أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات،
بالضغط هنا.
كما يشرفنا أن تقوم بالتسجيل بالضغط هنا
إستفسارات حوامل من الشهر السابع إلى الشهر التاسعهنا كل مايفيد حوامل المرحلة الأخيرة من الحمل . حامل في الشهر السابع,حامل في الشهر الثامن,حامل في الشهر التاسع .
مرحبا
اهلين بناويت بلادي الحبيبه
انا بنت بلادكم ومسجله من فتره في المنتدي
نبي نهدرز معاكم
انا متزوجة من سنه ونص
والحق عندي صديقة تزوجت من شهرين ونلتقي معاها وتهدرز عليا
وتحكي علي عزوزتها تقوللها مكيجي وعيشي حياتك وتقوللها البسي
بس انا لم الاحظ من عمتي هكي تصدقوا أني في اول عيد لي لم البس ملابس جديده
ولم تلح علي عمتي انا مانفهمش الامور هذه المفروض هيا
تكلمني وتقولي البسي لبسه حلوة ولا هاتي انلبسوك حرير
وفاتت الأيام وجي العيد الثاني والثالث معاهم ومع هدا ماادورش فيا
باهي لو انا مانفهمش كيف العروس تلبس وشن تلبس لما يعزموها المفروض هيا
تقولي ,,,
ومش غير هكي انلاحظ فيها لما نطلعوا مع بعض ونلبس ونحني تقعد تشوفلي
,,
وانا ساكنه ايجار ولما صارت الازمة راجلي سحب فلوسه ودسهم عندهم
شمتهم قالتله تعالي ابني فوقنا وانا الحق مانبيش ,,
وتوا بعد شهرين عرس حماتي مش يديروه عرس بسيط لااااا
وحماتي تبي خوتها يديرولها جلسه ومش جلسه بسيطه ودارها كبيره
باهي مش شرط الوحده ترفع جلسه كل وحدة واستطاعتها
ياريت تجي في الجلسه بس راح ادير عرس وتكبره وهما حالتهم متوسطه
فهمتوني انا مش قصة بخل لكن نبي نحوشوا ونشروا شقه
المفروض ام راجلي تحرص علي فلوس ولدها مش تطلب منه
نحس فيها ماتبيناش نحوشوا نشروا بعيد عليها
وانا الكنه الاولي التعب كله يجي عليا
,,,,,,,,
قولولي شن ندير في عرس حماتي نخش العواله ولا نلبس ونشيك ولا شني
اعطوني راي
لوري أهلا وسهلا بيك بينا .... وانتي بإذن الله زي وخيتنا .... حبيبتي آني عندي راي يمكن يكون مختلف شوية عن رايك باتجاه عمتك .... لأن في امهات رجالة تكون وجهة نظرهم ان اللبس والذوق يرجع للكنة في حد ذاتها يعني هي قد تشوف انها لو قالتلك البسي وماتلبسيش انها تدخل فيك او عندها شك في ذوقك او تتوقع انك انتي تضايقي ... فمن وجهة نظري انك لو انتي كنتي تبي رايها ومشورتها سألتيها وخديتي رايها وقبل المناسبة اسأليها وقوليلها آني حبيت ناخد رايك زعما شني نلبس لأن آني الموضوع هذا جديد عليا بش تفهمك .... لأني آني نعرف في بنات مرات كيف ام الراجل تقوللها البسي وماتلبسيش تقول شنو تشوف فيا شلافطية مانعرفش نلبس هيا مادخلهاش فيا ... والله في ناس هكي راهوا فعلا ...
اما بالنسبة لموضوع الشقة والفلوس فآني معاك في الموضوع بصراحة انك انتي وراجلك ترتاحوا وتستقروا في شقة بدل الإيجار اللي يبلع الفلوس بلع أولى من أي حاجات مش ضرورية ثانية .... والله لو كانوا اماليه استحقوا في مرض والا علاج والا حااجة ضرورية في الحالة هادي هما اولى بالفلوس ... لكن طالما ان الموضوع هكي فالمفروض تحاولي كيف تقنعي راجلك انه مايفرطش في فلوسه بالسهولة هادي وفهميه وجهة نظرك في الموضوع بطريقة ماتجرحاش ...
لوري اهلا بيك بينتنا وانتي من اي منطقة وكم عمرك؟؟
وشن عندك من صغار؟؟؟؟
بس انتي ما عندكش خوات ؟؟؟والولادة موجودة؟؟
يعني بصراحة امور زي هادي مفروض اوخياتك وميمتك
ينبهوك ليها وبعدين معروف العيد من يوم الدنيا والدين الناس
تلبس جديد ممكن تكون عمتك اي والدت زوجك مستغربا فيك ومتبيش تحرجك
وبنسبه لي زوجك لو يبي يشارك في جلست حماتك ما تمانعيش خصوصا لو انه
بيعطي بطيب خاطرة ...والعرس لازم تلبسي وتطلعي من مزين وتعولي شويه شوية
وربي يوفقك في حياتك ..
بنات بنسئلكم على خياطة شاطرة لو وحدة تعرف خياطة باهية
تنعتني ليها بس تكون في طرابلس "عرس اختي الصغيرة بعد ما
تكمل اختي عدتها الي زوجها اتوفه بأذن لله :ومش خاطري نشري واتي
بصراحة خاطري في تفصيل من خيالي بس بالله عليكم لو وحدة تعرف
ترد عليا "
يارب يا متفائلة تكوني حامل يااااااااااااااارب
ويااااااااااااااااااااااااااااااااااااااارب تكوني حامل بي ولد اللهم اميييييييييييييييييييييييييين
شن رايك في هلقفطان
يارب يا متفائلة تكوني حامل يااااااااااااااارب
ويااااااااااااااااااااااااااااااااااااااارب تكوني حامل بي ولد اللهم اميييييييييييييييييييييييييين
شن رايك في هلقفطان
آآآآآآآآآآآآآآآآمييييييييييييين يااااااااااااااااااارب .. ان شاااء الله ربي يسمع منك ... يااارب نحمل بولد ياااارب ...
12-01-2011, 12:24 AM
رد: تجمع حوامل ليبيا
المتفاااائلــــه 
العرض العادي
