【ツ】أحلى تجمع لأحلى حوامل التوائم 【ツ】 ‏الجزء الثالث

[غلا القلب]

ان الله مع الصابرين


انا خذت لكل بيبي ثلاث لبسات من التايني اللي في مذكر كير ولبستين من البريمي البي في بيبي شوب والباقي خذته نيوبورن تقريبا اربع لبسات فالبداية بتستخدمين المقاسات الصغيره تقريبا مدة شهر وبعدها بتستخدمين النيوبورن

اختي ولدت ماشاءالله وولدها كان وايد يستفرغ فكانت تبدل ملابسه فاليوم مرتين عشان جذي خذي اربع او خمس لبسات لكل واحد مقاس التايني لاول فتره بتكون اكثر فتره حرجه وان شاءالله باقي البنات الوالدات المجربات يعطونا رايهم

[Haif]

مساء الخير

الله يقوينا ويقضي مابقى علينا من شهور
انا بدا العد التنازلي عندي بس وقفت العداد من الخووف عشر ايام وبدخل التاسع ربي يسهل علي وعليكم

الخمايل
بالنسبه للعمليه انا ماسويت بس سالت اللي سووا عمليه من قبل يقولك علاج العمليه علشان مايطول امها المشي يعني من ثاني يوم تمشين ومشيك يكون ظهرك منتصب مو مايله على قدام علشان شد العمليه واليوم الثاني ميلي ظهرك على ورا اكثر علشان تشد العمليه وترتاحين بعدها يقولون بهالطريقه اسبوع وجرح العمليه يكون تمام
الشيء الثاني بالنسبه للاستحمام انا عملت عملية زايده من سنه تقريباً والدكتور حرصني ان الجرح مايوصله ماي ابد مع انه كان منظار والجرح صغير فكنت اتحمم على مراحل كنت في البدايه تكون وحده من خواتي معي وانا جالسه بكرسي تغسل شعري وانشفه والف الفوطه وبعدين اجلس على كرسي الحمام الله يكرمك واغسل الجزء السفلي وبعدها انشفه واوقف على المغسله واغسل الجزء العلوي قد مااقدر بس مايوصل للجرح وانشفه والبس وبس

ام منصور
اخيراً ربي يهون عليك وطمنينا عنك
وكأن صفاء الروح عمليتها الاثنين ؟!
الله يهون عليكم جميعاً

انا الله مع الصابرين
بالعكس حبيبتي الحرس بالاحساء حضانته معروفه زميلتي جابت بنوتتها بنص السابع وهذا هي الحمد لله عمرها سنتين الحين ومافيها الا العافيه ووحده اعرفها ولدت ولدها بعمر ست شهور وهذا هو عمره خمس سنوات
احس تعب عليك ان كل موعد تروحين الرياض خاصه ان مواعيدك بتقترب كلما تقدم الحمل معك كل اسبوعين تعب سفر وتعب انتظار
انتي استخيري وربي يكتب لك اللي فيه الخير
وبالنسبة لمشتريات البيبي انا مافهمت ايش هذا اللي ينربط براس البيبي تكفي القبعه انا بقولك الاشياء اللي شريتها انا اخذت ثوبين لكل واحد منهم مع لفتهم وخيط المهاد وطبعا لازم قبعه وقفاز الجوارب لان البيبيات نجيبهم صغار والطبقه الدهنيه اللي تدفيهم تكون شويه فلازم ندفيهم حبيباتي واخذت البربتوازات الداخليه تقريبا 10 لكل واحد نصهم تيني ونصهم نيوبورن والبربتوز الخارجي 8 لكل واحد اربعه تيني واربعه نيو بورن طبعا غير اللفات والسدريات والقبعات بس القفاز مع الجوارب ماكثرت منهم لان البربتوزات مقفله رجولها واليدين عادة ملفوفه
وربي يبلغنا ويلبسونهم حبايبنا بالعافيه

اسماء
الحمد لله انك بخير ومعذوره

*

[Haif]

