دردشة بنات الجنوب, دردشة حوامل الجنوب, تجمع بنات الجنوب

[احلى وردة]

صبايا
مو شرط نظام تمشى عليه خاصة انكم باقي ما عندكم مدارس .. لكن نظمي وقتك وزعي شغلك بصراحة على حسب مزاجك عشان لا تطفشون من روتين اليومي ....
على فكرة مدارس تنظم كثيرررررررر الوقت والايام وانا احب ايام الدراسة لان وقتنا منظم لكن ايام الاجاازة اكذب عليكم لا مخربط
نهارهم الليل والليلهم نهار
اهم حاجة عندي ايام الدراسه يكون نظام ونوم بدري .. ايام الاجازة من اسمها خلااص وقت راحة وفله لهم ..
لكن ما يمنع من نوم بدري اقلها ينامون على 12 او 1 وخلاص اجبرهم ينامون ..
اليوم ثاني يصحون على 11 او 10 او حيان 12 احسها كثيررر ههههههههههههههههه معاهم كهله
لانه والله مو زين لهم سهر بعدين هم باقي مرحلة نمو يعني نصف غذائهم بالنووم ..

[kho0okh]

.........>> يحليلي اتاريني نشيطه في من هو اكسل مني *_*
هوو مو نظاام خووف البيت لاايقلب مغااره
فكل ماروقت سويت شيء

[MEH]

صادقه احلى ورده
مو لازم جدول تمشين عليه
بس انا احب اعرف كل يوم وش عندي من شغل
عشان ما اكرف ايام وااجلس الباقي فاضيه

وصادقه كثيييير حريم يحبون ايام الدراسه لأنها نظام
والاجازات تخّرب عيالهم سهر ولخبطة وجبات

[الديماس]

سلام يا حلوات
اش حالكم
اشوفكم تتكلمون عن الجدول والتنظيف

انا كل يوم ارتب المطبخ واغسل الملابس لان عدولي ما شاء الله يلبس باليوم 3 لبسات بالقليل كبكب كل شوي يكب شي على نفسه

والله اني كنت ست بيت مافي مثلي من يوم تزوجت اللين جبت عدولي اللين حملت بالثاني بس حاليا جاني كسل مغير مثل العسكري جالسه عند الصغير اخاف يغتاله اخوه

يارب يسهل لي واجيب خدامه لاني من النوع اللي يصيبني هياج اذا شفت شي في بيتي خربان اكره الحوسه
بس الحمدلله لمن كنت بالتاسع نفشت بيتي نفش تذكرين يا ميمي يوم كنت اقلكم كل يوم اش سويت

طبعا هذا شي ريحني حاليا لان من جد نفشته نفش رميييت رمييييييييييت رميييييييت اللين عجزت ونظفت من قلب قلبي
يعني قبل لا تنفسون نظفوا زيييييييين عشان لا ولدتوا ما يبقى الا خفايف كنيس مسح مواعين ومن هالقبيل



بنات احس اليوم حليبي قل شربت سوائل كثير وشفطت وارضع من صدري عشان يكثر وما في فايده

ترى حليب رونالاك حق الرضع منعوه من المستشفيات جابوا الخبر في سبق عشان كذا عزوز جوعان ما قدر ينام زين ما عطيته رضاعه صناعي الليله وحلبت له ما طلع الا 40 مل وش السواه

[noory]

السلام عليك انا حاااااااااااايسه مع ولدي وشغل البيت
والطبخ تعبت
احلى وردذه ابغا طريقه السلطه اليونانيه

[احلى وردة]

المشاركة الأصلية كتبت بواسطة noory

السلام عليك انا حاااااااااااايسه مع ولدي وشغل البيت
والطبخ تعبت
احلى وردذه ابغا طريقه السلطه اليونانيه

ابشري حبيبتي سهله مرة رووووعه

علبة ذرة جاهزة وانا افضل قوودي
علبة فاصوليا حمراء
زيتون اسود واخضر شرائح
جبنه اللي بالكيلو تحصلينها بثلاجات تقطع قطع صغيره اطلبيه حقت سلطه تجي اشوي قاسية
خس مقطع صغير
1خيار مقطع مكعبات
1وجزر مبشور
1وطماطم مقطع صغير
ملفوف بنفسجي وملفوف ابيض مقطع صغير
توست ابعدي الاطراف وقطعيه مكعبات وحمصية مثل طريقة خبز الفتوش بصراحه انا احب توست لانه يجي مكعبات وشكله مرتب وافضل توست لوزين لانه ما يتفت معاك بعد القلي حطية على جنب ..
1بصل شرائح محمص
مكرونه صغيرة حقت سلطه اسلقيها ...يمكن اللي تجي ملعقتين او ثلاث على حسب حبك للمكرونه مع سلطة انا ما اكثرها احط فقط ملعقتين ..

