من الولاده المبكره؟؟
لتونز

[ام اندومي]

الحمدلله على سلامتك عاشقة الغروب ومبروك صغارك
وعقبال الحبايب كلهم بالتجمع

[بنت الحسب]

مسااااااااء الخيررررر...
كيفكم كروشااااات ...عاشقة الغرووووووووووووووب حمدالله ع سلامتك وسلامة التوينز....
صفاء الروح...مومعقول المستشفى مافيه دم للحالات الطارئة لا تشيلي هم....أتذكر أمي في وحدة من ولاداتها كانت عملية اكتشفت انهم مسعفينها بدم وماعرفت الا في في الولادة اللي بعدها وكانت برضه عمليه الله يهونها علينا جميعا...
حوامل موعدي كان الأربعاء طفشت من الانتظار والسونار اللي جننوني فيه حوالي نص ساعة ويركزوا ع الجنين التعبان هذا غير تحليل السكر والدم كل شوي وحاسه اني ماعاد أقدر أتحمل الوقفة والتعب حاسة بثقل رهيب وخايفة ع عمليتي السابقة تنفتح تخيلوا 3 ساعات واحيانا 4 ساعات عشان انتهي من الموعد ولازم اكون اخر وحده تدخل عند الاستشاري ....ما أدري انتو كذا مواعيدكم زيي تطلع الروح والا انا عشان وضعي ؟؟؟؟
مواعيدي كل اسبوعين والله يعين شايله هم المواعيد الجاية من اللي شفته بهالموعد...

[بنت الحسب]

المشاركة الأصلية كتبت بواسطة فديت عينك

قوووه بنات شلونكم


بسالكم

صج في رئه نطقها بسابع وثامن
احتياط
علشان خوفا من الولاده المبكره؟؟
لتونز

انا عطوني الابرة بداية السابع لأن وضعي يحتاج يولدوني بأي لحظة لأن واحد من الأجنة تعبان عنده استسقاء بالدماغ والله يكتب اللي فيه الخير....
بس أنتي اذا وضعك تمام ما أتوقع يعطوك وهي ترفع السكر مؤقت وتسبب حساسية لبعض الناس...