ديوانية البحرين - دردشة حوامل البحرين - البحرينيات

[طفلي حياتي]

كلام غير مفهوم ومنطق مشوش وجلف تارسه الوادي ويش اقول وويش اخلي الله على الظالم
والفرج من عند الله

[Roze]

وتلفزيون المكحل شلخ ماله ماتخلص
350 الف يعني ازيد من نص البحرين في هالبقعه
ويستنكرون شلون احنه زجينه بطلاب المدارس في المظاهرات
منهو قايل ليهم طلعو ههههههههه

[Roze]

ويش اخبار نصره اليوم

[طفلي حياتي]

نصرتي والله متعلمه تتعلق لي فووووووووووق ولا اقدر اجندس اذا تروح مناك
انتين ويش اخبار فرختش بالدات ماتييبين طاريها لا عن حركتها ولا عن ترفسها ولا ابو فاقها ابدا خلها تتعرف على نسيبتها عفر

[Roze]

الابوفاق لحين ماحسيت به
بس الترفس ليه وقته ساعات وساعات
واوقات اني في بيت ابوي واخواني قاعدين وهي تخبط ليي احس بطني يتهدرق وياها احراااااج هههههههههه
وليه حركه تييب راسها ماادري وي عثصوب الخاصره وتيبس بثقل هههههه فن

[فلونة]

رجعت علشان ام السنافر لا تقول لي شلاخة .. بنتي حالتها حالة ويا البلغم نازل لها في صدرها وكل ما تتنفس يطلع صووت ومعورة قلبي.. انا ماقدر اخليها حتى لحظات لانه ترجع واايد حتى لين بغيت اتسبح امي تجابلها لين ارجع
انا مادري لا عن اخبار ولا تلفزيوون ولا حتى ريلي الفقير ناسية كلشي ,, واسمهاا انا قاهريني الناس كل يوم احد اييني جان سميتها انتصار اوو ثورة او لولوة ودانة وو وعد..نطروا اذا ابوهاا ثبت اسمها في الشهادة باقوله لكم

[طفلي حياتي]

اي اسكتي اني اذا ويى اخواني قاعده خوب البس مشمر اخجل وايد وتقوم لش تتحرك هاهي ماتتحرك وتخوفني ومن اصير ويى جماعه انتفضت هالنصره تبغي بس تحرجني عساني اشوفها منصوره هالفرحه اللطيفه

[Roze]

ولكم فلوونه

هههههه لحين ماسميتونها
اتصدقين احس روحي بصير نفسش وبتبهدل لانه ماعرف اتعامل ويا اليهال ولاعنندي خبره مول
الله يعينش وويا الايام بتصيرين برفشنال وبتحصلين السقنجر هههههههه

[فلونة]

اتصدقوون وحشتني الدبة .. ريلي اول ماجاف بنته يقول لي هذي الي كان ترفس في الليل
احين عقب الولادة الدبة ما لها حل بياض ناصع ومشدودة مادري شاسوي معاها علشان ترجع نفس قبل.. خذيت لي مشد ماقدر البسه يعورني بطني وخذيت لي صابونه علشان السواد وماحس فادتني ولا تغير شي

[طفلي حياتي]

هلا فلونه سمي بنتش الاسم اللي تبغينهه لا انتصار ولا ثوره ولا لؤلؤه ولا هرار ماعليش
وصدرها الظاهر انتين وايد تغطينها وتفلينها مره وحده اذا عرقت هذا غلط يسوي لفحه في صدرها .. الشي الثاني يقولون لش لا ترضعينها وايد هذا كلام البنات واذا رضعتينها جشيها (جديها) عرفتين؟؟ ولا تلفينها بأشياء وايد ترى بترجع غصب من الحروره
شفت منظر بعيوني وحده تلف بنتها وايد وتغطيها وايد وتبالغ في تدفيتها ومن ترضعها ترجعه كامل والكل يقول لاتلفينها قالت برد وبرد اخر شي اقتنعت ان كثرة التدفئه مو زينه
ولا تفلينها وهي عرقانه
انتين وشتبغين اسمها؟؟