دردشة حوامل القطيف- تجمع بنات القطيف

[شآآآدن]

المشاركة الأصلية كتبت بواسطة حبيبة علاوي

بنات ساعدوني نزل مني دم

ورحت المستشفى وقالوا لي انذار بالاجهاض

واني خايفه ساعدني وهذه فرحتي الثانيه

كله وحده تدعي لي من كل قلبي اخواتي

عطوك حبوب مثبته ولا لا .. لان اني من قبل اسبوعين نزلت مني افرازات بنيه و قالت لي الدكتورة نفس الشئ بداية اجهاض و عطتني حبوب مثبته لمده اسبوعين و الحمد لله ما صار شئ و انتي بعد لا تجهدي نفسش واجد

[شبيه الريم]

ياهلا فيك خيتو وسناء تصدقين انا كل مااقرا شي انتي كاتبته احس اني أعرفك مادري ليش !!دخلتي قلبي على طول ياسبحان الله وحتى خواتي الباقين كلهم والله ينحبون الله يحفظكم جميعا
حبيبة علاوي صلي على محمد وال محمد وسوي الاعمال الي قالت لك بهم وسونه
واذا الدكتوره ماعطتك مثبتات روحي لدكتوره ثانيه بس اهم شي انك تتاكدي اول من النبض اذا موجود يعني الحمدالله بحبوب يثبت بقدرة الله
لاتخافي وريحي ورفعي رجلك وانت منبطحه صديقتي ينزل منها دم مثل الدوره كان بس الحمدالله جابت بنوته قمر توكلي على الله وربي يحفظه لك وبقولك انا بعد نزل مني مرتين إفراز بني المره الثانيه عطتني تحاميل أخذتها أسبوعين ولما رحت لها وقفتهم وقالت لي الاسبوع 12يفرز هرمون يحافظ على الجنين وماتحتاجين تأخذي شي
يارب يتمم عليك ويوقف الدم

[وسناء]

المشاركة الأصلية كتبت بواسطة شبيه الريم

ياهلا فيك خيتو وسناء تصدقين انا كل مااقرا شي انتي كاتبته احس اني أعرفك مادري ليش !!دخلتي قلبي على طول ياسبحان الله وحتى خواتي الباقين كلهم والله ينحبون الله يحفظكم جميعا

تسلمين ياقلبي وأكيد كلنا خوات وإن شاءالله نضل دوووم

[حبيبة علاوي]

ان شاء الله خير ياررررررررررررررررب

حتى في حملي الاولي كذا نزل مني

وهذا اني جبت احلى ولد

وان شاء الله يثبته لي يارررب بحق اهل البيت ياررررب

[ليلى محمد]

راقيه بذوقها
فتشي حبيبتي كم صفحة اليووم الصبح حطيته الدعاء واذا ماشفتيه راح ادوره عندي واكتبه من عيووووني

حبيبة علاوي
المستشفيات مافي اقسى منهم
النزف وارد بداية الحمل بس مع الراحة التامه والمثبتات مافي الا العافيه
وسناء ماقصرت ولا خلت لنا مجال نعطيك شي كفت ووفت
الله يتمم لك بألف خير

[حبيبة علاوي]

ان شاء الله يارب

الله يسهل علي وعليكم يارررررررررب

[الحان النسيم]

حبيبة علاوي ان شاء الله مافيش الاالعافيه
والله يحفظ جنينش وموشرط يكون نزول الدم بداية اجهاظ زي مايقولون الدكاتره
لان فيه ناس نساء تجيهم الدوره وهم حوامل
زي حماتي ومرة اخوي وهم حمل كانت تنزل عليهم الدوره

[وسناء]

المشاركة الأصلية كتبت بواسطة ليلى محمد

وسناء ماقصرت ولا خلت لنا مجال نعطيك شي كفت ووفت
الله يتمم لك بألف خير

ههههههه ويش دراني شفت البنيه خايفة حطيت الي عندي والله يتمم لها ويسهل عليج
خخخخخخخخخخخخخ

[حبيبة علاوي]

المشاركة الأصلية كتبت بواسطة وسناء

خيتو ماعليك شر وإن شاءالله الله يتمم لك كل خير بعطيك اعمال وقومي الحين سويها ومافيك الا كل خير

لسلامة الجنين والحامل:

فهذه بعض الآيات لتثبيت الجنين ، ولا تنسي التوكل على الله والتفاؤل ، وان الله على كل شي قدير..
1- البقرة / 250
2-آل عمران/147
3-النساء -66
4-الانفال-11-45
5- الاسراء -74
6-ابراهيم-24
7- النحل - 102
8- الفرقان -32
9-محمد--7
10-هود -120
قبل القراءة يجب أن تكوني متوضئة ثم تضعي يدك اليمنى على بطنك وتقولي ..

