هنا تجمع حوامل الشهر (الاول والثاني والثالث)

جوري الدمام · 07-03-2010, 11:05 PM

هلا گيفكم ياحلوين

ملاك1 · 07-04-2010, 01:13 AM

اقتباس:

المشاركة الأصلية كتبت بواسطة جوري الدمام

هلا گيفكم ياحلوين

هلا وينك يا عسل وش اخبارك كيف نونو

توفيه الفوشيه · 07-04-2010, 03:19 AM

يو ليه ماحد رد علي شبتسووون برمضان ياحوامل ارجعو لصفحتي
لول154

أم ليان 1000@ · 07-04-2010, 01:58 PM

هلا توفيه عادي أجلسي في بيتك وعلى الفطور سوي شوربة وسمبوسة طبعاً العجينة الجاهزة وسلطة وعلقي ورقة على باب المطبخ أكتبي فيها بالخط العريض أنا حامل وتعبانة وغير هالفطور ما فيه
ترى أنا بحملي الأول كنت تعبانة مررره وكان فطورنا كذا وبعد التراويح أعمل أي شي خفيف أو يجيب جاهز وعلى السحور أطبخ كبسة ( وهي الأهم عنده ) وبس ترى حلو تفطرين مع زوجك لا تضيعين الفرصة وبعد الفطور روحي لأهلك أو لأهله

الفراولة الحمرا · 07-04-2010, 09:06 PM

أهلين أخواتي .. كيفكم أنا توني بالأسبوع الثالث .. ولسى الدكتوره ماشافت الجنين واعدتني عالاسبوع الجاي اعطتني مثبت وفوليك واسرين اطفال .. وانا خايفه حييييييل .. تكفووووون ادعو لي ربي يحقظ حملي ويثبته .. أنا في حملي الأول أجهضت في الاسبوع 6 .. علشان كذا خااااااااااااااااااااااااااااااااااااااايفه ..
في احد معي تو في الاسبوع 3 ؟

أم ليان 1000@ · 07-05-2010, 03:54 AM

الفراولة الحمرا توكلي على ربي وكل يوم الصبح حطي يدك على بطنك وقولي اللهم أني استودعك رحمي وما حوى وربي يقومك بالسلامة وتصيرين أم

ابتسم وبداخلي مليون طعنه · 07-05-2010, 09:57 AM

كيفم بنات وكيف الحمل معكم والله ما طقت ريحة الطبخ امس طبخت وبعد ساعه من طبخ قلت لزوجي خلينا نروح نتغدى على البحر علشان نفسيتي تفتح على الاكل وتغدينا على البحر وكان جو حلو شكلي كل مره راح اسويها خخخ بس قلت له مره الجايه دورك تجيب من مطعم

ابتسم وبداخلي مليون طعنه · 07-05-2010, 09:59 AM

فراوله الله يقومك بسلامه ويثبته وتفرحين بشوفته يالغلا ترا اسبرين اطفال حلو مره يثبت الحمل مع حمض فوليك

الدايخه · 07-05-2010, 11:11 AM

السلام انا ضيفه يديده عليكم اتمني اني اكون عضوه وفعاله معاكم والله انا من زمان وانا ادور عن جذي منتدى

ملاك1 · 07-05-2010, 03:13 PM

مساء الخير عليكم كيفكم مع الوحم وكيف ننواتكم