تجمع حوامل ليبيا

[ميمونة]

وانا وراك ياعيون هيا ايه خشي ارقدي سادك غدوه عندك طلعه

تصبحوا علي خير

[ميراس]

انا بنمشي نولع البخارة وبنطلق وشقة خايفة ننحسدوا الليلة شن هاللمة الحلوة من زمان ماصارت بعدين تعالي اهني ياحلوة شن احنا ماقدرناش انضحكوك في ناس الليلة ضحكت لين خشت الحمام ياودي

[ღॐ آية ღॐ]

والله الجيها الي ساكنا فيها هادية لين خلاص وراقية
والله كلها عائلات محترمين ويرقدو بكري
ميراس وعيون والله تمشي معاكم زودو اسكنو بحداي على الاقل
تولو جويراتي بدل هلكساد هادا....يقولولها سراج الجديدة ..

[عيون زوجي]

ماشاءالله تبارك الرحمن لاقوة الا بالله عيلتكم انتم بس عرس

[ام وسونة]

ميراس ولايهمك اني وراهم

عيون ممكن تحكي عالمقلب خير من ميراس تنفد العقاب

[ليبياقلبي]

سلامي لي متفائلة شن صار فيك طمنينا \وعيون وميمونة تو بنكلمك غير قلت مرات مش فاضية وميراس وام اجنادين
عيون موضوعك متاع اهل زوجك ديما العزايز هكي بيهبلوا حتى انا عزوزتي فالحة في الطلوع تتصل بي راجلي بكل قلة ادب نبيها تمشي معاي للمراة الفلاننية خالتك جابت انا شي بس ننصحك خليك في عرس حماتك في النص عوالة واهتمي بنفسك

[ღॐ آية ღॐ]

يا ميراس حسني بنلبس شمال ايوب
واكلا ليم لين طالع من عيوني كله من ابو العيال ((كولي الليم وانتي طول الليل تكركطي سقعانة )وتوة لما نضحك شوية حالة ...

[ام وسونة]

تسلمي ياعيون وربي يحفضك

[عيون زوجي]

معناها احنا متاعات دوشه وسهر صح؟؟؟؟؟؟؟
صغاري فروخ سوق الجمعه دوشه وعياط حي اعليك منهم
ايريشوا ايوب واسوله

[ام وسونة]

وخيه ام ناريز ماعجبتنيش كلمة على ام راجلك الحق

بكل قلة ادب نبيها تمشي معاي للمراة الفلاننية