عوذة الأمام الباقر عليه السلام للحامل(أعيذُ مولودي باسم الله باسم الله ,

وَأَنَّا لَمَسْنَا السَّمَاءَ فَوَجَدْنَاهَا مُلِئَتْ حَرَسًا شَدِيدًا وَشُهُبًا(8)وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ فَمَنْ يَسْتَمِعْ الْآنَ يَجِدْ لَهُ شِهَابًا رَصَدًا,)ثم تقول (باسم الله باسم الله أعوذ بالله السميع العليم من الشيطان الرجيم أنا وأنت والبيت والدار ومن فيها نحن كلنا في حرز الله وعصمة الله وجيران الله وجوار الله آمنين محفوظين) ثم فاتحة الكتاب والأخلاص والمعوذتين ثم (أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْإِلَيْنَا لا تُرْجَعُونَ , فَتَعَالَى اللَّهُ الْمَلِكُ الْحَقُّ لا إِلَهَإِلا هُوَ رَبُّ الْعَرْشِ الْكَرِيمِ , وَمَنْ يَدْعُ مَعَ اللَّهِ إِلَهًاآخَرَ لا بُرْهَانَ لَهُ بِهِ فَإِنَّمَا حِسَابُهُ عِنْدَ رَبِّهِ إِنَّهُ لايُفْلِحُ الْكَافِرُونَ , وَقُلْ رَبِّ اغْفِرْ وَارْحَمْ وَأَنْتَ خَيْرُالرَّاحِمِينَ , لَوْ أَنزلْنَا هَذَا الْقُرْآنَ ...الخ سورة الحشر) ثم تقول(مَدحوراً ومن يشاقِقِ اللهَ ورسولَهُ فإن الله شديد العقاب ، أقسَمتُ عليكَ يا بيتُ ومن فيكَ بالأسماء السبعةِ والأملاك السبعةِ الذين يختفون بين السماءِ والأرضِ محجوباً عن هذه المرأةِ وما في بطنِها كلُ عَرَضٍ واختلاسٍ أو لمسٍ أو لمعةٍ أو طيفِ مسٍّ من إنسٍ أو جانٍّ )

ياقلبي وسناء الله يخليكم الى احبابك ياررررب

ويرزقك كل ماتمنيه يارررررررب

[ام نور علي]

هجوس تسلمي حبيبتي على سؤالش الدائم عن أختي
لا حول ولا قوة الا بالله العلي العظيم أدعو ليها تقوم بالسلامه تعبت قسما بالله كله اقول مني من تزوجت أبتلت بالمرض اللهم لا اعتراض على حكمك بس الواحد ويش يقول الى الله اشكو لا الى الناس أشتكي
اليوم الظهر كلمت امي قالت ليي الحمد لله احسن طلبت اكلمها قالت نايمه اوكي واتصلت الى زوجي عشان لا تالي يقول مايقدر يوديني ملتزم ويه احد وقلت ليه المغرب ابغى اروح الى اختي المغرب على السبع مشينا كلمت امي الا رفعه اخويي سالته عن امي قال تصلي وقلت ليه يعطيني اختي كلمتها صوتها زي الي مزكمه اسالها ويش اخبارش قالت زينه وقلت شوي وبجي لش قالت اوكي تبغي شي اجيبه لج قالت لا وسكرت السماعه الا شوي دق جوالي رقم امي اخويي يقول ليي بتجي قلت ليه اي قال ترى شوي وتخلص الزياره قلت ليه ماعليك رحت وكلي سعاده على انه بكره احتمال يرخصو اختي وصلنا المستشفى على خير ركبت ورحت الغرفه الا مكانتهم فاضيه انصدمت مافي الا الاغراض وسرير اختي مو موجود ويش صاير توني مكلمتنها قلت اكيد مودينها العناية اتصلت على امي اسالها في وين انتون قالت في العناية تعالي بدون صوت حتى تدخلي
دخلت اني وزوجي واني متفاجأه الا امي شايله الاغراض من على الكرسي وخلتني اقعد سالتها ويش صاير مكلمتنش الظهر وقلتي ليي بخير ليش جابوها العنايه ترد عليي امي وهي تعبانه احمدي ربش رجعت للحياة ويش صاير تقول جى الدكتور الصبح وشال عنها القسطرة مالت الابوال وقال للممرضات يحطو ليها مغذي توهم يدخلو ابرة المغذي الا انقلبت الوانها شالوها وحطو ليها مره ثانيه الا جتها رجفيه وزبدت ووقف التنفس ودقات القلب وعلى طول جابوها العنايه سوو ليها انعاش يدوي شوي ورجعت دقات القلب قلت ليها انزين متى صار الشي قالت الصبح قلت اني متصله الظهر ليش ماخبرتيني الا ترد عليي اختي عشان تصيحي قلت اذا ماصحتش وخفت عليش اخاف واصيح على منو الا شوي ماشوف الا اختي تسأل سؤال مو اني مت ورجعت حيه بس ماشفت ملك الموت قعدنا نضحك عليها قلت ليها يبغى ينبهش حتى تتحملي بروحش تقول اني اتوقع شكله معكرش قالت ليها امي هو يجي على شكل اعمال الا بياخد روحهم
طول الوقت اني قويه ولا فكرت حتى تطيح دمعتي يوم بقوم الا تقول ليي اختي معروفه بس تركبي السيارة بتشغلي الصياح رديت ضحكت عليها وقبل لا اطلع قلت ليها عندش فلوس بدل ماتقول ليي مفلسه مسلفه وقلت ليها مفلسه لو مفلسه قالت نفس الشي وضحكت عليها يوم نزلنا بنطلع كان في واحد قاعد عند المستشفى قلت الى زوجي اعطيه وخليه يدعي الى اختي احين ركبت السياره وكلي امل بربي يشافيها يقومها بالسلامه الا يقول ليي زوجي ادعي ليها ومو تصيحي تالي ماعرفت امسك حالي
يوم وصلت الشقه واني اركب الدرج اكلم جنيني اقول ليه حبيبي انت اقرب الى الله ادعي الى خالتك تقوم بالسلامه ماعندك غير هالخاله تلعب وياك

أمانه خواتي أدعو ليها تقوم بالسلامه
والي يبغى يشارك في حملة الصلوات على محمد و آل محمد لشفاء مرضى المؤمنين والمؤمنات