الطريقه
في صينة باريكس ضعي اولا الخس بعدي الطماطم بعدين الخيار وبعدين الجزر المبشور تصير مثل طبقات بعدين ملفوف نوعين
بعدها زيتون نوعين وبعدها الذره بعدين الفاصوليا حتى تصير معاك طبقات بعدين مكرونه وبعدها البصل المحمص ..

اخر شي حطي التوست المحمص
بعدين وزعي الجبنه بشكل مرتب حلو عشان يعطي منظر الابيض مع تلوين سلطه ..
بصراحة احب الوانها بطريقتي تعطي الالوان شكل حلو بسلطة

بعدين جهزي الصوص حقها عباره عن :

ملعقة مايونيز
ملعقة جبنه سائله
ملعقة صغيرة خل
ملعقة زيت زيتون
ملح
علبة زبادي

فنجان لبن
اخلطيها مع بعض تجي شبه سائله

خليها على جنب كل واحد يحط له سلطه يحط فوقها الصوص
وبالعافيه

ان شاء الله اذا صلحتها صورتها لكم

[MEH]

صباح الورد

الديماس ايوه اتذكر ماشاء الله فعلا نفشتيه نفش
الله يعين بس
افااااااااااااا لييييش رونالاك؟؟؟؟؟؟؟
والله انهم كانوا يقولون انه بيرفكت وماعاد بعده
غريييبه..طيب اعطيه نوفالاك اتوقع قريب منه
اما حليب صدرك غريبه قّل كلي طحينيه يقولونه

هلا نوري منوره والله يعينك يارب
كم شهر ويتعدل وضعك ان شاء الله

[kho0okh]

الديمااس..
كــلي طحينيه وبقدوونس
يدرر الحليب

[احلى وردة]

ديماس حبيبتي
اشربي حليب مع عسل كل صباح
بعدين الفيتامينات لا توقفينها اللي يعطونك بالحمل كملي عليها ثلاث شهور تقريبا
واشربي سانوت وفيه حبوب حلبه تحصلينها بصيدلية حلوه ...
ومثل ما قالوا لك باقي البنات حلاوه الطحينية للحليب

انتي مثلي ديماس
ارتب كل شي قبل نفاس الي فتره وانا انفش بالبيت لانه بيتي كبير

طلعت كل قرابع البيت في ملحق عندي فوق بعدين اتربع وتفاهم معاها ومن بين قرابع عيالي الله يصلحهم بلاستشين كانو حاطينه في غرفه بالدور الثاني فاضيه كل شوي يحسون فساويت عليهم حمله يوم وانا معصبة عليهم خليتهم يشيلون تلفزيون ويحطونه فوق بالملحق عند غرفة الغسيل والكي نظف البيت وترتب وحلفت لهم لو احد يخرب هو اللي راح ينظف وكنس تشوفينهم خايفن من اي شي يطيح بالارض لانه حلفي حلف .... وحده قووويه ههههههههههههه


لاني بصراحة بيتي ما يفضى من نسوان وتعرفون نون نسوه ما يتركون شي بالبيت حتى يقلبونه
والبيت عندي يجلس شهر ما يفضى جيران والاقارب والاصداقاء واو ما يخلصون الا قد تعبت من ارحبوا ارحبوا ههههههههههه

باقي اروح اشتري اغراض نونو ومفرش لي بخلصها هذه شهر عشان ارتاح قبل ما اثقل ولا يصير لي خلق للشي ..
ابغى ادخل الثامن وانا مرتبه كل شي حتى شنتطي حقت المستشفى
كان زوجي يستغرب ليه ارتبها من سابع واحطها على جنب وكل الليل افتح دولاب وانبه الشنطه هنا لا تنسى اذا صار ولادة شي اللي هي موجوده لدرجه يوم قال والله اذا دخلت الغرفه عيني على دولاب متى تفتحينه تذكرني بالشنطه ههههههههههه طفشته ....

[احلى وردة]

بنات حبيت اتعرف عليكم اكثر بصراحة حبيتكم ...نجوى كرم على غفله
كنت ادخل منتديات كثير لكن ما ارتحت فيها لانك تتطلعين بوجهه ثاني ولا تعرفين تهدرين معاهم فتركتها كلها ههه

انا عسيريه من بني مغيد مقدمة عسير بداء الهياط هههههههههه

حياتي كلها بالرياض ولا نعرف الجنوب الا مواسم ونجلس شهر ونرجع بحكم عمل الوالد ربي يحفظه لنا ...
تزوجت من الرياض ورحت ديرة زوجي واااااااو تعقدت بداية زواجي ههههههههههههه كانه اللي طاح من السماء الى الارض لا تستغربون لانه وقتها ما كان فيه الانفتاح اللي نشوفه الحين
بنات والله تعبت بداية زواجي من تفكيرهم وعاداتهم لاني ما كنت اعرفها لكن الحين صرت المراة الخارقة صرت اخذ حقي بيدي
كنت بالبداية ابكي من كل كلمه اسمعها هههههههههههههه وحده مدلعه ..
وسلامتكم