عباير

نصيحه مني ابتدي جهزي من الحين وشوي شوي انا بديت بنص الرابع قبل مااعرف جنسهم ومابين اسبوعين ادخل محل او محلين واطلع علشان مااتعب نفسي والحمد لله ماجا السابع الا انا مخلصه كل شيء ومرتاحه صدق يطلع شيء بين وقت والثاني بس مو شيء ثقيل واروح اشتريه وارجع
والله يقويك لان من جد السابع والثامن ثقل مو طبيعي والرجلين منفخه وشد من تحت الله يقوينا يارب

سارونه
مو شرط الربط الدكتوره على حسب حالتك تحدد واذا عندك اجهاض من قبل او لا او على حسب طول عنق الرحم اتوقع انا الحمد لله مااحتجت ربط
وامهاتنا مساكين يحاتونا انا لو ماارد عليها او اكلمها وصوتي متغير تقول لي على طول لا لا تكذبين انتي بالمستشفى ههههههههههه

كتاليا
في البداية خايفه انا من الطبيعي وبعد يوم قربت خايفه من العمليه والحين ادعي ربي يكتب لي الخير وين ماكان

[ام عبودي وسيفو]

اختي الخمائل لا تخافي توكلي على رب العالمين و انا اول مرة اعمل العملية , اصلا انا طلبت من الدكتور تخدير نصفي , بس يوم جاني الطلق و فتح الرحم 6 سم قال لي الدكتور راح اعمل لك تخدير كامل
اول ما تصحي اكيد راح تحسي بالالم , بس مش لدرجة البكاء و الصياح , و لانو كل شوي بيعطونك مسكنات , اصعب شيء هو الحركة , يوم تقومي من السرير هاي اصعب شيء و بداية المشي ,
اما وضع الاجنة بعدهم يغيروا وضعهم , انا لاول التاسع كانوا الاثنين روسهم تحت و و كنت اتمنى اني اولد طبيعي , بس سبحان الله الاثنين غيروا وضعهم صار الولد قاعد و البنت معترضة

[ام عبودي وسيفو]

حبيبتي هيف اهم شيء صحة التوينز و انهم يجوا ان شاء الله بصحة و سلامة , طبيعي او قيصري المهم تقومي بالسلامة , و ربي يكتب ليك الخير

ما ادري ريماس ما عندكم عليها خبر , و غربة مشاعر و ام عائشة ......................

[ام عبودي وسيفو]

بنت الحسب الله يهون عليك و يسهل ولادتك يا رب
بالنسبة للمشد انا سالت الاستشاري اللي ولدني سالتو ثاني يوم العملية عن المشد , قالي لي عادي تحطيه من اليوم و و انا استنيت يومين بعد و لبستو , لاني بصراحة كنت محبطة من شكل بطني و حجمو , و الحين صاير مترهل , و مع ذلك ما اقدر ارجع البسو , خصوصا انو قالو لي اللي جربو العملية الجرح الداخلي ما بيلتئم الا بعد ست شهور .

[وفقني يارب]

تكفون يابنات ادعو ان اكون حامل بتوام
ادعو لي تكفوون يابنات

[سارونة الكويت]

وفقني يآرب تحملين بتوأم سليمين معافين

[سارونة الكويت]

سبحآن الله

بنات تدرون زوجي كآن حلمان قبل حمالي بشهرين بشجرتين بغرفة نومنا
وانا عقبها حلمت حلمين واحد اني لقيت بدرج ملابسي الداخليه كلووتين اثنين داخلين فبعض
وحلمت اني سرقت الماستين !!! ياسبحان الله تفسيرهم كان توأم لكن انا ماطرى ع بالي كنت اقول احمل ورا بعض

ماعندكم فكره بالالماس أو الشجر شنو بنات او اولاد

[Haif]

وفقني

يارب يرزقك توأم تامين الخلقه والخليقه يسرون خاطرك

سارونه

سبحان الله
مااعرف بتفسير الاحلام بس ربي يرزقك ماتتمنين ويفرحك فيهم
انا بحملتي هذي وحده قريبه لي حلمت اني لابسه عقد لولو بس صفين وبعدها عرفت اني حامل بتوأم ولما فسرت عقد اللؤلؤ طلع الذريه من الذكور فتوقعت ان التوأم اولاد بس الحمد لله طلع بنت وولد

ام عبودي
تسلمين حبيبتي اهم شيء زي ماقلتي السلامه لي وللبيبيات
ماقلتي لنا ايش سميتي الولد ؟ *